=== عـــــــــــــنا الـلـــــــــــــــــــــ ــــيل ==

[حمود بن عبيد ال بريك]

لكم الجديد للتواصل


[poem=font=",6,,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]
ياوجودي من عنا الليل وهموم الصباح= وجدمن عاش السعاده بواقع ضدها
كل ماقال أعتنز حظه المأخوذ طاح = يبني أبيوت ألأمل والرياح تهدها
وياوجودي وجد من فارقه حلم النجاح= كل ماكرس جهوده نصيبه لدها
الزمان همومه جروح وسهومه رماح = بيح إصدورِ وسيعه وباحت سدها
أستوا عنده شرابه هماجه والقراح = نوب تطلع منه روحه ونوب يردها
المدينه هددتها جيوش ألأجتياح = والدفاع إنهار معاد فيه يصدها
ياحزام الصبر معاد أبي منك وشاح = بركت عوص النجايب وعظة بدها
ومابقى رايِ يشجع ولا دربِ سماح =مادهى روحِ من الزهد وصلت حدها
أعذرت من قوت الصبر وسنين الكفاح= السعاده حلمها والمصايب مدها
كل ماقلت أعتقد بارق ألأمال لاح = الحقيقه لاسماها ولا أرضي خدها
ياصلاح الدين معاد فى الدنيا صلاح = الكبود بمرهفات السلال تقدها
مركبِ يقلب به الموج فارقه الفلاح = لانقطع رسن العبيه معاد يشدها
[/poem]



وسلامتكم

[يتم]

؛



يعطيك العافيه حمود . وسلمت .ولاهنت


احترامي


.

[عبدالله بن راجس]

ابو عبيد





الله الله عليك

المدينه هددتهـا جيـوش ألأجتيـاح

والدفاع إنهـار معـاد فيـه يصدهـا

ياحزام الصبر معاد أبي منـك وشـاح

بركت عوص النجايب وعظـة بدهـا

وانت مدرسه فديتك

ولبى كلش

[خــــالـــــد]

[align=center]
اسسسسسلـم

صح لسـانك وقلبك وكلك

بيض الله وجهك

ولاهنت يالذيب

[/align]

[ليــن القســا]

نص مليء بمفردات الإبداع من سمو وحكمة وجزالة
سلمت ودمت شاعرنا للعذب المميز تنثره بمداد التمكن بيننا ..

[أبوعبدالرحمن]

صح قلبك وكلك

وسلمت اناملك

جزله ومن شاعر جزل

تحيتي لك

[نـواف الشمــري]

صح الله لسانك ولا هنت




عز الله كفيييت ووفييييت




تقبل مروري المتواضع





فمان الكريم

[الشمـــــريه]

بسم الله الرحمن الرحيم


صح لسانك ,,,

جزاله مدهشه ,,,,

تقبل اعجابي ,,,

[مفرح بن مناحي]

صح لسانك يا حمود

وجدت في هذا المتصفح .. الجزالة بكل ما تعنيه

لله درّك

وبانتظار جديدك