السلام عليكم ورحمة الله وبركاته
عودة بعد انقطاع ..
واقدم لكم هذه المتواضعة....
[poem=font=",6,,normal,normal" bkcolor="transparent" bkimage="" border="none,6," type=1 line=0 align=center use=ex num="0,black""]
الهوى ما هو بهمي لو غدى عمري نكاده=الظروف القاسية تجبر على النفس السكينة
كل حلمي كيف أعيش وقلب يتهنى برقاده=حرت أفكر كيف أطبب جرح والطعنة دفينة
تهت في دنيا الحزن أرقد وانا مالي وسادة=ألتحف ضيمك زماني وأهمل شراع السفينة
يمكن أبحر من بلادي وأترك الجرح فـ بلاده=أدمح الذكرى وحزني يهجر الماضي حنينه
احترق عشبي ومات العمر في موسم حصاده=مابقى فيني طموحٍ والأمل ضاعت سنينه
عاتبي قلبي يا نورة لا تحبيني يا غادة=سارة أنسي سجن وعدك حرري قيود الرهينة
أختصر موجز حياتي قالوا الموجز إفادة=قلت طفلٍ لعبته جرحه وحسرة راضعينه
اتركوني للظلام وما أبي منكم زيادة=واذكروني لا رحلت بخير عن سور المدينة
شوفوا عبدالله نزح واعلن على قلبه إبادة=هذا عبدالله تركنا حايف ظروفه تهينه
قولوا عبدالله عنيد وزادت الدنيا عناده=قولوا عبدالله ضحية.. مات يرضي والدينه[/poem]وسلامتكم
اخوكم عبدالله بن زيد
رد مع اقتباس
