اليوم العصر كنت فاضي وقعدت أتابع القناة الرياضية السعودية .. إلا صورة ظافر أبو زندة وهو متمحس وماسك صافرته .. ومكتوب فوق في الشاشة ( مباشر ) .. قلت وش هالمباراة اللي تقام الساعة 4 العصر ... حرررررر وجو ما يساعد على اللعب ..
وشوي إلا المعلق ( توه صاحي من النوم .. جاي غصب يعلق ومرتز في الملعب من القايلة ) :) .. يقول ... مباراة كبيرة تجمع بين فريقي
الحمـــــــــــــادة × والفيصــــــلي
قلت يا ولد اجلس وتابع ..
نقاط متفرقة حول المباراة ...
1 _ طلعوا الفريقين لاعبين مباراتين قبل هذه المباراة .. وهذه هي الثالثة والفاصلة
2 _ طبعا مباراة فاصلة في الدرجة الأولى مو علشان التأهل .. ولكن للبقاء ضمن فرق الدرجة الأولى :(
3 _ الحمادة لونهم أزرق ... والفيصلي لونهم أحمر محروق << وش ذا اللون
4 _ مكان المباراة .. استاد الأمير فيصل بن فهد يرحمه الله
5 _ الجمهوووووور صفر ... ( وللأمانة فيه كم واحد كان ماسك طبل وقاعدين يغنون لأحد الفريقين بس ما عرفت لمن .. لأن كل المشجعين لابسين البرازيل )
6 _ أعضاء الشرف اللي حاضرين كانوا أكثر من اللاعبين .. ويدل على ذلك إنه بين الأشواط الأضافية ما تشوف في الملعب إلا شمغ وغتر وتشخيص .. واللاعبين مختفين بينهم !!!
7 _ أول ثلث ساعة ... ( إلا في المباراة كلها ) كان هناك توجه واضح نحو رميات التماس .. حتى إني اعتقد إنهم حطموا الرقم القياسي في رميات التماس ..
8 _ مهارات اللاعبين معدومه .. كنترول خارج الخدمة .. لياقة رايحه في عين أمها .. وأكثر ما شدني ( إن اللاعبين مشخصين بكريمات الشعر واللفات على يدينهم .. لأنه المباراة منقولة ) ..
9 _ العادة بعد انتهاء الأشواط الأصلية يكون هناك تدليك وتفكيك عضلات .. وأنا اللي شفته إن السالفة صارت كلها تكميد جروح .. لأن سيقان اللاعبين كلها منعطبة << من الدخلات اللي مالها سنع .. والظاهر إنهم قاموا يتسلفون من بعض لزقات جروح !!
10 _ المصيبه إنه قبل الأشواط الإضافية .. كان المايك قريب من اللاعبين .. ومدرب فريق الحمادة كان يهمس للاعبينه .. بس الصوت طلع للمشاهدين وهو يقول ( ركّزوا يا عياااااااااال ركزّوا ,,,,, ولا تطيرون في العجّة ) << العجّة رياح شديدة تاكل الأخضر واليابس
11 _ لاعب فريق الحمادة سجّل هدف وراح للمدرجات ويشير لهم بأصبعه بالصمت ( يعني اسكتوا ) << راجع الفقرة رقم ( 5 ) ... تدري إن اللاعب دايخ
12 _ المباراة تابعتها حتى نهاية الشوط الأول الإضافي .. وكانت النتيجة التعادل بهدفين .. وطلعت قبل الشوط الثاني الإضافي .. ( لأن صلاة المغرب قربّت ) .. فالرجاء من عنده نتيجة المباراة يبلغنا .. << تحسون إنه متحمس للنتيجة :تصفير:
ملاحظة مهممممممممممة : بعد نصف ساعة اكتشف معلق المباراة إنه كان يسمي لاعبي الحمادة بدال لاعبي الفيصلي .. والعكس ... وكان يعتقد إن فريق الحمادة هو فريق الفيصلي .. والعكس أيضاً ... وأنا زي الأطرش في الزفة ( اقسم بالله كنت بغيّر القناة بس مسكت أعصابي )
تحياتي
مراسلكم من خلف الشاشة الفضية .. سهم المنايا