بسم الله
والصلاة والسلام على رسول الله
احبتي هنا
ادارة ومشرفين واعضاء
مايخفاكم اللي قاعد يصير في القسم الرياضي من مهاترات من قبل بعض الاعضاء هداهم الله
سواء في مواضيع او في ردود
وصلت بالبعض الامور الى التطرق الى الاصول والتربية والاهل وامور نترفع عنها جميعا
بالعربي حنا جايين نستانس وننبسط هنا
على اختلاف ميولنا الهلالي والنصراوي والاتحادي والشبابي والاهلاوي وكل الانديه على اختلافها
ارجو من جميع الاعضاء من اجل غرابيل وصفاء غرابيل ورقي غرابيل وجمال غرابيل ان نرتقي بردودنا ومواضيعنا وناخذ الامور بحسن النية
وصلت الامور الى ان حتى بعض المشرفين اللي المفروض انهم يحكمون الامور ويفرضون النظام انساقوا مع الردود وبدوا يلمزون ويهمزن ويصرحون احيانا
ترى الدعوى ماتستاهل والله محد درى عنا لا الهلال ولا النصر ولاغيرها
الكورة فوز وخسارة شيء مفروغ منه
صدقوني كتبت الموضووع من حبي لكم وحبي لغرابيل الشامخه
وبعدين غرابيل بيتنا الثاني ما احد يرضى بالكلام اللي قاعد ينقال ينقال في بيوتنا
اتمنى من المشرفين سرعة التفاعل بتحرير الردود المخالفة وانذار بعض الاعضاء وحتى لو يوقف العضو الذي يخالف الانظمة ويغلط على الاعضاء الاخرين
ترى الوضع يتفاقم يوم عن يوم
للجميع ارق التحايا
رد مع اقتباس
