السلام عليكم ورحمة الله وبركاته
مساء المايونيز والكاتشب والبطاطا
[rainbow]جايبتلكم قصة انما ايه نكته فلة وناسة=====>هذا الاعلان عن القصة
واللي كاتبتها بنت اختي وصقيقتي بطووووطة[/rainbow] بسم الله الرحمن الرحيم
اهـــــــــــــــــــــــ ـــــلا وسهـــــــــــــــلا بكم في قصة جديده من قصص بطووطه الممطوطه بس انتو طخوو القصه ونجيكم احنا يالاريبعه بس هاااه لعشاق كلمه لفني لا يدخلوووون لان لا روومانصيه بعد اليوووم ملينا من الحزن والصياح والمشاهق والغثاء و ياويلي ماات ولا حبيبي احبك ولا والله لانتقم كفـــــــــــــــــــــــ ــــــــاااايــــــــــــ ه هــــــــــــــــــــــــ ــــــــــــــــــم وثقالة دم
فلوهااا ضحك وفرشفه وخفة دم ومايونيز وشربات وكشتب وكل شئ في بالكم واللي زايد عليه دمه تعالوووا تبرعووا لنا بالدم ترا من من زوود دمنا خفيف لا جاء ذاك العجاج اللي يتسدحن عنده عجايز اول عشان يشوفونهم شيبانهن وهن يطلقن شعووورهــــــــــــــن ييييييييييوه ياهوو ينهبل الشايب لين يقول بس الشعر طلق وش زينه وريحت هالحنا اللي تفووح المهم رجعوني لزماني بس لا اتهور واقول لمي زوجيني جدي كركركرك المهم حنى مثل ريشه النعامه نطير من خفة دمنا عشان كذا اللي فسقان من الدم يجيبه لنا الله لا يهينه >>> وز وز وز وز طخ طخ طخ طع طع ع ع ع <<<< يوووه العيـــــــــــــــــــــ ـــــــــد جـــــــــــاء وناسه >> لالا اتسذب عليكم كركررككركررر ,,’’’ احم اسمعوووووووووووني انا بطني الحين جووعانه بروح اكل واصوتلكم للدبه اختي
ترا لو تاكلونها يصير أحسن بعد واللي يرحم والديكم خووووذووها عنيي طفشتني لهطت كل شئ باليت حتى بغت تاكل دجاج جدي والله لو تشوفون وشلون الديك نفخ صدره وهز راسه وهو يهجم عليها وهويقول النفخه اللي مابعدها نفخه وانا اخو اخوي ودووووووووووووف وكوكو وياويلها هالدبه بس<<متاثره باافللاااااااام كرتووون ,, اخخخخ على التخميش اللي جاها مانفشت كرشتها اعنبو بليسها شوي والا امسكها واحطها بخيشه واطشها يالله تمسووون على خير بروح الهطت مايوجد واصوت لها وعلى الله تجي وان ماجت بس اندهووولي وانا الحطها ذيك اللحطه اللي مالقت خبرها عند الله بالمكنسه يالله اشوفكم ان شاءلله بعد شوي لين تخف الزحمه على المايك واجيكم واعلمك معاناتي مع اخواتي كوكتيل و اخواني المشكلين من كل حجم
2-هييييييييييييييييييييي تراها تسذب ((تكذب ))عليكم ماني دبه انا اللي هي التفيخه تبوون تعرفون تسم(( كم )) وزنها !!!
