[poem=font=",6,darkblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ديرةٍ ما أنتي وسطها لا حشا ما هيـب ديـره=والمكان اللي يضمـك الأكيـد أغلـى مكـان
يا امبراطورة حياتي يا المليكـه يـا الأميـره=ما بقى في الحال شئ ألا بعد فرقـاك شـان
لك خفوقي غربّي به ما معي في الصدر غيره=ليت للخفاق نسخة كنـت أبنسـخ لـك ثمـان
لو تحدى الغير قلبـي والله أنـه مـا يثيـره=ما أحدٍ غيرك قوى لحظة على كسب الرهان
صدتك عنـي وبعـدك حاجـةٍ والله كبيـره=لو أخفي الحزن فيني يا بعـد عمـري يبـان
فيني جـروحٍ كثيـره مـع سواليـفٍ كثيـره=لو عرضت جروح قلبي للحديـد اليـوم لان
امتحنتي الشاعر اللي ما سمع للحـب سيـره=لين شافك صار عمره بين لوعـة وامتحـان
ما معه غير الورق وأقلام حبرٍ مع حصيـره=راح ليلـه بيـن يـا وبيـن ليـل وبيـن دان
لا الهنوف ولا تهاني لا ولا الأخرى شكيـره=كلهن مثل السراب إليا طـرت نظـرة حنـان
هو صحيح الكون فيه ألفيـن × ألفيـن ديـره=لكن أرضك يا حياتي الأكيـد أغلـى مكـان [/poem]