ملتقى شعراء وشاعرات الزعيم للدعم الفنّي والمعنوي

[وجــــدان]

السلام عليكم ورحمة الله وبركاته

كيفكم يازعماء ويازعيمات ؟

اقترب موعد الحسم لبطولة درع دوري المحترفين والبطوله بحول الله زرقاء

وحبيت يكون هذا الموضوع بخصوص ماقاله وسيقوله شعراء وشاعرات الزعيم في هلالهم من قصائد قديمه أو جديده حتى نشاهد ابداعاتهم في مكان واحد

كدعم ومسانده لنادينا الغالي لين يظفر بالبطوله الجديده بحول الله من أمام العميد

ولذلك اوجه النداء لشعراء وشاعرات الزعيم أمثال

الزعيم أبوعبدالرحمن

الزعيم نياف العتيبي

الزعيم ماجد نصار

الزعيمه النوري

الزعيم أحمد السكران

الزعيم عواد العلي

الزعيم حامد الروقي

الزعيم ظهير أيمن

واعذروني لو نسيت أحد أو ماعرفت ميوله

واتمنى من الجميع المشاركه ومن بعض الناس مايجون يخربون

ماتقصد أمل وعنود القصيد أبدن ههههههههههه

والبدايه بتكون من عندي

قصائد للزعيم ولاعبيه في مناسبات مختلفه ،،،،،

1

[poem=font="simplified arabic,6,white,normal,normal" bkcolor="blue" bkimage="" border="none,4,gray" type=2 line=0 align=center use=ex num="0,black"]
كل النوادي في بلادي كبيره=بس الهلال يفوقها بالزعامه
زعيم من مبطي ولافيه غيره=وماينبغا للشي هذا فهامه
سيطر بتاريخه على المستديره=فرض على كل الخصوم احترامه
ومع احترامي للوجيه السفيره=يبقى الزعيم أوضح وأشهر علامه
وهذي بطولات الهلال الكثيره=تشهد على فنّه وعالي مقامه
وتشهد جماهير الزعيم الغفيره=شعبيته طالت حدود الغمامه
ياكم كسبنا الكاس في كل ديره=يوم ان غيره مقتنع بالسلامه[/poem]


يتبع

[وجــــدان]

2

[poem=font="simplified arabic,6,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أزرق على أبيض ياهلا بالهلالي=فوزك غمر كل القلوب بجماله
عالي مكانك في سما الفن عالي=معنى الزعامه مايجي بالسهاله
فوزك بطعم السكّر اليوم حالي=والنصر شاف الوضع فوق احتماله
سلّم لفنّك والفضا صار خالي=إلا من نجوم الهلال وهلاله
مبروك من قلبي على كل غالي=مبروك وأكثر للهلال ورجاله[/poem]

[وجــــدان]

3

وهذي في اعتزال الاسطوره سامي الجابر

[poem=font="simplified arabic,6,blue,normal,normal" bkcolor="transparent" bkimage="" border="double,4,royalblue" type=2 line=0 align=center use=ex num="0,black"]
ان غاب سامي يحضر ألفين سامي=ماينضب هلال الفرح والبطولات
ياسام 6 لو تموت الأسامي=مامات ذكرك يا احمر العين مامات
ضاري على الهدّات والكف دامي=مرمى خصومك به كثير العلامات
ياذيب يامدمي الكبود الضوامي=رايتك بيضا ياخويّ المنصّات
ياما حسمت القول واللعب حامي=ياجابر بفنّك من اللعب عثرات
سامي بفّنك وبتعاملك سامي=من أول أيامك وحتى النهايات
تستاهل اليونايتد في الختامي=ويستاهل هلال الفرح والبطولات[/poem]

[وجــــدان]

4

[poem=font="simplified arabic,6,white,normal,normal" bkcolor="blue" bkimage="" border="ridge,5,gray" type=2 line=0 align=center use=ex num="0,black"]
أشوف بعض العرب بالفوز منحشره=وقامت تعذرب بتاريخي وعثراتي
أنا زعيم النوادي ما اقبل الخشره=زعامتي تاج صولاتي وجولاتي
في كل موسم أجدّد للفخر نشره=تعال نحسب سوا كم هي بطولاتي
عشره وعشره وعشره فوقها عشره=وستة بطولات بالله منهو سواتي
أخذت لبّ الزمان وطاحت القشره=تركتها للبقيّه تاخذ فتاتي
من كثر الأفراح صارت بيننا عشره=الحزن ماله طريق لسيل عبراتي
واللي بيشره وجا في خاطره يشره=يشره على الوقت لايبكي ولايحاتي
وأقول للنصر موعدنا بعد عشره=ويلّه من ألحين نحسبها بطولاتي[/poem]

[وجــــدان]

5

وهذي كانت بمناسبة فوزه العام بالدوري غصبن عن الاتحاد

ههههههههههه

[poem=font="simplified arabic,6,white,normal,normal" bkcolor="blue" bkimage="" border="ridge,4,gray" type=2 line=0 align=center use=ex num="0,black"]
ناقتي ياناقتي ولازعيم الا الهلال=وصّليني غايتي من ورا ذيك النجوم
وصليني ديرة الفنّ والسحر الحلال=للزعيم اللي بشوفته تنزاح الهموم
موقعه كبد السما مابها شك وجدال=مايداري طلّته لاعجاج ولاغيوم
هو صحيح اللي جرى البارحه أو هو خيال=انشدوا من ناطح الموج وازرى لايعوم
انشدوا عشّاق الاتي وزيدوا في السؤال=منهو اللي لاغدا الدرع في الملعب يزوم
منهو اللي من زمان الزعيم ولايزال=منهو اللي في سما المجد صاحي ماينوم
حاولوا كم حاولوا طيحته لكن محال=عادتك يالحر الأشقر تجي وقت اللزوم
مسكنك عالي الشواهيق في روس الجبال=ماعليك من الصبخ ماعليك من الرخوم
المنصّه ماتبي غيرنا وقت النزال=يوم الاتي ضاعت دروس لعبه والعلوم
ناقتي ياناقتي روّحي يمّ الهلال=موقعه كبد السما فوق هذيك النجوم[/poem]