هـــــــــــي انتي شوي شوي لا تنقز عيونتس علي من زود الشفاحه مالت عليتس خلاص ماني معلمه عليها
اقوول الدفشه اختي طست ولا عرفتكم علي ولا عرفتكم عليها اخيه وعيبها ماعندها من علوم الرجووله لو شوي الِمهِم انا اسمي سمموه الدبه طبعا بتقولون كم عمرتس اقولكم 18 وطبعا بتقولون وينتس ساكنه فيه اقولكم بديار الغبره القصيم بعد حيي >> هــــــــــــــي يالدبه ياللي ماتستحين صرقتي لقب حايل بعد تعالي بصفقتس(( بصفقك)) <<< الله يفضحتس(( يفضحك)) انكتمي يمال الكتمه اللي تاخذ عمرتس اعتذر منكم على هذا الفاصل المدغدغ للاعصاب واخزياااااااااااااااااااا اااه بس فضحتينا عند العربان يمرهم والان اترككم بروح للحمام حاله طارئه واجيكم لاخلصت واترككم مع مرهم واللي انا معطيتها لقب الخيزرانه .. اآآآآآآآي يباااااااااااه وجع مرهموووووووومه انقلعي عني
3-احم كح كح انا مرهم وتراها تسذب ماني خيزرانه جعلها للخيزرانه اللي تنصفق فيها اكيد وشر>>شوور<< انا حليله ومزيونه مثل زين جديتي مع اني ماشوف شئ من هالزين الا هالسنون اللي كل يوم يصوم واحد ويطيح اعطيكم العلوم الاكيد انا بنت ماني متزوجه والله ود تسبدي بس من يجي ويشوف هالزين تصدقون امس جاء مهند خطبني بس ابوي عيى اهئ اهئ اهئ قطع نصيبي من احبه بس تصدقون لعنت خيري يوم طرت((درت)) الدبشه اختي وض وض تقول حنا اول مره بطلع بقصه كلها من خبالنا بعديا عن الحب والحزن بس ارد عليها اقولها بس هذا احبه تدرون وش سوت مسكت النعله ولحطتها فيني تراها ما تعامل الا بنعووول ولا المكانس كسرت مكانسنا اهبي يهالدبه مره تقلد توم يومنه ركب فوق المكنسه ويقول ق ق ق الا والمكنسه تطير فيه بيوو المهم وهي تقلده ومادرينا الا هي مطبحتن علينا وحنى جالسي بالحوش عطاها الله حب الطيران ولا مره مسكت لها عصفور وهي تطريها وهي فوق السطح وتمسك ريشه من ورى ومادرينا الا وهي طايحه من فوق والعصفور فوقها تراها جنت على نفسها وعلى مخلوقات الله عقلووووووها تكفووون اختي بتموووووووووووت بس لالالا هونت لا تعقلونها عشان بكره تموت ويجي مهند ويخطفني ونتزوج بتركياونعيش حنى وعيالنا بسلام عن افكارهم الزايغه 000 يالله مع السلامه ايه صح ذكرتوني اقولكم عميري 17>> ترا يقالي اشطرهم بالمدرسه
___ انقلعي يمال الصقعه اللي تاخذتس خليلي مجال اقول عن نفسي واشكي معاناتي ____ الووو الوووو ادري انكم انخلعتم من هالصووووت العربجي بس ولا يهمكم ذي البرميل الاخير مابعدها براميل هذي أخرنا اللي ولدتهم امي ويالله مع السلامه اخليكم مع الحصي
]]]] [[[[ اهلا ومرحبا بكم ياهلا عد مالمطر نزل علينا وعد ماحبيت السروال السنه والفنيله >> عااااااشت الحصي على هذا الشعر الجميل عاااااااااشت
___ احممممم شكرا ياضفدعه على هذا الاطراء المشقلب شوي اقوول ماكني اسمع وشوشه من الدرج
ضفدعه : الحــــــــــصـــــــــــ ــــــــــــــــــــــــي الحقي دحمني جااااااتس يركض الحقي على عمرتس
تصدقون اني تسلمت بعد صدمه فائقه مني : خير وش يبي وهو وجهه اللي تسنه عامود كهرب خربان
