[poem=font=",4,white,bold,italic" bkcolor="black" bkimage="" border="none,4," type=2 line=0 align=center use=ex num="0,black""]
كفكف دموعك على شانـي وشـد الرحـال=لا تعتـذر رح عسـى ربـي معـه يسعـدك
هـذا المقـدّر و تبديـل المـقـدّر مـحـال=حكم القدر عـن حياتـي مبعـدك مبعـدك
لا لا تقـول اتصـل وش ينفـع الاتـصـال=مانيـب ماشـي وراك و دبلتـه فـي يـدك
حاول تناسا الغلا و احرص على ابن الحـلال=دامك وعدتـه تصـون العهـد تـم وعـدك
و انـا جروحـي تداويهـا طـوال الليـال=لـو ادري انـي بامـل مـن الحيـاة بعـدك
الاوله دمـع عينـي كـل مأطـروك سـال=و ان قلت ابا اسلا علي عوب الروابـع تـدك
و تفتحت لي من الذكـرى فجـوج الخيـال=مـن ويـن مالـد عينـي بالزوايـا آجـدك
و قمت اطرق الشعر باوصافك و اصوغ الجزال=شعـرٍ لـو امـوت بكـرا للزمـن خلّـدك
لأنك لـو اتغيـب عنـي داخلـي لا تـزال=مركاك قلبـي وصنـدوق الحشـى مسنـدك
ماعـاش بيـن المحانـي مـن ذوات الجمـال=سواك لأنك سكنـت القلـب فـي مفـردك
ياجمل من اجمـل جميلـه باليمـن و الشمـال=يادانةٍ مـن تعـب لجلـك و عـاش فقـدك
ارجـوك لا تنطـري منـي يجيـك اتصـال=تناسي امسك و عيشي مـن حياتـك غـدك [/poem]