[poem=font=",6,black,normal,normal" bkcolor="transparent" bkimage="http://www.g111g.com/vb/mwaextraedit2/backgrounds/47.gif" border="none,4," type=2 line=1 align=center use=ex num="0,black""]
يا صاحبي تعال دوك المعاليق=اقضب بكفك كل عرق(ن)قضبها
حرام مايلحقك مني ملاحيق=والنفس عنك اني لروض غضبها
مزمز على كيفك قبل فكة الريق=وسرع ترا منك الجفا قد شربها
وش ناتج الضيقه ونا جاني الضيق=والصبر ضاق وهم نفسي غلبها
تبا الحقيقه كل صبري زباريق=يعني محمد من بطاك احتلبها
يانابي الردفين رطب الزماليق=ياراكة محدن حطب من حطبها
يامدمج الساقين طلق المسابيق=تدخل على الله صدتك وش سببها
الحق والم كوم ولا تفاريق=لعيونك انته بس حجتك جبها
الوكر عانه في طوال الشواهيق=ماني من الي يشتمت من كربها
ماخذت رزقي مع صياح السواويق=ولا اخذتها من ورث عود(ن)كسبها
قسمي خيار(ن) من قسوم المطاليق=ونتي تراك الي دلعها نكبها
شوفي ترا طيب المحبه توافيق=يقولها الي عقبكم ماجربها[/poem]