(بن راجس+ بن جخير) في محاورة ابداع منقولة لعيونكم

[عيون مغليها]

أعضـــــــــــاءمــــــــ ـــنتديات غرابـــــــــــيل الادبيـــــــــــــــــــ ـــه....

أسعـد الله اوقاتكم بكل خير يســــــــعدنـــــــي ويشــــــرفنـــــــي ان أقــــــدم لكــــــم هذه المحــــــاورهـ

التـــــــــــي قاامت بين شـــــــــــاعرين لانستـــــــــــغرب منهـــــــــم هــــــذهـ الجــــــزالـــه

لانهـــــــــــــــــــــ م من بيـــــــــت الجــــــــــزالـــه .....

الشــــــــــــــــــــــ ــــــــــــااأاأعــــــر ين

الشــــــــــــــــــــــ ـــــــــــــــــاعر (( علـــــــــي بن جخير ))...

والشـــــــــــــــــــــ ــــــــااعر المبدع ((عبــــــداللــــه بن رااجـــس ))...

واتــــــــــــــــرككم مــــــــــع المحـــــــــــاورهـ .....

علي بن جخير ..
بعد مالله جمعنا يابن راجس والقلوب اصحاح= هلابك من رماح الين تاصل للنعيريه
لو ان الزير سالم شاف فعل غليص ابن رماح= ماخلاها تطوف الا بسيف وضرب جنبيه

[IMG]http://hajisqssu.********************************************/v23.gif[/IMG]
ابن راجس ..
واقول ابك البقى يامرحبا يالصاحب المزاح = وانا وانته سعودي كلنى فالرض السعوديه
وكانك تبغي المليون وردها على قرداح = وانا مدري بشين ضايعِ لالك ولا ليه

[IMG]http://hajisqssu.********************************************/v23.gif[/IMG]
علي بن جخير ..
توكلنا على الله والهدف رنيه وحد رماح = على وضح النقا مابين خياله ورجليه
عسى ربي يخلي من خذاك وجيت بالارباح = وحجز لك في رجال اعمال من عقب السياحيه

[IMG]http://hajisqssu.********************************************/v23.gif[/IMG]
ابن راجس ..
علامك ياعلي كنك تمرجح لك على مرجاح = يمال السيل ياوادي حبونا والحصينيه
ترا اللي مايحسب لطيحته يندم ليامن طاح = ترا هاذي نصيحه والنصيحه لك خصوصيه

[IMG]http://hajisqssu.********************************************/v23.gif[/IMG]
علي بن جخير ..
انا ماكنت احسب ان في جدودي واحدن سفاح = الين امعنت فالتاريخ في هذي وفي ذيه
ترى الي مايحسب لهيبته يمسي بدون سناح = واذا بانت عليه الشمس راح يدور الفيه

[IMG]http://hajisqssu.********************************************/v23.gif[/IMG]
ابن راجس ..
انا ياهل الصدور البيض احب الخوخ والتفاح = واحب امشي مع الروض الخضر واقطف بختريه
يقولون الثبيتي لاتقابل هو وبن شلاح= احد ياقف واحد يجلس ومربوعه ومثنيه
[IMG]http://hajisqssu.********************************************/v23.gif[/IMG]

علي بن جخير ..
لو انك لا سريت ادل ماضيعت فالمسراح = تبي تطلع من الموضوع والدعوى جنوبيه
عسى ربي يخلي من ردع الارواح من الارواح = ونساك البنادق والمزين والسبيعيه
[IMG]http://hajisqssu.********************************************/v23.gif[/IMG]

ابن راجس ...
الله يالله صباح الخير يارزاق يافتاح = ترا حنا هل الردات ماحن بهل رديه
ماودك ياعلي ترتاح ليتك ياعلي ترتاح = ترا مالي مزاجِِ مثلكم ياهل الهجينيه
[IMG]http://hajisqssu.********************************************/v23.gif[/IMG]

علي بن جخير ..
انا ماني بقايل وش علامك ليه سدك باح = لكن احلم على قدك ترى الاحلام ورديه
هل الردات قومن يلبسون العز لبس وشاح = تمعن في كلامي وافهمه والنيه النيه
[IMG]http://hajisqssu.********************************************/v23.gif[/IMG]

ابن راجس ..
انا اخذت الخساره من هذاه السوق وانت ارباح= عشانك يالحنون اللي تجيب سلوب حنيه
تبي فوقك نحط الكبس ولا تبغي المصباح = ترا حنا هل التوحيد مافي نجد حريه
[IMG]http://hajisqssu.********************************************/v23.gif[/IMG]

