[align=center]
جمرة غضى ما هي مثل كل جمرة
..........................تطلق لهيب الشوق في داخل الروح
يشقى بها المشتاق بأيام عمره
..........................ويقضي حياته بين الأوهام والنوح
من حرة الأشواق بالصدر حمره
..........................مثل الحديد إليا احتمى دون مصلوح
الشوق شب بداخل القلب سمره
..........................واحرق بقايا قلب مبلي ومفضوح
والنخل كانه مات ما مات تمره
..........................وتمري بوسط القلب طعنات وجروح
والصاحب اللي جض ما نعرف أمره
..........................لا هو زعل منا ولا قال أبا أروح
خلا حياتي مظلمه دون قمره
..........................ما عاند جروحه ولا حاول البوح
باكر يشوف الزرع ويذوق ثمره
..........................ولا صار مخطي بالغلا قلت مسموح
تدور به دنياه بأيام عمره
..........................ويرجع ولكن بعد ما راحت الروح
سقيان
[/align]
رد مع اقتباس
