رجاجيل وحريم غرابيل اسمعوني ابقولكم سالفة صارت لي تقشعر لها الابدان وتوقف لها الحاجان (يبي يخوفهم مسوي ان موضوعة فلم مرعب) كنت جالس في صالة البيت اقلب الدش ومركز على دعاية زبادي (دانون)
الا ابوي خاش وهو يصفر مع خشمة مسوي انة مبسوط ؟ قال شرقاوي قلت سم . قال ماودك تخاويني . قلت وين . قال امش جعل وجهك البلش الى يقطعة مصدق اني اباخذ رايك بعد ؟ عاد انا اسمع بالمثل الي يقول (اذا الواحد كبر حبتين يصير خوي ابوة)
المهم شغلنا الفياقرا ابو حوض . ودرعمنا وحنا مستانسين على اغنية اليسا فيحان ( لا لا تضايقونة) وانا جالس اصفق بمصابع رجولي وابوي متعلق بالدركسون تقول انة يدور مدرج عشان يهبط . شوووي الا انا في الردمية وعجتنا طايرة .. كسر ظهري بسواقتة وماصدقت وصلنا اخواياة ونزلنا من السيارة الا اسمعهم يقولون بصوت واحد اللة حيهم تقول جمهور في مدرجات . قمت اسلم عليهم واحد واحد بس عليهم ريحة يالربع . خلتني اشك في نفسي من عقب المطبات الى قبل شوي..الا يوم نوخنا ؟؟ قصدي جلسنا الا اشوف في النص طاسة كبيرة وفيها شي ابيض وعلية زي الرغوة البيضاء. ؟ الا واحد منهم مقربها لي وانا الى احط طرف ثوبي فيها واقعد افرك وافرك .. الا ذيك السطرة الى في رقبتي الا وجهي نصة في الطاسة وصار كنة واحد جالس عند حلاق بيحلق ..الا يوم غابت الشمس كل واحد قام يصب لة في غظارة صغيرة وماتسمع الا صوت الشفط والشفيط وشوي الا ماغير اسمع ضحكوهم وكركرتهم قلت في نفسي لايكونون جالسين يسكرون وانا مدري الا يوم قام واحد فيهم وانا الى اقوم اصفق لة احسبة بيرقص .؟؟؟ الا يوم قبصني ابوي في فخذي تقول سوداني يدقني ابرة من قوتها..
قلت خل اجرب معهم واخذ غظارة واشرب الا يوم جاتني تغرة من الاثني عشر خايسة .قلت بس مثل البايسن هذا يهضم . بصراحة اعجبني واقعد اشرب لين انتفخ بطني وقام ينقط مع خشمي وانا ازاعق ابوووي خلاص افصل الدنيموا تعبيت تعبيت امتلاء الخزان ....
المهم رجعنا البيت وانا حاط يدي على بطني وياللة امشي تقول وحدة في الشهر التاسع وتحتري يومها قصدي الولادة . ؟ وعلى طول رحت وانسدحت على ظهري قلت خل اوزع ذا الحليب على باقي جسمي ماعاد قدرت اتنفس . دقيقة وعن الكذب دقيقتين. الا اسمع ذاك الانفجار تحت صدري ومن قوتة فتحت رجولي لا شعوريا
وطلعت ذيك الريحة وقامت دموعي تبطبط وظلمت الدينا في الغرفة .. قلت خلاص مابدها على التوليت (مسوي نفسي متطور يوم اقول توليت) الا على فكرة ترا كلمة توليت ماعرفتها الا يوم خلصت الثانوية لاني متعود كلما رحت الحلاق اقولة راسي ابية توليت وحدد جبهتي معة ...من قوة الحليب ياناس جالس في الحمام وانا متربع وفي يدي شطاف الموية وارش فية راسي ابي ابرد على نفسي من حرارة مافيني وكل شوي اسمع انفجار قوي وانا اقول اللة يستر متي بخلص ..عاد تصدقون طالع بطني كنة قدر ضغط ماغير يتستس .. بصراحة استهواني موقف نملتين قدامي ماغير يطالعوني ويضحكون على الا الاولة تكلم الثانية وش فية عيونة حمر وماغير يونون ويتزحر. قالت لها ذا شوفي وشنة ماكل اكيد مريح بروستد ابو ثمانية ريال لوة ابو عشرة سلم ..الا اسمعهم يقولون لبعض خلينا نمشي الا وحدة تقول مانيب رايحة ابي اشوف ذا النهاية المخيسة قصدي النهاية للبطل حاسة انة بيجي لة شي مهوب زين ؟؟ وانا ماغير ودي اروح افغصهم بمصبعي بس خايف اتحرك وهمن يجي كل الى في بطني مع فمي ؟ تراة مالة داعي..شوووووي الا يوم انفك بطني وجاء مثل السيل المندفع الى جايب معة كل شي الا وحدة من النمل انحاشت ورقت فوق عصا مكنسة والثانية مامداها وشربت من السيل بس من حرارتة تقطعت وجاتني عيوها تتدربي قدامي . الا اسمع رجفت الباب شرقاوي قالت وش تبون مني قال ابوك جالس في الصالة يتلوي اخلص اطلع قلت اية معلية خلوة شوي ؟؟عاد مابغيت اطول عليكم والا فية علوم خايف تملون منها
زبدة الموضوع ::: لاحد يشرب حليب الا مفوح على النار
ترا الحليب الى في البقالات مايعور البطن ...
لازم يوجد في كل بيت كمام غاز تحسب لي انفجار طارئ وخارج عن الارادة
رد مع اقتباس
