جراح لو تدري عن الـي جرالـي
في داخل اسواق القمر عصر الاثنين
شفت الجمال وشفت زين الدلالـي
مزيونـةٍ تسحـر قلـوب المحبيـن
ساعة نظرته قلـت يـا هـم لالـي
والقلب زاد النبظ وسـط الشراييـن
مقـدر اوصـف زينهـا بالكمالـي
الله خلقهـا فارقـه فـي المزاييـن
مـن شافهاطنـش جميـع الغوالـي
وقدام بيـت الزيـن يدفـع ملاييـن
لكن ابذكر بعض مـا سـم حالـي
اذكر هدب عينه وقوس الحجاجيـن
وغصنٍ ليا من الهوى هـب مالـي
يلعبـه الغربـي بوسـط البساتيـن
والصدر بانـت بـه ثمـار مدالـي
ما ناشهـا الا ناعـم الخـام بلّيـن
وخصرٍ مقوس ذاب فيـه الجمالـي
وردفٍ نبى شلع ثيا ب اريش العين
ما عاد اميز بيـن يمنـى وشمالـي
حارة قدم رجلي ولاادري على وين
بس ادرجه بلعين وابغـى السؤالـي
ابنشـد المجمـول واخـذ عناويـن
لكن طبع السـوق معطـى مجالـي
وانا نشف ريقي وصدري براكيـن
من يوم شفت الهنـدي الـي قبالـي
في داخل الدكـان ويهـرًج الزيـن
قفت بعـد مـا حاسبـت بالريالـي
واخذت من الهندي اغراض وفساتين
الله يجازيهـا علـى مـا جرالـي
والله يكافيهـا شـرور الشياطـيـن
منقوووول لعيوونكم
رد مع اقتباس
