شاعرنا الراقي / عبدالرحمن مازن العطاوي .. أضاء سماء الخرج

[مفرح بن مناحي]

شعر + إبداع + حضور جماهيري = أمسية عبدالرحمن بن مازن العطاوي

بدأت تلك الليلة وانتهت بسرعة لأن اللحظات الرائعة لا تمرّ ببطء .. !!

اليوم / الثلاثاء الموافق 4 / 8 / 1429 هـ

المكان / منتزه البعيجان السياحي بمحافظة الخرج

المناسبة / أمسية الشاعر الراقي : عبدالرحمن بن مازن العطاوي









استمر منتزه البعيجان السياحي في دعمه للحركة الشعرية الشعبية وذلك من خلال إقامة أمسية لشاعر من شعراء غرابيل ... اسم لا يجهله من يعرف الجزالة حق المعرفة .. عبدالرحمن مازن العطاوي .

فيوم الثلاثاء الماضي .. تحركت بوصلة أهالي محافظة الخرج صوب منتزه البعيجان .. وعانقوا الإبداع في ليلة لا تنسى .. وكان الحضور الكبير لهذه الأمسية من الرجال والنساء وحتى صغار السن دليل قاطع على أن أبو مازن يمتلك الموهبة الشعرية التي تخوّله ليكون ضمن الأسماء البارزة في سماء الشعر .


أعلنت " صافرة البداية " .. عند الساعة العاشرة .. واستهلها شاعرنا بقصيدة وطنية .. نالت الإعجاب :


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ألى صال القصيد وجال في عمق البحور وصال=نسوق القاف والمعنى على الدولة وحاميها

وإلا من حان ذكر رجال واستأنف رحيل رجال=ما نذكر سوى الأبطال والعوجاء وأهاليها

نقول أبطال والمقصد رجل واحد هو الأبطال =مليك الطيب أبو متعب ذرى الدولة وحاميها[/poem]








ثم أطلق العنان لإبداعه بقصيدة وضع فيها ختماً خاصاً به :


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
حياتنا اللـي كـل ابوهـا ملـذات=ضاعت مابين الرقص واهل الغناوي
والساحه اللي طّوقتهـا التفاهـات=خلت شبيه البـوم مثـل النـداوي
والهرجه اللي ذاعها خالـي الـذات=خلـوه يتبـع لابسـات الغطـاوي
قولوله اني فوق هـام الطويـلات=متربـعٍ عرشـي ولانيـب خـاوي
فكر وقصيد وفوق هـذا طموحـات=ماني من اللي به تخيـب الهقـاوي
ابـدأ ولالـي فالبدايـه نهـايـات=واسلك طريقي دون آيت خطـاوي
الكل له عندي حسـاب و مقامـات=القـدر واحـد والغـلا بالتسـاوي
والأ الرخوم مروجيـن الإشاعـات=صمتي لهم كيّـة طبيـبٍ مـداوي
تعال ياللي لـك أمانـي وغايـات=وأكبر طموحك طيحتـي فالبـلاوي
تزرع لي العثرات لو مابي عثـرات=لا.. ماتفرق بين مكّـوي وكـاوي
قواك ربي ..شـدّ حيلـك دعايـات=غاوي ويتبع دربك 2000 غـاوي
إسمع ! مادام إني على جزل الأبيات=مبدع واصيغ القاف شاعر وقـاوي
بيتٍ ذهب تقـرأه وسـط المجـلات=حطهّ في بالـك ياكثيـر الدعـاوي
إن كان مالي مع هل الطيب صولات=ماني ولد مازن ولانـي عطـاوي [/poem]



وتوالت بعد ذلك القصائد .. كنسائم الهواء الباردة والتي أطفأت حرارة الأجواء .. منها :

