مجلس الهدايــا ...الله يحييكم كلكم تفضلوا................

[الهدايــا]

السلام عليكم ورحمة الله وبركاته

مساكم الله بالخير أخواني وأخواتي اعضاء المنتدى الغالين جدا

ودي أطرح عليكم هالفكرة واستاذنكم فيها وان شاء الله تعجبكم وهي انه كل يوم باذن الله او كل يومين انزل لكم سالفة حلوه سمعتها في مجلس او شفتها او صارت لي ولا تخلو من الطرافة أو العبرة واذا سمحتوا لي فمجلسي مفتوح لكم على طووول والله يحييكم عدد ما مشيتوا ويا هلا وسهلا بمجلس وخيكم الصغير الهدايــا ......


أول سالفه (1):

مرة من المرات وانا جالس بمجلس جدي ابراهيم وقاعدين نسولف مادريت الا ويدخل علينا شايب الله يذكره بالخير وقمنا وسلمنا عليه وحطه جدي براس المجلس( وكالعاده القهوه ) دخلت وجبت القهوه والتمر وقهوينا الرجال ولا ماشاء الله راعي سواليف مثل جدي وبصراحه ينحب ذا الشايب وكنيته ابو حمد
قال ابو حمد لجدي ماشاء الله هذا ولدك يقصدني قال لا هذا ولد ولدي عسا الله يخليلك (انا قلت عسا ماهوب جاي يخطبني من اهلي هههههههه) المهم قال وين الوالد قلت رايح لهاك الديره قال اوووه شوداه هناك قلت ليه وش فيها قال اسمع هالسالفه :

مرة من المرات تهاوش (تخانق) اهل الديره - ماودي اقول اسمها منع للزعل مثلا اسمها (ا) – مع أهل الديرة (ب) على الماء وكان هذا في عهد الملك عبدالعزيز الله يرحمه وكان الناس يتبعون الماء وين ما يكون يسكنون عنده المهم زارهم الملك عبدالعزيز الله يغفر له وحضروا عنده اهل الديرتين يتنازعون قال له واحد من كبار الديرة (ا) يا طويل العمر اهل الديرة (ب) ذبحونا نازعونا في مانا طال عمرك ودنا انك تشوف لنا حل معهم قال وين كبيركم يا اهل (ب) طلع واحد وقال سم طال عمرك قال وش صاير قال له والله ان هالبير لنا وحافرينها جداننا
بس هذولا الله لا يحللهم واطين على خشومنا وضحك الملك وقال لهم ليه ما تتقاسمونها يوم لكم ويوم لهم .......

سكتوا........ وقعدوا يطالعون بعضهم جازت لهم الفكره (طيب من اول ههههههههههه)
وطلعوا راضين
يوم جا من باكر ويجون متهاوشين مره ثانيه عند الملك قال امير ديرة (أ) يابوسعود(الملك) من يبدا الاول حنا ولا هم انا اقول حنا اول وطلع واحد من هناك يصيح تخسون حنا اول يا طويل العمر قعد يضحك الملك عبدالعزيز وقال تدرون عاد بقسم لكم البير قسمين بحبل احطه في نص البير انتم تاخذون من جهه وهم من جهه وخلاص (ههههههههه وشيسوي لهم عجز عنهم المصيبه انهم وافقوا على هالحل وطلعوا هههههه)
المهم جلسوا مع بعض اهل الديرة (ا) وقالو يالربع ترى اهل(ب) بيخلصون ماكم اسمع يا رويشد (صبي عند امير (ا) ) اذا جا في الليل خذ من ماهم وصبه عندنا ولا يدري عنك احد (والله حاااله هههههههههههه )
يوم دروا عنهم اهل الديرة (ب) راحوا وجابوا حمار ميت (فطيسة) ورموها على جهة هذولاك (هههههههههه وكلهم في بير واحد المشكله ) يوم جا من بكره ولا البير ما ينشرب منها وشدوا عنها (هههههههههههه حسبي الله عليهم )
**المهم انا قاعد اسمع السالفه مادريت الا جدي ناغزني صب للرجال يقصد ابو حمد ههههههه وانا منسجم مع السالفه **

وانا انتظر هاليوم اللي يرجع فيه ابو حمد ويعطينا سالفه ثانيه ...........


