[poem=font="simplified Arabic,6,blue,bold,normal" Bkcolor="white" Bkimage="backgrounds/1.gif" Border="ridge,6,orange" Type=2 Line=0 Align=center Use=sp Num="0,black"]
يستحق المتاعب من يحب الغشيم=كل ماجبت حل تقابله باحتجاج
عندك الرفض ردآ عاجل ومستديم=اعتقد حالتك صعبه وتبغى علاج
كيف ابقنعك وارجع للجدال العقيم=عايش بعصر جهل وترفض الاندماج
والبلا انك قدرت تصيبني بالصميم=مالنا الا نتفاوض ياغريب المزاج
مايرد الكريم الا حشاك اللئيم=انت قدرك بقلبي حط دونك سياج
لن عيني تشوفك غير كل الحريم=كيف اسكنك قلبي وانت للراس تاج
كل مااحتجت رايآ بين الاريا حكيم=اتجه لك وانا كلي امل وابتهاج
وكل مااحتجت بالدنيا صديقآ حميم=لاذكرتك تلاشت رغبة الاحتياج
اجتماعآ عقدته بين قلبي وريم=لاجل قلبآ اسير ويطلب الانفراج
وده يكون لك حظنآ حنون ورحيم =الجئ له ليامنك بغيتي ملاج
وش تقول الزعيمه باقتراح الزعيم=كن رايك نشب في عنق علة زجاج
الاشاره تكفي كل حرآ فهيم=مايموت برباطه غير نسل النعاج
ايه شاعر صحيح بكل وادي اهيم=ماكسبت بحياتي غير فل الحجاج
كم شاعر كسب بالشعر مدة كريم=وكم شيخآ بمدحه طايرآ بالعجاج
بس انا مارضيته لن شعري حشيم=صرت للشعر يافواز مثل السراج
دامي اذكر بعمري مثل شخصك حكيم=اتحمل عطش كبدي ولاآرد هماج[/poem]
رد مع اقتباس
المشاركة الأصلية كتبت بواسطة عوادالعلي
