[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=right use=ex num="0,black"]
والله لاغنّي وخل الناس توحيني = واشهر بوضح النقابالشعر ماخفيته
والله لاشيله على المسحوب وهجيني= ووسع الصدر الى شلته وغنيته
الكون كله بوسعه ضايقن فيني = والصدر ضايق وقاس الوقت عانيته
عن ضيقتي مالقيت احدن يسليني = حتى اقرب الناس ماجاني ولاجيته
امسي همومي عن المرقد تجزيني = واصبح وانا الروح لاحية ولاميته
وين انت ياللي اقفيت وصرت جافيني= كاس الوفا فيه مرّ الهجرصبيته
يامن بشخصك كثير الزين مغريني = وعيون تذبح جريح القلب مغريته
ماحن قلبك تجيني ليه ناسيني = وشلون تنسى الغلا والا تناسيته
بعدك يعذبني وقربك يسليني = نواعسك عيشتي وشوفك تمنيته
الحق بوصلك دخيلك باقي اسنيني = خفف الم وقت دونك مر قاسيته
فرفش وغرّد وحط ايديك بيديني = وخذني معك للسحاب الى تعليته
سوا سوا نعلن الفرحة بعد عيني = وعلى كذا اليوم الاقشر عني انهيته[/poem]
وسلامتكم ياطويلين العمار
اخوكم الضبيب
رد مع اقتباس
