[ALIGN=CENTER]( قلبك ) .. ( يغرًك )
وانت
فالحب تحتال ...!!
وشلون شايل .. بين
الاضلاااااااااع
قلبك
*
*
مدام مالك بالهوى
( فــيّ .. وظلال )
ما يختلف لو شفت .. سلمك .. وحربك
.
.
.
والتفاصيل
.
.
.[/ALIGN]
[poet font="Simplified Arabic,5,black,bold,normal" bkcolor="transparent" bkimage="backgrounds/8.gif" border="ridge,4,orange" type=2 line=200% align=center use=ex length=0 char="" num="0,black" filter=""]
قلبك يغـرّك وانت ( فالحب ) تحتال = وشلون شايل بين الاضلاع ( قلبك )
مدام مالك بالهوى ( فـــيّ ) وظلال= ما يختلف لو شفت ( سلمك ) وحربك
كنت احسبك .. تعطي على كل الاحوال= واثر ( العطا ) ما وافق بيوم ( دربك )
عشتك ( ألم ) كلك متاهات .. وهبال=معنى العذاب .. وجاير الهم .. قربك
طبعك تجاوز للاسف طبع ( الانذال )= ليتك تحس بحــرّ ( نارك ) وكربك
في داخلي يبني لك ( الكره ) تمثال=بين ( الحنايا ) لو تصورت .. يربك !!
خنت العهود وجيتني ( حيل ) تختال !!= الوجه شرق و ( نـيـتك ) يم غربك
غدرك معك في داخلك ( حـيّ ) ما زال=ماهو غريب ان صار ( زادك ) وشربك
لا تحسبن جروح .. مثلك على البال = من صد ( جيشك ) قادر إيـبـيـد ( سربك )
مات الشعور ولا بقى فيه ( مثقال )=تعبت اجامل .. وادفع ( اتعاب ) كذبك
خذها صريحة واصدق القول .. ينقال=هجرك دواك وزايد ( الــبُـعد ) طبك
وش تنتظر بالله .. يا متعب الحال= إرحل ولملم .. مع بقاياك .. ذنبك
ماعاد قلبي ينظرك ( عـزّ ) واجلال=لو ( مت ّ ) عنده ترتجي .. ما شعربك
فرصه عطيتك وانتهى وقت ( الامهال )= اعلنت فيها ( للملأ ) موت .. حبك
[/poet]
.
محمد العسكر