ضفدعه : مدري عنه بس الظاهر انتس يمال الوجع لابسه فنيلته وسرواله السنه اللي تساويتهن له الخدامه عشان يطس بهم للصلاه
يمه ياويلي منه والله ان يقطعني ارباً اربا : ضفدعه شوفيلي الطريق
ضفدعه : وش بتسوين
يمال العمى اللي يعمي عيونها يناس علمووووووووني وش اسوي باردت الدم ذي ودي اغفصها لين تقول بس دحمني جاي وداق 120 وهي تقول وش تسوين بس يالله ماعليه اتحملها : يعني اقول ضح ضح انتي صح تحبين الدحمي وهو يحبتس
ضفدعه (( تقل ودها تستحي )) : ايه يابعد تسبدي هوو
-------------------------------------------------------------------------------------------------------
للمعلوميه
وض وض -----=> وضحى ------=> الفيل الكبير 20سنه
سلممووه -----=> سلمــــى------=> متوسطة الحجم 18سنه
مرهم ----=> مريـــــــم ----=>نحيفه نوعا ما بس ولوو الشحوم فيها فيها17 سنه
الحصي ------=> حصــــــــه-----=> العصلا14 سنه
ضفدعه او ضح ضح -------=> ضـــــحى بنت عمهم الوحيد بس ميت وبس 24 ساعه عندهم عشان الدحمي خطيبها .....18سنه
-----------------------------------------------------------------------------
الحمد الله والشكر ذي تعرف تستحي والله لو اعصر طماط بوجهها ماستحت بس الشكوى لله : خلاص روحي امسكي جديلتس والعبيبها عنده هماتس خطيبته انتزلعي (( انقلعي )) عنده سمحنالتس انا واخواتي الكوكتيل
ضفدعه قسم بالله ماصدقت راحت عنده على طول اشوى ياربي بس يارب يارب يارب سامحني ابلهيه عن الصلاه لين لنزل ملابسه بس والله لصلي عنه ان كان ينفع
وانا رايحه داقه الطبلون كله دخلت الغرفه ولقيت بها كل اخواني متسدحين بس اخخخخخ ودي العنهم لعن متبطحين يمال الوجع وتاركين الصلاه المهم تورطت ومافيه غير غرفة الدحمي لان الحمير مقفلات غرفهن ودخلت الغرفه وشفت مالا يحسبه العقل
تدروووووووون وش لقيت ؟؟؟!!!
لقيت التسلبه قاعده مع الدحمي بدون محرم يعنــــــــــــى !!!!!
خــــــلـــــــــــــــــ ـــــوووووه !!!!!؟؟؟؟؟
وعيباااااااااااااااااه واشتغل عندي الرنان ونسيت ان علي ملابسه والله واصوت لوضوض وتجي ومعها مكنسه ونعولها عليها وتدخل الغرفه وسلمتني النعول وحطيت نعله براس ضفدعه وحده براس الدحمي ولا لو تشوووفون وشلووون حاشرتهم بالزاويه وتضربهم بالمكنسه وضح ضح شعرها عند خشم الدحمي وكل شوي يعطس المسكين صرعته ريحتها وساخت المكنسه والله ان تتقطعون من الضحك على اشكالهم عااد انا بلعانه مني رحت واتصلت على بنت عمتي واخت ضح ضح وجن يركض اعوذ بالله تقل مغلوثات
بقره من بقر عمتي.. منيرووه واقفه عند وض وض وتشجعها : يالله احسنتي ياوضوضت قلبي خليهم يتأدبووووون
بنت عمي ,,, حنان : بعد تسبدي والله بردتي مصاريني هين والله لوريتس ياللي ماتستحين على وجهتس ياقليلة الخاتمه ان ماحرشت امي عليتس ما صير اختس النذله
ايه نسيت اقولكم عمتي تاجرة بالبقر تبيع وتشتثري بس هذي بقرة اصليية قصيمية ماتلقيلها مثيل
المهم انتبهنا حنى للباب ينفتح بقوه وانصدمنا قوي قوي من اللي دخل
ادري بتمووتوووون بس ودكم تشفون على خلق الله
لا خلاص هونت بقولكم !!!!!! هذي سممووووه جعلها الوجع جايه ومعا بثوبها حصى كبير