وسلامتكم ان شاء الله اعجبتكم ويهمني بصراحه رأيكم كلكم رجااااااااء

اخوكم

الهدايـا

[مجروحة الزمن]

صراحه فكره رووووووووووووووووووعه

واحلي شي سوالف الشياب صدق ماينمل منها ابد

يعطيك الف عافيه اخوي الهدايا

ننتظر سوالفك

<<<< متحمسه البنت

سلامووووووووووووووووووووو

[الهدايــا]

هلا والله وغلا اختي مجروحة الزمن اسفرت وانورت والله

حيا الله مجروحة الزمن ....

ابشري والله بالجديد ويكفيني فخرا انها اعجبتك الله يخليك ياااربي ولا يحرمنا منك

وتمنى منك ان تكوني متواجده على طووول وتكونين بالمجلس لو تدخلين تسلمين وتشوفين الجديد لا ني ان شاء الله كل شوي بنزل سالفه او مفاجأه حلللووووووه
ترقبوا وخليكم معي باستمرار

وعلى فكره ابو حمد بروح اجيبه يسولف علينا يعني وين بيروح مني الحين بلقاه منسدح باخر الشارع يمدد رجيلاته بالشميس(المشكله انه جالس بالظلال ههههههههههههه)

تحيااااتي لك ياوخيتي .......

اخوووك

الهدايــا

[طيف الوله]

صراحه مجلس روعه

وسنظل نتابعك ونتابع قصص الشياب ياحبي لهم ولسوالفهم


مشكور على هالفكره المميزه

[الهدايــا]

هلا والله وغلا باخيتي طيف الوله نور المجلس يالغاليه بوجودك

والله يحييك عدد ما مشيتي

ما فيه شك هالشياب نحبهم عسى الله يخليهم لنا ياااربي

وان شاء الله راح يكون عندي الجديد على طووول بس خليكم معاي وادخلوا باستمرار وبتلقون مفاجآت كثيييير بس ترقبوا


وخيتي لا تحرميني من طلتك كل يوم عندي بالمجلس لا نه محلكم الله لا يخليني منكم .......


وخيييك

الهدايــا

[الهدايــا]

السلام عليكم ورحمة الله وبركاته
اليكم حبايبي السالفه الثانيه تفضلوا......


