السلام عليكم ورحمة الله وبركاته ..
قصيدة أتمنى أن تنال ذائقتكم العذبة ..
فاحت عطور الهوى ! من عقب عصريّة
وادمى جروحي هبوب(ن) .. زوّد أشواقي
الضيقة اللي تجيني .. كـنّـها الكـيّـة
تكوي خفوق(ن) ذِكَـر .. آهات عشاقي
تسعة شهور(ن) مضت للحين هي حـيّه
يتذكر القلبْ .. لحـظـة أوّل افـراقـي
طعنة غـدر جـاتني .. من دون ماويّه
سنّت سكاكينها ! في وسـط الاعمـاقي
جرح الجفـا فـ الحشا ! والروح مدميّة
حـارت دموعي ! تحوم اتباغت احداقي
وقفت انا منذهل ! وآصـفّـق ايـديّـه
ضـاقت علي الفيافي ! ضـاقت آفـاقي
يا راعي الصـدّ ! ما سـوّيت لك سيّـه
يشهد لي اللي .. خلق حسنك ! وخلاّقي
تَبي تعرف اشـكـثر .. أغليك جِـديّـه
هذي مزون الوفـا ! تمطر على اوراقي
ليتك معي بـ الحـلال ! وفـ القـويعيّه
احضن خفوقك .. واضمّه وّسط خفّـاقي
لا ضقت تنشال فـ عيون (ن) شقـاويّه
وان رحت جيتك ! وانا بالشوق مِنساقي
أبني جسـور الوصـل ! طيّه على طيّه
واشيل طـوب المحبّة ! نازل .. وراقي
وانا حسبتك ! ترى .. منتب من الميّـه
أحباب ! لا ضـاقت الدنيا .. محد بـاقي
عقب الهجر ! ترتجي .. عفو(ن) وحنيّه
شفني كسير(ن) .. وهذي عظمة الساقي
راح العمر ! والعمر .. روحة بلا جـيّه
ومادام روّح .. وليه اهـتـم واشتـاقي
من قلبي المكتوي .. وبـ صـادق النيّه
ودعتك الله ! يبيحك .. وحـده البـاقي
يا فـرجة الله .. تجي في كل فـجـريّه
تفرج على خافق(ن) .. بيشوف ويلاقي
طالب غرابيل ..
عبدالعزيز بن محمّد
رد مع اقتباس
المشاركة الأصلية كتبت بواسطة سطور السنين