منيروه والله بغت تطلع عيونها : وجعووووووووووووووووووه سمموووه ليييييهوو جايبهو حصاهووو كبيروو >>
انا خلاص منقهره وفاير دمي من الحقيره ضح ضح (( الضفدعه )) لانها لحد الان حاطزه عنده وياكلون من الضرب مع بعض : ضحووه ياتنكه قومي قمت عصبتس ان شاءلله جعلتس للمرض اللي ما تقومين منه ذبحتي اخوي بعير وش كبرتس وهو ياحليله وش صغره عندتس مافيه مقارنه بينه وبينتس العنـ... ابو هالخشه اي والله
عاااد اويلاااااااااااااه بس لو تشوفون البنات فكرن بي وعطني ذيتس النظره اللي تسدح الحمار وهجمن علي
حانونه عقب ماعطتني الظربه القاضيه : وجع جعلتس السرطان تلعنين ابوووي يمال القاضي اللي يقضي عليتس
انا مسكت ظهري والله اللي يشوفني يقول حامل ماسكه ظهري وكرشتي منمده سانتين قدام : وجع يوجعتس انت وابوتس كسرتي ظهري وبعدين مثلتس يومنتس تلعنين ابوي امس يومنتس طحتي على حماده بغيتي تشلين اوخيي
منيرة وعطتني بوكس على خشمي خلاني اشوفها اربع واهز راسي مثل السكران: من قالتس تكلمين عن عمي هالحتسي ساللي ماتستحين على خشتس والله لوريتس نجوم الظهر
حنانووه التبنه هي وجهها مستانسه ان منيرووووه البقره تدافع معها بس هين هين والله لاوريهن الجني الازرق : طيب ياجنيات وانتي يالسلقه الصغيره ان شميت ريحت اخوي ولا عينتس ذي شافته لا ابغزها لتس جعلتس الشلل ان شاءلله
حنان تخيلووو تكلم منيروه بكبر وغرور بس اييي ياني انقهــــــــــــــــــرت مرره وجهي حمر من زود ماارتفع عندي الضغط : ماعليتس منها يامناير لتس سعدووون ولا يهمتس وماعليتس من اخوهااااا المعصقل وععععع
منيره وهي تسن ودها تصيح بس الظاهر ان ودها تصفقني : طـــــيــــــــب ياحصيصه وانتي بعد زوجتس اخوي يالبعير ماكون منيرة بنت مرزوق
المهم هي وجهها طشت تهديها وطست لبيتهم وراحت معها حنان وانا نسيت كل البعد ان علي فنيله وسروال سنه بس انه واســــــع علــــــــي اخووي دب وانا معصقله بس اشوى ان السروال يتمطط والفيله للاثار الجانبيه ككك لبست تحتها شلحتي المقطعه قطعه قطعه من كثر ما كرفتها المهم طلعت من الغرفه ورحت لغرفة خواتي وجلست اوطي الفنيله واثرني مدري وش ابي بس لفيت على ورى اثر سمموه بالغرفه وانا فتحت الدولاب وادخلبه واكمل لبس واطلع بقميصي
وشفت سمموه معصبه مدري شبلاها ورحت عندها وجلست انطنط على السرير
وسئلتها ذاك السؤال البايخ : زعلتس التيس حق جدتي
سمموه معصبــــه : جعلتس للمرض انتي والتيس والدحمي وعطيوه النحس
يؤؤؤؤؤؤؤ وش جاب عطيوه معنى : هييييييييه انتي وش دخلتس بعطيووه التسلب
وض وض وهي تاكل اظافرها : جعله العمى اللي يعمي عيونه تدرين انه قزاز وشافتي وانا اطلع التيس وادخله للبيت المهم يحبني مره سنعه عاد جا اهب ياوجهه هالصارووخ وقال لبوي اطلبك ياعمي انك تعطينيني بتك راعيه الحصيئات عاد ابوي قال شور البنت وجاني ابوي طلقه يبشرني تكففين ساعديني ماودي اتزووووووج
عاد انا تسطحت من الضحتس عليها راعيةالحصيئات حلووه اول مره ادري ان عطيوه التنكه يعرف القواعد كركركركرركركركرككركرركركك ر
