[poem=font=",6,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]بسم الاله مدبر الكـون تدبيـر=الكون لامره قال سمعاً وطاعـه
ماقدر الخالق على العبد بيصير=نطلبه عفوه والرضا والقناعـه
إجعل لنا في كل الاشيا تباصير=ممشاً على السنه ونهج الجماعه
والناس بالدنيا ورود ومصاديـر=وكلٍ تورده المـوارد إذراعـه
وعندي نصيحه للرجال المناعير=وكلاً حسب رائه وحسب اقتناعه
عمر الفتى في علم وآل المقادير=في لحظة فيها يطوى شراعـه
وعلم ترى حنا طروش ومداوير=اجعل حياتك يافتى الجود طاعه
احذر ترافق خايباً ماكسب خير=يمشي على الدنيا كثير ضياعـه
لايسمع الناصح ولا يسمع مشير=مطاوعٍ للبليس وبليـس طاعـه
ماحصل الدنيا على اقل تقديـر=ولا سجلوا فيها براة اختراعـه
يروج الافسـاد ويدمـر الغيـر=شناعةٍ ياكبرهـا مـن شناعـه
وصلاة ربي عد ماغرد الطيـر=على النبي راع الهدى والشفاعه
[/poem]
رد مع اقتباس
المشاركة الأصلية كتبت بواسطة شاعرة نجد
