بسم الله الرحمن الرحيم
السلام عليكم ورحمة الله وبركاته
[poem=font="arial,5,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
البال مزحوم وزادت طواريه=والصدر ضاقتبه الكوره الارضيه
في خاطري كلمه وودي اقولها=اللعنه على الرخوم البُليسيه
المرجله مره على شرابها=ولا السلاحه بصيطه وعاديه
طمعت بالفيه وانا في الرمضى=واثاري الرمضى ابرد من الفيه
اخذتلي كويه بالميسم الحامي=من مدرسة الحياه الشقاويه
وعرفت منها ضعيف النفس الردي=عديم المنافع ونفسه دنيه
وعرفت الي انا على لسانه عسل=وانا على قلبه طعنات شبريه
وعرفت تباعت المال والسمعه=ولا قل مالك خذوك بالجنبيه
وعرفت منها المسكين الي مسالم=مصلحجي ويسلك مع المصلحجيه
وعرفت النشاما عيال النشاما=الي طغت عليها كثرة السيه
وعرفت الي دوم للصكات صبار=قوي العزوم وطانخته حميه
وعرفت اهل الكرم صعيبين المراس=وعرفت وسيع الصدر صافي النيه
وعرفت الشهم الي يحب الخير=يبدي على نفسه الطيب لوخيه
يامكثر الظنون الي خيبتني=والمواقف بان منها السنافيه
ياعزيز وان تردتبك ظنونك=اطو المسافه للوجهه الشماليه
لاتشكى لمنهو ضامه الدهر=ورده زمانه من عند الفروسيه
ياعزيز عدني خامس اخوانك=مادامني حي بقدره الهيه
اقطع يمينك وانا بدل يمناك=لا رحم الله ابو الحراميه[/poem]