سمموووه رايحتن فيها وطي : وجعتن توجعتس وش فيتس تضحكين
العن شكهلها انا بساعدها وتعدعي علي بالوجع جعها الموت المحتم قمت انا ومادتن براطمي شبرين تقل برتطم بعير ومشيت : مرر بتسبدس هذا وانا بعاونتس على ترك الزيجه واخليتس عانس بيت ابوتس ابركلتس
والله جتني تركض هي وشكلها ذا اللي تسنه نعجه فيها زكام بتقولون وش معنى زكام اقولكم وهي تبتسبتس(( تبكبك)) دميعاتها يطلعن ويسيلن لا خشمها وبتسذا عندها زكام ,,.. شفتووا تسيف(( كيف)) انا ذهينه : سلموووه يالله قوه
سملموه تسئل : وين بتطسين !؟
اناا : ياربي ياعنز انا بروح لوضوض بنسوي اجتماع وشورى في امرتس صدزز انتس عنز
سلمووه وهي طالعه طاتسن مكان الاجتماع : عنز تاكل شوشتس اللي كنهى مقهى قمل هههههههككككك
ايييي التسلبه تسبني اه ياائلبي الحئوووووووني عم بموت يبااااااااااااه يمااااااااااااه هين والله لاطلع عيونس يالنعجه
المهم واتجهنى لمحل الشورى تدرووون هو وشووو ؟؟؟؟؟؟
اكيد بتقولوون لااااااااا
طبعا بقولكم لوااااااااا
وشر بتقولون يلويتس
واقولكم جعله العجاج الملتوي عشان يشيلكم بحذافيركم كل ابوكم
يالله الــــــــــــــــــى الاجتماع
7
7
7
وض وض : سلمى جبتي البساط
سلموه واقفه مستطلبه بوقفتها : نعــــم جبته
وض وض : الحــــصي جبتي الاوراق
الحصي : جبته طال عمرتس
وض وض : المري جبتي القهوه والشهاهي
المري : جبته يابعد شحمي انتي
وض وض : ضحووه جبتي العصى
ضحووه : جبتها بس والله مررر فيتس ماني معطتس اياها
وض وض : بنـــــــــــــــــات دررر
البنات : وضحــــــــــــــــــــــ ــــــــــــى سرررر يمين يسار
وض وض : هيــــــــــــــــا الي المجلس المؤقر
وض وض تتكلم معكم -------=> رحت انا والبنات للمجلس حقنا حق الا جتماعات الســـــــري لننقاش موضوع التسلبه ضفدوعه والتسلبه الثانيه سممتني
جلسنا على البساط وكان معي مغرفة المرق وصفريه تسبيره نوعا ماا وانا اطخ المغرفه في الصفريه ويبدا الاجماع : اخواتي الكوكتيل تتقدم تسلبيتين منكم عشان يدافع عن السلقتين اللي بالقفض >> لا تحسبونه القفص الذهبي
جت المـري وسوت نفسها بطله : انا المدافه عن السلقه اللي قدامتس ام قرون
انااا : طيب انتزلعي عندها
وجت عاد العصقوله : بسمي وبسم المؤكله التسلبه سلموه ارافس اللي يجيها
انااا : طيب اطحسي عند تسلبتس _____ <> بدات الجــــــلـــــــــســــه
اللي عنده شئ يحتسي لا يخلي شئ في تسبده ماقاله فاهمين
وهزو روسهم تقل انهم هنود اعطيكم الزبده جت الحـصي تمشي تقل فيل محطوط على دبابه على كبري بغت تدعسني اهبي ياوجهها متحمسه
الحصي بحماس : اقووو وول اقووووول ياسعادة البريميل المخضرم شوفي انا هالبلاعه ابشوفلها حل ولا بعده حتسي بنووب بنووب
انا جلست امسح سعابيلها مدري ريقها مدري لعابها مدري وش يطلقون عليه اسم
بس انها يمال سد الفم رطشتني ترطيش تقل مطر يهل علي : اتحفينا في حلتس يمال الحتسه
الحصي وهي تهبد سلمووه اي تضرب سلمووه في عربجيه زايده بغت تهلع قلبها
: والله ياطويلة العمر انها تقشع بعباتها وتنتزلع له وتقول دخيلك دخيلـــــــــــك ياولد العرب روّوّح عني مابيـــــــك
