[poem=font=",6,white,bold,italic" bkcolor="black" bkimage="" border="none,4," type=2 line=0 align=center use=ex num="0,black""]
كل ماجتني من الشرقي نسانيس النسيم الدافـي=ذكرتني رقتك لامـن تكلمتـي و دفء شعـورك
وكل ماطل القمر من يمة المشرق وجوي صافي=فز قلبي احسب ان النور هـذا ياجميلـه نـورك
وكل مامريت ذاك الحي بعدك شفت نوره طافـي=شد منه النور و اعلن مايعاود غير عند حضورك
وكل شيٍ في عيوني ياجميله من وصوفك وافـي=ما به احدٍ غيرك انتي يملك اوصافك ويلعب دورك
الخدود و وردي الشفه و عودك و الجديل الضافي=و لبةٍ فيها علاج الطعنه اللي من نواعس حورك
كنت اقول الرمش لو يطعن بقلبي طعنته خفافـي=لين مكنتي صوابك بالفواد و ذقت لوعة جـورك
و الله ان الحب من منظور فهمي فيه سحرٍ خافي=باقي انتي علميني وش يكون الحب من منظورك
حافظٍ عهد المحبه رغم بعدك و الزمان الجافـي=استقريتي بقلبٍ صار بيتـك و الحنايـا سـورك
مغرمٍ بك لو يقولـون العبـاد مهايـمٍ ياكافـي=بكل لحظه طيفك العابر يجيني و الخيال يـزورك
وكل ماذعذع نسيم وطل بدر و كان جوي صافي=ذكروني رقتك و شعورك الدافي وطلـة نـورك [/poem]