لاصرت تنثر عبرتك كل ساعه
وش عاد ينفع مسحتك دمع عينك
ما هي بوالله يا رفيقي شجاعه
أحفيت خدك والسبب في يدينك
خل الدموع تسيل يكفي مناعه
ولا تنتظر من هو بيمسك يمينك
قبلك زماني قد سقاني قطاعه
يقول قسمه وانكتب في جبينك
لا تجرح اللي طاري البعد لاعه
تكفى زبنتك لا تخلي زبينك
تضحك مع العالم ولا هي قناعه
وفي وحدتك يا قلب يكثر ونينك
ما عاد به للحزن أي اتساعه
أضحك وخل الهم بيني وبينك
أرجو ان تنال رضاااكم