[align=center]السلام عليكم واسعد الله صباحكم
قصيده من الارشيف اتمنى تنال القليل من اعجابكم[/align]
[poem=font="Simplified Arabic,4,indigo,normal,normal" bkcolor="transparent" bkimage="" border="none,4,gray" type=2 line=0 align=center use=sp num="0,black"]
ابطيت يا نور العيـون وسيـد قلبـي فالغيـاب=وانا غيابك يا بعـد دنيـاي كيـف اقـدر عليـه
اضيق لين تضيـق فينـي دنيتـي قبـل الثيـاب=واثور لين يثـور فينـي كـل عـرقٍ تحتويـه
وانزل تحت سبع الاراضي واعتلي فوق السحاب=واشكي على قلبي واذا طـوّل بصمتـه اشتكيـه
يا قلب ياللـي سقتنـي للهـم ودروب العـذاب=بديته بضحكـه وفـي دمـع المحاجـر تنتهيـه
ماهوب حقّـي منـك تتركنـي بحالـة اكتئـاب=يا هيه عوّد بي على ما كنت واسمعني يـا هيـه
لا تحسب اني بتبع النبضـات وادنّـق واهـاب=لا والله الا غير ارز الراس فوقـي و احتميـه
ضيّعتنـي واذهبتـنـي يالله لعـلّـك للـذهـاب=وحببتني في شخص لا يقدر يجينـي ولا اجيـه
وقفلت بـاب السجّـه وبطلّـت للتفكيـر بـاب=واصبحت احاتي من خلق الله وحيد ابـلا شبيـه
الجادل اللي شيّب ابراسي وانـا تـوّي شبـاب=في حسن وصفه واف تغنّاجـه وفالعقـل النبيـه
عقل وثقل مال وجمال وطاب ليل الوصف طاب=لا جيت ابسولف عن عيونه وعن حرفـة يديـه
تحفـه ثمينـه دونهـا مكتـوب يمنـع لقتـراب=لا يا بعد روحي يا نظراتـه ورسمـة حاجبيـه
فـي بسمتـه شـيٍ يذكرنـي التدلّـع فالعتـاب=وفي ضحكته شيٍ خذا روحـي وسلّمهـا اليـه
وفي نظرته شيٍ يعلمنـي خطايـه والصـواب=وفي وقفتـه شـيٍ يخلينـي اوقـف واحتريـه
وفي همسته شـيٍ يخلينـي بحالـة اضطـراب=وفـي كلمتـه شـيٍ يخلينـي اردد ايـه ايــه
يامر عليّ واقول تم ابشـر وامـرك مستجـاب=مع حبيب الروح ما اعرف نطق لا،، ونطق ليه؟
انا اشهد انه ممتلكنـي غايتـي بحلـو الجنـاب=في وسط قلبي ماخذٍ سمعه مثل سمعـت ،، بليـه
وانا اشهد انه نايفٍ عـن كـل تلعـات الرقـاب=وانا اشهد ان كل الصفات النادره بالزيـن فيـه
الله يجيبه لي وانـا فـدوة حضـوره والغيـاب=لا يبطي المحبوب في صده وانا ما اقـدر عليـه[/poem]
[align=center]وسلامتكم
،،[/align]
[/align]
رد مع اقتباس