علي بن جخير ..
انا ماودي ازود طعونك وادعي الجراح = واعلم من نسى والسالفه ماهيب منسيه
سرينا من ديار العز مسرى ماهو بمرواح = ورزينا بيارق يام والرايات ياميه
[IMG]http://hajisqssu.********************************************/v23.gif[/IMG]

ابن راجس ..
وحنا لعطينا بالنفوس اللي مهيب شحاح = نبي نملا بطونن قبلنا ماهيب ممليه
ولا والله نطف الكيل من ضاحي ولا وضاح = وفي الساعه نبي ندخل حمى عشرين محميه
[IMG]http://hajisqssu.********************************************/v23.gif[/IMG]

علي بن جخير ..
غريبه تو دمك يحتمي يالراعي المصلاح = تفقد في حلالك وش خذينا ساعة الهيه
ترى حنا نزيح طويق لو طويق ماينزاح = كأن ربي منزلنا مع الكتب السماويه
[IMG]http://hajisqssu.********************************************/v23.gif[/IMG]

ابن رااجس ..
ترا فالليل الاسود كل براقن ليامن لاح = عليك مخالفه ماعندك اسطبات خلفيه
نبي نعطيك تاج ومحزمين وفتختن ووشاح = ونبي نكسر مقام البير قبل ندمدم الطيه
[IMG]http://hajisqssu.********************************************/v23.gif[/IMG]

علي بن جخير ..
ياراع الباب قفلك في يدك وانا معي مفتاح = تبيها في خفى ولا تبيها في علانيه
لانك حر والي مثلك يعود على الملواح = ومدام انك مثالي بتحلى بالمثاليه
[IMG]http://hajisqssu.********************************************/v23.gif[/IMG]

ابن رااجس ....
توقف ياعلي مافيه مقطارِ ولا مفساح = على اطول رجم من فوق المحطات الجيلوجيه
اثر موج البحر مايغرقك يالماهر السباح = ولك تسعين صفحة شكر مكتوبه ومقريه

وصـــــــــــــــــــــــ ــــــــــــــح اللــــــــــــــــــــــ ـه السنتهم جميع .....

وبيــــــــــــــــــض اللــــــــــه وجيهــــم جميـــــع

تقبلواااااا تحياتي ،،،،،

( الناقل الرسمي لأخبااااار ابن راجس) :مزون::مزون::مزون:
عيوووون >>>> مغليها

[ابومسواك]

الله يسلمك ياعيون مغليها
ولاهنتي على هذا النقل الجميل

[مازن]

عيون مغليها


يبدو في خلل والله أعلم قبل أيام ذكرتي باحد ردودك :

[SIZE=5][COLOR=purple]


اقول سعود شكلك ماتعرف ان بو هادي ماله في المحاورات


icon_evil

[SIZE=5] SIZE]

http://www.g111g.com/vb/t145301.html

والان اصبح محاور !!


عالمووم صح لسان كِـلا الشاعرين وترى ردودك محسوبة لدى بن راجس

[فهده]

^
كلام مزبوط

ابن راجس مايحاور الي اعرفو دئلت
وكمان انت قد قولتي كذا

صحت قلوب الشعار

وتسلمين ياعيون مغليك
انتظر ردك ع احر من الجمر < :مزون:

سلام..

[عوادالعلي]

الله يسلمك ياعيون مغليها
ولاهنتي على هذا النقل الجميل

هذا اولآ ثانيآ

لاتعقيب على ماذكر اخي مازن

بل تاكيد ان ردك كان خاطيء

والشاعر عمومآ يبقى شاعر

ولافرق بين المحاوره والنظم

سوى الرغبه والميول

اختي نحن نقدر اهتمامك بشاعرنا

ولانتمنى ان يساء له بل لانقبل

مرة اخرى اشكرك
ياعيون مغليها
ولاهنتي على هذا النقل الجميل

[سليمان الذويخ]

الشاعر ابن راجس له امسيات
مالقيت دلائل على المحاورات وبروزه بها وقد يكون السبب ان محاوراته قليلة
لكن يبقى الشاعر شاعرا اللهم ان شاعر المحاورة حاضر البديهة وسريع الرد
بينما يتميز الشاعر العادي بالتأني بالنظم ومراجعة قصائده لتخرج بشكل يرضى عنه
يعني مستوية على نار هادية
شعر المحاورة يفرضه الموقف وامواجه :مزون:
شكرا لكم

[عيون مغليها]

الله يسلمك ياعيون مغليها
ولاهنتي على هذا النقل الجميل

ابو مسواك
هلاااا وغلا نورت الصفحة
والله لا يهينك

[عيون مغليها]

عيون مغليها


يبدو في خلل والله أعلم قبل أيام ذكرتي باحد ردودك :


http://www.g111g.com/vb/t145301.html

والان اصبح محاور !!


