بسم الله الرحمن الرحيم
الكلام احيـان مـا منـه ثمـره
خلّني ساكت وسـوّ اللـي تبـي
ضيّق الخاطـر كلامـك وكـ ـسـره
آه .. من كـ ـسر الخواطر وتعبـي
واعـد الجمّـال فالبـال عـشـره
كلهم مـا حققـوا لـي مطلبـي
والقصيد إن مر ليلـي وسهـره
احطب ضلوعي و اوّلـع فحطبـي
مختلف فكـر وشعـور وحنجـره
أخطف الألباب واسبيهـا سبـي
والعفو ( توبيخ ) عند المقـدره
مير ماش عراش في راس الضبي
صاحبي يا صاحبـي لـو اخسـره
مستحيـل إن الخسـاره بسببـي
الغبي منهـو يصـدق لـه مـره
والمره ما تصـدق الا مـع غبـي
علّـمـه لا يزعـجـك بالثـرثـره
عبهلـه كـذاب ومحمـد نبـي
لا يحسبّهـا كــذا بالمسـطـره
فرق بيـن الأعجمـي واليعربـي
كم قبـر ٍ فـي قبـور المقبـره
يحفره شايب ويدفن بـه صبـي
وكم رجل ٍ شاف شـي ٍ يقهـره
من ولد عمه على شـان اجنبـي
وكانها مابيـن ذنـب ومغفـره
لحيتي تكـرم وكرّمـت شنبـي
الكلام احيـان مـا فيـه ثمـره
خلّني ساكت وسـوّ اللـي تبـي
رد مع اقتباس
المشاركة الأصلية كتبت بواسطة اشتقت لأيامك