مرة من المرات كنت في جمارك مطار الملك خالد الدولي بالرياض عندي بعض البضائع جايتني و بخلصها المهم وانا قاعد ماسك سرا في قسم السحن الفوري ولا ذاك الشايب المسيكين ما يدري وين الله حاطه مدري من موصيه يطلع له اغراض ويقالك فزعه وتورط ابو الشباب ما يعرف شيء المهم شافني ولزق فيني ماروح مكان الا هو معاي المهم شافني وقال ياخوي المدير وينهو قلت له أي مدير قال يا خوي ما تعرف المدير قلت تبع أي قسم فيه الف مدير يا عم قال اللي يعرف يسنع اوراقي قلت عطني اشوف اوراقك وقلت له شوي خليك معي وادخل اوراقنا مع بعض قال لا انا بحاسب (هههههههه) قلت له يارجال ما بعد وصلنا للفلوس توك باول الطريق قال ايه اشوى المهم خلصنا اوراقنا وقلنا بنروح نسوي المنافست في الدور الثاني المهم يوم بغينا نطلع باللفت وكان فيه مصعدين واحد يمي وواحد يمه المهم وقعد يطق الباب قال هذا المدير علامه ما يرد ههههههههه
قلت أي مدير الله يرحم والديك مشينا للكوفي شوب اللي هنا خل اقهويك (قلت يمكن يصحي راسه هههههههههه)
المهم وديته للكوفي شوب قلت وش تشرب يا عمي قال عطني ماء قلت ابشر وجبت له مويه وقلت له تبغي قهوه قال تنشدني؟؟؟؟؟؟؟ يعني (تسألني) قلت بس ماهيب قهوتنا يا عم قال وش حمستها ههههههههه قال ابيها قالطه ههههههههههه قلت وييييين ليكون يبغى ربابه بعد قلت ياعمي هذي قهوة ثانيه فيها قال عطناها لو هي سم هماها قهوة بس جبتها له وشربها قال قم قم هههههههههه مشينا نكمل اوراقنا والله ياني ضحكت يوم قال قم قم قلت الحين بيجيني طراق يمشي الفين كلم /الساعه يوم وصلنا للمصعد ونلقى واحد منهم نزل منه ناس قال يوووووه شكل المدير مزحووم اليوم ......؟؟؟؟ هههههههههه
قال مانيب رايح معك رح انت انا بشرب با قي القهوة (الظاهر جازت له ) ورحت للمنافست قالوا لازم يشرح عليها المدير العام ورحت له وكان يتكلم بالتلفون انتظرته لين خلص وعطيته الورقه وكتب عليها شوي الا ويدخل
خوينا قال انت هنيا قلت ايه قال للمجير يامدير خف ربك من هالناس اللي انت حاطهم ما يخافون الله ما يقولون هذا شايب ما يعرف حطوني بغرفة- يقصد المصعد - لحالي ولا عرفت ادبر نفسي الا يوم جا اللحية الغانمة ويحتريك برا اباك تسرحه اليوم يروح لاهله هذا اللي يعرف الرجاجيل (انا حسيت انه يقصدني اني ما اعرف الرجاجيل هههههههههه مع اني والله ما قصرت معه ) يوم دخل الرجال اللي برا ولاه عامل النظافه بنقالي وقعد يهزز راسه يوم مات ضحك المدير ووقع اوراقه واوراقي ومشينا .......


ان شاء الله اعجبتكم ....... ومنتظر ردوركم


اخوكم

الهدايــا

[سمووره]

ههههههههههههههههههههههههه
ههههههههههههههههههههههههه

يازين هالسوالف والله

لانحرمنا منك ومن سواليفك الشيقه

نتمنى مزيد من هالسوالف

[قوت القلوب]

واو فكره روعه وجديده
يسلمو ويعطيك العافيه
تحياتي

[الهدايــا]

هلا والله اختي الغالية جدا سموره ويكفي انها اعجبتك

اتمنى منك التواجد على طووول هنا وابشروا بالجدييد دوما

وخيييك

الهدايــا

[محمد المنهالي]

وان شاء الله انشوف مشاركاتك الحلوة على جدام .

ومشكووووور على المشاركة الجميلة.


محمد المنهالي . :اموه:

[الهدايــا]

اهلين اختي الغالية قوت القلوب واكثر منها روعه حضورك الحلووو

عسى الله لا يحرمني منك اااامين

وخيييك

الهدايــا

[زود الغلا]

[align=center]ياخوي والله ان فكرتك زينتن بالحيل بس اقول ليه السوالف طويله في ناس
عجازين في المنتدى << يقصد نفسه :تصفير: :تصفير:
ياخي نزل لللاعضاء السالفه وانا نزلها لي باختصار ;) ;)
علشان ماودي انحرم من سواليف الشياب ياربي انك تخليهم
تسلم يدك يالغالي [/align]

[مجروحة الزمن]

ههههههههههههههههههههههههه

ياحليله هالشايب من أي عصر جاي :)

واحلي شي سالفة القهوه

تساله بعد :D

يسلمووو هدايا علي السالفه الخفيفه

ننتظر سوالفك الحلوه باقرب وقت

سلاااامي لك

[الهدايــا]

اهلييييين اخوي الغالي محمد المنهالي شرفني مرورك يا بعدي

تحياااتي لك من القلب واتمنى منك التواجد باستمراااار


وخييك

الهدايــا

[الهدايــا]

هلا والله وغلا اخوي زود الوله والله شسوي بربرتي واجد هههههههههههه

تحياااتي لك ولا تحرمني تواجدك يالغالي

وخيييك

الهدايــا