>>>> جن جنوووووووووني وانا اسمع هالحتسي قمت عليها وجلست ارقها بالمغرفه اللي معي
الحصي وهي تاخذ بريك : حسبي الله عليتس افحمتيني
اناا : أحسن امكن تذوب هالشحوم اللي مترسبه مدري وشلون اعجبتي عطيوووه هالحمار الكبر كبر بقره والعقل عقل صخله شكلتس جالسه تكنسين الحوش وحسبتس مره سنعه
الحصي وهي تفتح عيونها على كبرها يويلي والله انها خرشتني بغت تجيني جلطه : جعلتس الوجع ماهي انا اللي شافني شاف اختس الوايت سلموه ام الخلاقين المعفنه فهمتي يابقره
انا وانا رجعت لمكيني راسي صاكني وشكلي بقولهن تسلمه ماتنثني : بقره تركب فوقتس <<< طقيت المغرفه بالصفريه ,,,,, ايها معشر الاخوات الحكم بعد البلعه
رحنى نتعشى وانا واصلتن معي تعشينا ورحنى لمتسينا(( لمكينا)) اللي حنى فيه
وبدأت الجلسه الثانيه
’’’’’’,,,,, يالله بس سلموه تعالي هنااا انتي ضحوه تعالي بعد
جن السلقات عندي وابصدمهن بالحكم اسمعو الحكم وشو : سلموووه
سلمووه التسلبه رافعتن راسها وتفكربي قويت العين : توافقين على عطيوووه فـــــــاهمه
سلموووه عيويناتها بغت تطلع : وشووووووو والله لو تلحسين رجلي ماوافقت
اناااا خلاص عصبت وجهي صار حمرر واقوم عندها وامسكها مع شوشتها : اقوووووول انطمي يالفيل احمدي ربتس انه يبيتس والله امديه جاه تشنق بسبتس ولا جاه انفراط في المخابي الخيشوميه منتس يالتسلبه توافقين يعني توافقين من ورى هل أفطس
سلمووه تحاول تفك نفسها مني : ايييييييي يماااااااااااااااااااااه لالالا ماني موافقه
سدحتها ارضا هالدبه وركبت فوكها وانا امسك اذانها بقوه : بتوافقين فااااهمه ويالله تنتزلعين عند ابووي وتقوليله عشان نعطيتس بعض النصايح للعرس
سلموووووووه وهي فاتستن(( فاكه)) نفسها مني : انا ماني عبده عندتس انتي وجهتس وبعدين وش تبين ابوي يقول عني مشفوحه على العرس الخـلا اي والله
,, امحق تعرف العيب والسنع هي وجهها من جمبها بس :طيب خلاص بكره تقولين لبووووي فاهمه وبعدين ياخبله خليتس اول وحده فينا تعرس عشان تجربين العرس وتعلمينا يمكن يرزقنا الله بواحدن مزيون
وقفت سلمووه وهي تتأحمح يعنني صارت مره هي وخشتها : اي صح نسيت عشان اصير قايدتس ياوضحوووه العنز
افاااااااااا والله انا العنز هين بس : انا العنز يالبقره طيب طيب
جت مرهووم تركض تفرقنا لان المصارعه بتبدا : اذكرووو الله يابنات لا تبدون عاد وااللي يخليتس ياووضحى انتي التسبيره انتي الفاهمه خليتس منها هالورع
سلمووووووه : وشو وشو وشووووووو انا الورع ياوجه النكد
ضحوووووه يغت تطيره من العصبيه بقولكم سر هي لاعصبت انتفخت يعني : هـــــــروووووووووووووووو ووووووووب ,,, والله مسكت قميصي بفمي وبووووم للتحت
طربخ
طربخ
طربخ
>>>>>>>>اصوات الصادره منى وحنى نركض مع الدرج
المهم
هربنا وحنا فحمانات من الركض والعطش وعجزنا نلقط تنسمنا صح
مرهوم : بنااااااات يؤؤؤؤ تذكرت شئ خطير
الحصي : وشووووو اخلصي علينا
انتهى البارت الاول وشرايكم فيها
اذا شفت ردودكم بنزل البارت الثاني واذا ماشفت تفاعل معناته القصة ماعجبتكم
ياالله سلامون عليكمون
رد مع اقتباس
