السلام عليكم ورحمة الله وبركاته ..
هذه قصيدة كتبتها قبل دقائق عندما شاهدت بعض المناظر في الأحداث التي حدثت في مبني الأمن العام في الرياض ظهر هذا اليوم ...
مناظر أثرت في الجميع .. ولا أعتقد أن هناك أحد يرضى بها .. فكانت هذه القصيدة ..
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا الله حقق مطلبي ,, يا الله حقق مطلبي =وانزع نفوسٍ من وطنا في الضلاله غايره
( الشرذمه ) اللي صوبتّنا ,, وش هدفها ,, وش تبي =ما يعرفون إن الزوايا ما تجي في الدايره
قالوا هدفهم في ( التجنّي ) هو ( وجود الأجنبي ) = والعذر أقبح من فعولٍ كلبوها جايره
هم يحسبون إن كل مسلم عن فعايلهم غبي ؟! = وإن العقول اللي تتابع كل لحظة ,, حايره
فعلٍ ما اظنّه يرضي الله لا ولا يرضي النبي =قتل النفوس المسلمة والظلم ,, سلعة بايره
والمذهب اللي يتبعونه ما يشابه مذهبي =وافكارنا ما هي تشابه ,, يومها متغايره
( الحق ) يمشي في طريقه ما يجي يوم يحبي =و( الظلم ) راسه في التراب وكل عين تعايره
يا جاهل افهم واعتبر ,, وين انت غادي يا صبي ؟!!=احذر تبيع الدين لا تطلع على عشايره
فكرٍ دخيل يبث سمّه ما يخالط مشربي =بإذن العزيز المعتلي ندوس نفسٍ ثايره
ونقص ( جنحان ) المخرّب وسط عشه مختبي =دون ( الجناح ) اللي يرفرف ما تطير الطايره !!
حنّا مع اللي نأمنه أرق من طيبة ظبي = وإليا نوينا ( الشر ) ,, ( جمرات الغضب ) متطايره
من هو تمسك بالعقيدة غالبٍ ما يغلبي=ومن يتبع ( الشيطان ) ,, نفسه في الرذيلة سايره
يا الله قبل انهي كلامي إنك تحقق مطلبي =وتنزع نفوسٍ من وطنّا في الضلاله غايره[/poem]
شعر : سهم المنايا