عالمووم صح لسان كِـلا الشاعرين وترى ردودك محسوبة لدى بن راجس

الاخ مازن
شكرا لمورك وتواجدك هنا
ومازلت عند كلامي
الشاعر عبدالله بن راجس شاعر نظم بالدرجة الاولى وليس شاعر محاورة
والمتتبع للشاعر يعرف انه لم يكن في حفل محاورة واحد لا من قريب ولا من بعيد
وكل مافي الامر رديات بسيطة وعفوية تفرض نفسها احيانا على الشاعر ليجاريها ليس الا ،،،
علما ان ابوهادي علم وبحر في كلا الفنين فن النظم واذا اردت فن المحاورة
وبالنسبة لموضوعي فاني ذكرت اطلاق النااااار على شاعر محاااااااورة معروووووف
واظن ابوهادي معروف في النظم وليس في المحاورة ليس انتقاصا من شأنه كشاعر
ولكن هذا هو الدرب الذي سلكه واختاره علما انه بارع في سرعة الرد وحضور البديهة ودفن المعنى وووووالخ ممايتطلبه فن المحاورة
الاانه غير متواجد في ساحات المحاورة
وماهو امامك ياسيدي الفاضل ماهو الا رديه بسيطة يجاري فيها الشاعر بن جخير وليست محاورة تطووووول لساعات او ما إلى ذلك امام شاشات التلفاز او الحفلات او المناسبات
وان كان قصدك تحويل مسار الموضوع والمهاجمة وتصيد الردود وتحويلها لصالحك فأترك أمر الرد لأبو هادي ليبين وجهة نظره وهل ما انقله صحيح او غير صحيح فقد اكون مخطئة عن غير قصد مع اني لا اظن ذلك ،،،طبعا اذا سنح له الأمر !!؟؟
شكرا لمرورك اخ مازن ...

[عيون مغليها]

^
كلام مزبوط

ابن راجس مايحاور الي اعرفو دئلت
وكمان انت قد قولتي كذا

صحت قلوب الشعار

وتسلمين ياعيون مغليك
انتظر ردك ع احر من الجمر < :مزون:

سلام..

ادري ان كلامي مزبوووووط ميه ميه
ابن راجس شاعر نظم وليس محاورة
وماهو امامك رديه بسيطة تظهر لنا ابداع الشاعر في فن المحاورة ولكنه لايحبذ هذا النوع ،،رغم تميزه فيه ،،،
يعني هالرديه طلعناها لكم من تحت الطاولة عشان تستمتعون بس الظاهر انتو تدورون ...........؟؟؟
وهذا ردي وانا ماكفاك شوفي ردي على مازن وانتظري رد ابو هادي ،،،،

شكرا فهدة لتواجدك وانتظارك الرد !!!

[عيون مغليها]

الله يسلمك ياعيون مغليها
ولاهنتي على هذا النقل الجميل

هذا اولآ ثانيآ

لاتعقيب على ماذكر اخي مازن

بل تاكيد ان ردك كان خاطيء

والشاعر عمومآ يبقى شاعر

ولافرق بين المحاوره والنظم

سوى الرغبه والميول

اختي نحن نقدر اهتمامك بشاعرنا

ولانتمنى ان يساء له بل لانقبل

مرة اخرى اشكرك
ياعيون مغليها
ولاهنتي على هذا النقل الجميل

الاخ عواد العلي
شكرا لتواجدك هنا هذا اولا
وثانيا
علامك الله يصلحك داخل عرض
وش اخطئت فيه الله يطول عمرك بس
وش تعقيبا على كلام مازن
ياناااس افهموا ااا اول السالفة
وبعدين غلطوني !!! ولا بس من طق طبله قال انا قبله
وان كنت ماترضى احد يسئ للشاعر مرة
فأنااااااا عيووووووووون (مغليهاااااااااااا):icon_evil
ماراضى احد يسيء له مليوووووووووون مرة :icon_evil
الله يهديكم بس
جبنا لكم هالردية تستمتعون قلبتوا الطاولة علينااااا
ابن راجس شاعر نظم بالدرجة الأولى
وليس شاعر محاورة رغم ابداعه في هالفن الا انه بعيد عن المحاورات وساحة المحاورات ولا اعتقد ان في هذا الشيء انتقاص لحق الشاعر ولا تقليل من قدره وقيمته
هذا الوااااااقع ،،،،
يعني مو بعيد بكرة اذا قلتوا لازم نقول ان كل شاعر هو شاعر محاورة ويصير بكرة خالد الفيصل وبدر بن عبدالمحسن وحامد زيد والسامر وبن فطيس و الفراعنة ووووووووووغيرهم شعراء محاورة !!!!

