[align=center]اسعد الله صباحكم جميعا بالخير والرضا والمسرات
اعود اليكم بهذه الكيبوردية التي اتمنى ان تنال رضاكم وترتقي لذائقتكم [/align]
[poem=font="Simplified Arabic,4,darkred,bold,normal" bkcolor="transparent" bkimage="backgrounds/49.gif" border="outset,4,darkred" type=2 line=1 align=center use=ex num="0,black"]
وش لي أنا في هالمحبة دايم وجفني سهير=أثر الهوى أكبر بلا والحب حالة مزمنة
محبوبي اللي في هواه قلبي معه دايم أسير=يسوقني يمّه غلا وامشي وانا له مذعنه
خافقي من قبل اعرفه فيه شر(ن)مستطير=لين امتلك كلّ الجوارح والعقل استوطنه
صار لي كل الملا صار الاول والاخير=ماكنت احسب اني بيوم احيا غرامه وادمنه
مالك(ن) كل المحبة ساكن(ن)باقصى الضمير=مدري سجنه الحب فيني ولا قلبي يسجنه
علمني دروب الهوى اعشق وانا توي صغير=فتنت انا قلبه بحبي قبل قلبي يفتنه
صادق(ن) ماحلى غرامه عاشق وماله نظير=يعشق عيوني واعشقه أجنّ به واجننه
شاعر(ن) مايشبهه غير ابن ابو سلمى زهير=والقصيد اللي يقول الكل مثلي استحسنه
فارس(ن) مايقهره عنتر ولا غيره وزير=الشهامه والرجولة والشجاعة تسكنه
خطر(ن) على قلبي بشوفه من مكانه له يطير=ينسى معه حب(ن) مضى 00 ينسى كل الأزمنة
وهو بعد لاجيت يمه في مكانه يستدير=يومي بمسباح الهوى والنظر بي يمعنه
ماابدله ماابدله لو اقبلو طابور سير=لو جابو اموال البشر صلف الورق مع معدنه
عقّل فؤادي بالغلا وعقال عشقه بي خطير=جرب على كل المشاعر سطوته والهيمنه
أهواه مدري اعشقه وضعي معه جداً مثير=أنا اشهد اني ياعرب بالحب بعده مؤمنه
لو يشتهي فوق الجمر دامه معي فوقه اسير=واسلك انا لاجمل عيون كل الدروب الممكنه
هو غايتي هو فرحتي في غيبته ماني بخير=احس انا في غيبته يوم البشر كنه سنه
اموت أنا في مبسمه كل الحكي بشفاه غير=واذوب انا في كلمته بالذات لي قال (لعنه)[/poem]
رد مع اقتباس
-new.gif)
المشاركة الأصلية كتبت بواسطة فخر أهلها
