[frame="1 80"]هلا يالحبيب اللي على حبك انـا ادمنـت
لعبي هو عشقك مـع الوقـت وادمنتـه
على كل شااهد ياهوى عاشقـك اعلنـت
وعبـر القنـوات الفضائيـه اعلنـتـه
تخيرت من حر القوافـي ولـك سمنـت
من الشعر صدر البيت والعجـز سمنتـه
نقشتك على اوراقي وفي داخلـي دونـت
غرامك وشوقك داخـل الصـدر دونتـه
تلاعبـت انـا بالحـرف لكـن مالحنـت
وبعد مابكى ورد الهـدى قمـت لحنتـه
اسنن بعد فرضي وانـا اقـول ماسننـت
=هذه فعل سهمك يـوم فالقلـب سننتـه
ليا حل الي طاريك في علم عنك اذهنـت
وكـل الكـلام الـي يقولونـه اذهنتـه
وفي ناظري من بد كـل الخلايـق زنـت
ربيـع الغـرام ابعيـن شاعـرك زينتـه
عليك انت في روعة جمالك ترى راهنـت
وحتى القمـر يامذهـب العقـل راهنتـه
تعب غيرك امن النااس فيـه وانامالنـت
ولكـن قـلـي كـيـف بالله لينـتـه؟
تمكنت مني لين جوف الحشـى صوبـت
صواب العيون الـي بالاهـداب صوبتـه
ولكن تبغى الصدق من جد اقول احسنـت
على شان فيني ماخذ الاجـر واحسنتـه
يامروي ظمى شوقي على عهدك انا صنت
وانا اقطع عروق القلب لو كان ما صنته
اعاهدك لرحل من حياتك وانـا ماخنـت
هذه طبع فيني من صدق معـي ماخنتـه
تعلمت من درس المجاريح ليـن اتقنـت
وعذاب الجوى من قيس بالعقل انا اتقنته
اعيش ابكرامة شيخ والراس انا ماهنـت
تبا اخر كلام الـراس يدفـن ولا هنتـه[/frame]