بديت بسم الواحد المنان
ماله شريك ويرحم عبادة
الله محل العفو والغفران
ومن يشكره يرزقه بزيادة
ومن هو صبر يفتح له البنيان
بالأجر ما يحصيه عداده
ومن مات تحزن لآجلة العربان
وليا ولد تفرح بميلاده
الخلق مثل الزرع في البستان
لابد من يحصد حصاده
ومن يتبع السنة في كل شان
ويخلص لربة زان ميراده
وترى جزء الإحسان بالإحسان
والناس نزاله وشداده
جانا خبر أقوى من البركان
وصارت هموم القلب وقادة
قالوا يا عايش ادع لسليمان
جاله عميلة وقت ميعاده
ودعيت له الواحد الحنان
عساه فالفردوس مقعاده
وتعوض أبوة الصبر والسلوان
شيخ كريم وحامي شداده
و أخوانة اللي خيرة إخوان
وربعة عزته ذخر واسنادة
يا رب نزلة فا القلوب إيمان
النفس صدارة و وراده
مرحوم يابن الصقر يا شيهان
ياللي نهلة العلم و أمجادة
لعل دارة جنة الرحمن
ويجمعه فالجنة مع أجداده
ويعيش بين الروح والريحان
وقصور فيها حور لسعاده
هذي قصيده شاعر عجلان
والسقم وسط القلب وأكباده
والمعذرة يا سبيع فالنقصان
والحب فا الله دين وعباده
و صلوا على الخاتم نسل عدنان
عد الحياء لادن رعاده
هذه قصيدة عايش الزبالي
و العذر في الاخطاء الاملائيه