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
مانـي بقايـل ويـن ودي أوديــك .!=تعـرف بقلبـي منزلتّـك ومكانتـك .!
قلّي عن دروبـك عسـى الله يعافيـك=قلـيّ علـى وجهتّـك وأدلّ وجهتـك.!
من عقب ماني ساكـنٍ فـي اراضيـك=اليوم عايـش بيـن نـاركّ وجبهتّـك.!
اذكر صدى صوتك وهمسـة حكاويـك=يـوم الليـالـي جمعتـنّـا وحبـتّـك[/poem]


وكذلك :

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
إحترق صدر المعنىّ .. وضاقت إدروب المدينه=وقامت الذكرى تهب إرياحها من كل صـوب
ولالمحّت ألا خيالك .. يامدى قلبـي وأنينـه=يوم شفتك ذات يومٍ فالمساء .! قبل الغـروب
عقبها ليل القصائد شاق لك وأعلـن حنينـه=والتفت كنّه على وصف المواقيف إمغصـوب
قلت أكتب : قال مقدر.. صاحبك ويني ووينه.؟=له ثلاث شهور غايب.! وانا صدري له رحوب[/poem]



ووسط مطالبة الجمهور بإلقاء قصيدة " يا واحشنا " ... لبّى شاعرنا طلبهم .. ليختم بها أمسية ستبقى في الذاكرة .

[ماجد نصار]

مفرح مناحي

تغطيه متميزه

كل التوفيق
للشاعر عبدالرحمن مازن

قصيدة البدايه
طربيه وراقت لي كثيراً


شكراووداً

[نياف العتيبي]

رااائع يابومازن


صح لسااانك


والبعد حال بينا وبينك


لكن بيض الله وجه ابو عبدالله


اطلعنا على بعض ابداااعك


كل الشكر للاثنين الله لايخلينا منهم ولا من شرواهم


النااايف

[سلمان الثوري]

مفرح بن مناحي ,,

تغطيه ممتازه الله لا يهينك

والله يالربع اني حافظ التاريخ ونوي أحظرها بس ما دريت انها بالخرج رحت البعيجان الي بالطايف ادور الرياجيل ادور شاعرنا مالقيت أحد يالله خيرها بغيرها

تحياتي للجميع

[زياد العصيمي]

ابو مازن

ليس جديد عليك الابداع


الله يوفقك ويسدد خطاك

[فايز ماجد]

أسعد وأتشرف كثيرا

بنجاحات الأخ العزيز الغالي

الشاعر المتميز

عبدالرحمن مازن العطاوي

وكنت أتمنى حضور هذه الأمسية لأقف بمحراب الجمال والجزالة

بالتوفيق يابومازن

والشكر لك موصول يامفرح

على نقل هالخبر الجميل

تحياتي لكما

[عبدالله بن راجس]

بيض الله وجهك يامفرح بن مناحي



ويستاهل ابومازن الابداع كله

وعبدالرحمن من الشعراء الشباب الي نفخر بهم

في الساحه الشعبيه وبغرابيل والجزل جزل دائم في جميع حالاته

[][ سما الدوحه ][]

مفرح بن مناحي..

شكرا لك عالتغطيه الرائعه..

وعبدالرحمن شاعر راقي ويستحق المتابعه




يعطيكم العافيه جميعا



سما

[محمد نايف العتيبي]

/

حي هالراس اللي على الامسيه



ابو مازن


مبدع ومافيها كلام طال عمرك


والله يوفقك دينا واخره



وصح لسانك على كل حرف تقوله وتكتبه



دمت بخير



محمد بن نايف

[علي عبدالرحمن الأسمري]

يستاهل ابومازن الخير كله
صح لسانه وتسلم لنا يمناه
ولاهنت يامفرح على التنويه
تحياااااااااااااتي

[مهدي بن مسفر الحبابي]

أخوي الوافي مفرح بن مناحي

بيض الله وجهك على المجهود والتنويه

ويستاهل ابومازن كل خير

تمنياتي له بالتوفيق

لك احترامي وتقديري