الشكر لكل من سيمر ويشارك

هذا ثاني موضوع لي بالرياضي الأول حذفه خالد الله يوفقه

هههههههههه

أتمنى هذا يسلم من النقل والحذف

تحيتي للكل

[أبوعبدالرحمن]

صح لسانك يا وجدان

وصراحة نبي نفتح قسم خاص لشعراء الزعيم في غرابيل مهو موضوع واحد

وهذي مشاركتي معاكم اليوم

وبجيب لكم باقي القصايد


هلالي زعيمٍ في شموله /// والا من بغى شيٍ ينوله
وقدامنا كاس البطولة /// نبيها يا ابو فيصل نبيها

ترى الكاس ما يصعب علينا /// نحبه وهو منا وفينا
ولا مرة بلحظة بكينا /// نبيها يا ابو فيصل نبيها

هلالي ويا مجمل فنونه /// جنونه ويا محلى جنونه
ويصعب على اللي يلحقونه /// نبيها يا ابو فيصل نبيها

عن المجد ما يقوى يباعد /// بالإخلاص وبجهد السواعد
يقوده لنا ابن مساعد ///نبيها يا ابو فيصل نبيها


زعيم الذهب ما أكبر غلاته /// نحبه وتعجبنا صفاته
ولا إنجاز مرة يوم فاته /// نبيها يا ابو فيصل نبيها

ومن شجّع الموج هلالي /// بلا شك راسه دوم عالي
خذا المجد من أول وتالي /// نبيها يا ابو فيصل نبيها

[محمد الدغيري]

صح لسانك نجودي
والله يوفق الأنديه للأصلح
والهلال نادي منظم يستحق البطولات الأربع الداخليه كامله
وكلنا معه في مشواره القاري مع اشقائه الاتحاد,الشباب,الاتفاق
ولك الحق الفخر والتفخر بمعشوقك نادي الهلال
.

.

تحيه عطره
محمد الدغيري

[خــــالـــــد]

[align=center]

على القوّة .. !!

صحت ألسنتكم

ننتظر قدوم الأمواج الزرقاء

[/align]

[ThAmErOnA]

صححححححححح

وجدان وابو عبدالرحمن

بس لا تحتفلون الحين لان القلوب بهالايام تقول طربق طربق

خلوا الدوري يخلص!!

[بسمة العشاق]

أنا بعد

ما عندي قصيد

بس اسجل حضوري و تواجدي كهلالية أكييييييييييييييييييييييي ييييييد

[❤فدآك❤كلي❤]

يسلم بؤك ويسلم لسان كل شاعر يكتب في الزعيم

اتمنى ان يثبت هالموضوع في اعلى المنتدى

خصوصا ان جماهير الزعيم لا تفارق الفرح والذهب والاحتفال
لذا من الصعب ان نعود للصفحات بعد كل شهر ومع كل بطوله بحثا عن الموضوع

تسلم الانامل وفالكم الزعااااااااامه كلكم


فداك كلي

[نياف العتيبي]

[BIMG]http://www.alnaif-n.com/images/eg/yas3.gif[/BIMG]

[نياف العتيبي]

[frame="15 98"]زعيم نصف الارض حاضر وموجود
في كل يوم محقـق ٍ لـه بطولـه
محسود في عرش البطولات محسود
زعيم نصف الارض محـدٍ يطولـه
يجود بالملعـب وجمهـوره يجـود
لايق عليـه الفـوز كـل ٍ يقولـه
لاغاب لو فتـره يقولـون مفقـود
واليا حضر جميعهـم صفقـوا لـه
يوم إن بعض الناس ماحصلوا فـود
ماغير دمع العيـن زايـد هطولـه
عشر ٍ عجاف وهقوتي جاين الـزود
باقي علـى تدبيلهـا ربـع تولـه
والله ليبط النصر يرعى بـه الـدود
حتيش لـو فـازوا علينـا بجولـه
ماني بمتعالي علـى نايـف الجـود
رب ٍ كريـم وكـل خلقـه لجولـه
لكن سنام الطيب راعيـه موجـود
زعيم نصـف الارض كـل ٍ يقولـه [/frame]

[وجــــدان]

الزعيم أبوعبدالرحمن

صح لسانك مليووووون وننتظر باقي قصايدك الزرقاء

وانا من رأيك في الإقتراح

هههههههههههههههههههه

تحيتي لك

[وجــــدان]

صح لسانك نجودي
والله يوفق الأنديه للأصلح
والهلال نادي منظم يستحق البطولات الأربع الداخليه كامله
وكلنا معه في مشواره القاري مع اشقائه الاتحاد,الشباب,الاتفاق
ولك الحق الفخر والتفخر بمعشوقك نادي الهلال
.

.

تحيه عطره
محمد الدغيري

صح بدنك يامحمد

ومدري والله من وين جبت نجودي هذي لكن جلّ من لايسهو

ويعطيك العافيه على مرورك

لاهنت يالدفيري

تحيتي لك