ارجو ان تنال ميسور رضاكم
[poem=font="simplified Arabic,5,black,bold,normal" Bkcolor="transparent" Bkimage="" Border="none,4,gray" Type=2 Line=0 Align=center Use=ex Num="0,black"]
ظهور الغـول والعنقـا وخـلٍ وافـيٍ بالقـول =علا قول العرب هاذي ثـلاث اشيـاء مجهولـه
يقولون العرب عنها تعيـش بعالـم المجهـول= وانا في خاطري قول يخالـف جيـت اباقولـه
وانا شاعر ولي كلمه ولي رايي وانا المسئـول= كـلام عنـدي اثباتـه وبرهانـه ومدلـولـه
لقيته خلـي الوافـي وكنّـه صـادق الهملـول= يهل بروضة الخاطر وحرفـي سالـت سيولـه
تسيل بوادي الحكمه "وتسقي سدرة الغرمـول=" بَعَدهـا ترتـوي قـاعٍ قبـل ماهـي بمدهولـه
لقيت الصاحب الوافي قصيدي وان بغيت الغول= أبسكت والـشعـر ينطق اذا انك جاهلٍ غولـه
علا سطح البحر راسي تشـوفه كَنّه الأسطـول = وبه سفن رست حوله ولكـن ماهـي بحولـه
تبي تاخذ من اوصافـه ولاتقـدر وثـم تـزول= عسرها بصمة ابهامه ولوهـي قلـدت زولـه
هـذاك اللي عـلا متنه زحـولٍ تلتقي بزحـول =وكلٍ مـشهرٍ سـيـفـه وكلٍ مـسرجٍ خـيـوله
عديمٍ صـار ميـلاده حيـاه لعاشـق معلـول =بعـد ماطالـت الفرقـا تجـدد عشقـه لخولـه
واذا به شي يشبهله بقـول يشابـه البتـرول =الاول طـّور الساحـه والآخـر طـّور الدولـه
من اول قاعنا تشكي بقايـا عصفهـا المأكول =وشفها من بـعـد وبـلـه نفلها صافح سهوله
ولاباقي سوى العنقا تصـارع بابهـا المقفـول= تحاول ياعسـى ربـي يعيـن ويفتـح قفولـه
وانا ادري بابها دونه عواريف تعشـق اللـول= وانا اللي ماجهل بحر القصيد ولاجهل لـوله
رجال مدت ايديها تبـي مـن ساعـده مفتـول= وانا باسط لهـم كـف تـروم العـز واطولـه
زرعت الزرع واسقيته ولاباقي سوى المحصول =وركضت بمهرة اشعاري وابيها تكسب الجوله
حضرت ومتكل بالله عسـاه يحقـق المأمـول= ولايبقى بعد هـاذي ثـلاث اشيـاء مجهولـه [/poem]
رد مع اقتباس
المشاركة الأصلية كتبت بواسطة منوخ العمودي