[عيون مغليها]

الشاعر ابن راجس له امسيات

مالقيت دلائل على المحاورات وبروزه بها وقد يكون السبب ان محاوراته قليلة
لكن يبقى الشاعر شاعرا اللهم ان شاعر المحاورة حاضر البديهة وسريع الرد
بينما يتميز الشاعر العادي بالتأني بالنظم ومراجعة قصائده لتخرج بشكل يرضى عنه
يعني مستوية على نار هادية
شعر المحاورة يفرضه الموقف وامواجه :مزون:

شكرا لكم

ينصر دينك ياسليمان

الف شكر على المرور والتعقيب البعيد عن التحيز والتعصب

[عوادالعلي]

الاخت / عيون مغليها

لاتعقيب على ماذكرتي





لو اكتفيت بهذا الرد

فهاذا يعني لاتعليق

وهو ماقصدته بخصوص ماذكر اخي مازن

فالعمل الاداري يتطلب ثلاث

1- فكره

2-قرار

3-تنفيذ


رابعآ تبعت الرابط المعنون بـ

اطلاق النار على شاعر محاورة معروف!!!

فتلقيت وابل من الرصاص عفوآ الردود

وهي سبب دخولي الخاطء

خامسآ آسف وحقك علي

سادسآ

انصحي شاعرنا بان يتحاشا عالم المحاوره

سابعآ هذا رد كتبته لاحد الزملاء هناء من غير مناسبه



[poem=font=",6,sienna,bold,normal" bkcolor="white" bkimage="" border="double,2," type=2 line=0 align=center use=ex num="0,black""]
متوافقين الله يوفق على الخير=مابعد صوتك يابيض الوجه تصويت
قص الشريط اليوم واعطيك تقرير=اقول عشت وشفت ماقول حسيت
اقفي زعل وارجع محبه وتقدير =واندم على فكرة رجوعي لياجيت
؟ مدري كسل والا تهاون وتقصير=والا اني لحالي عن الناس شذيت
ان كان عندك للذي صار تفسير =يابن السخا والجود والسيف والصيت
من غير قاصر للرجال المناعير=مامن غريب وكلنا من هل البيت
وشلون ابشرح درس من دون تحضير=انا كذا عشت وفهمت وتربيت
زبدة كلامي جاك ياراعي الطير= بذلت مجهودي ولكني اخطيت
محد ( ن ) امرني باختلاق المعاذير=ماعاد تنفع بعدها قولتي ليت[/poem]

[أبوعبدالرحمن]

صحت قلوبهم جميع

وابوهادي يحاور على الماسنجر بس :)

والمبدع مثله لايستغرب منه الابداع في المحاورة

الله يعطيك العافية اختي

[عبدالله بن راجس]

صباح الخير للجميع





بداية / اشكر الاخت عيون مغليها على اهتمامها بنقل المحاورة وتتبعها لأخباري من قريب وبعيد

ثانيا / انا فعلا كما ذكرت الاخت عيون مغليها لست من هواة المحاورات رغم انني ولله الحمد متمكن منها ولكن لايخفى عليكم مافي المحاورات من امور لاينبغي ان تكون لذلك انا فعلا بعيد عن المحاورات الا من الرديات التي تفرض نفسها احيانا علي فاقوم برد عليها ببيوت معدودة لأني لا احب ان اطيل في مثل هذه المحاورات فيحدث مالا يحمد عقباه

ثالثا / كل الشكر لتواجدكم معنا في الموضوع متمني ان تستمتعوا بهذه الردية بيني وبين الشاعر ابن جخير وكل التقدير لعيون مغليها لنقل المحاورة والاخبار الخاصة بي وبيض الله وجهك ولاهنتي مقدر جهودك وشاكر

ولبــــــــــــــــــــــ ـــــــــــــــــــــى كلـــــــــــــــــــــــ ـــــــــــــــــــــــــ ـــــــــــــــــــــــــ ـــــــــــش

اخوكم ////عبدالله بن راجس

[محمد الدغيري]

اعرفك يا ابو هادي
ما تحب المحاوره .. ولك شطحات مع سلطان و ابو تركي

صح قلبك