[poem=font=",6,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
لسريك يا قلبي بليل المغاليس
=واحملك ما لا تطيق وتشله
وأعوفك شوف الرخم والطواويس
=واجملك باللي عقصها تفله
اللي خشمها مثل خشم الجرانيس
=ومعناقها نصف القمر مستحله
واللي نحرها مثل ضي الفوانيس
=وعيونها ما بين دقه وجله
النادره من دون كل الموانيس
=اختارها قلبي وانا باصمله
ام الخزامى والنفل والنراجيس
=يشمومة العرق المعتق وفله
حرحورة فازت بكل المقاييس
=ينزل لها النجم الكبير وتذله
وترقالها العربان خشم المطاعيس
=الغره اللي كثرها مثل قله
ولا مرها ذعذاع حلو النسانيس
=يستأذن من الحسن فيها وتحله
ماهيب من رسم الحبر والقراطيس
=اللي رسمها زود الطين بله
ولاهيب لولو قامسنه المقاميس
=ولا هيب من بيته على راس تله
مزيونة من بيت يحمي المحاميس
=بالصفرا اللي هيلها براس دله
يا هيه يا بنت الفخر والنواميس
=اللي كرمهم يسبق الصيت ظله
حرحورة زادت بكل المقاييس
=الي رسمها زوّد الطين بله
[/poem]
طلال الشامسي