نتائج المرحله الاولى لـ مسابقه صوره في عين شاعر

[][ سما الدوحه ][]

مساكم الف خير..

هذي نتايج التصويت للمرحله الاولى..
بس قبل لا أعلن النتائج..
ابي اوضح طريقه تقسيمي للدرجات..عشان اي حد يبي يتأكد ..يقدر يشيك..(الأنسان مو معصوم من الخطأ)
1-جمعت الدرجات الممنوحه من اللجنه..وقسمتها على 30 (المجموع الكلي) وضربتها في 100
2-جمعت النسبه المئويه من تصويت الاعضاء مع النسبه المئويه من تقييم اللجنه وقسمتها على 2


الشاعر(1)فيصل فرج العتيبي
[poem=font="simplified Arabic,4,black,normal,normal" Bkcolor="transparent" Bkimage="" Border="none,4,gray" Type=0 Line=0 Align=center Use=ex Num="0,black"]
يقود الهوى خطوات رجلي لمربى الشوق=بقايا المكان اللي حضن عاطر الذكرى
هذا بابه الشامخ وذا عمري المسروق=تحت كومة احجار ٍ نواها الزمن وازرا
اجي له وقلبي من عنا عالمه مخنوق=مسافر عمر تعبان من وحشة المسرى
اجي وانثر احزاني على هالحجر واروق=واعوّد وانا اردّد ياليت الزمن يشرى[/poem]

تقييم اللجنه
مفرح بن مناحي:10
أحمد الشمري:9
نياف العتيبي:9
المجموع:93.3%
تصويت الاعضاء:11.11%
النتيجه النهائيه: 52.205

الشاعر (2)حامد الروقي
[poem=font="simplified Arabic,4,black,normal,normal" Bkcolor="transparent" Bkimage="" Border="none,4,gray" Type=0 Line=0 Align=center Use=ex Num="0,black"]
الا ياعين بللتي إزاري = تعدى الخد من محجرك جاري
بدمع يوم فاض الكل شافه = وش استر ويش اخفي ويش اداري
درى ربي بما تخفيه نفسي = وفيض العين عنه الكل داري
بعد مريت منزلهم وشفته = من الاقراب والأصحاب عاري
وانا عهدي به يكرم ضيوفه = وصاريكرم اليوم الذواري[/poem]

تقييم اللجنه
مفرح بن مناحي:9
أحمدالشمري:5
نياف العتيبي:8
المجموع:73.3%
تصويت الاعضاء:6.67%
النتيجه النهائيه:39.985

الشاعر (3)محمد أبن براك العطاوي[poem=font="simplified Arabic,4,black,normal,normal" Bkcolor="transparent" Bkimage="" Border="none,4,gray" Type=0 Line=0 Align=center Use=ex Num="0,black"]
الا يالمنزل اللي مابقى به غير باب السور = سلام الله على طوبك سلام الله على بابك
وانا مالي لزوم (ااااقف) واجي للموقع المهجور = وهي صعبه ولكن هانت الدعوى على حسابك
ابهرج (حسٌب) منظوري وكل انسان له منظور = ترى وضعك من الفرقى بعد ماماتوا اصحابك
فالاول كنت مزبن للرجال اللي (تحكم) الشور = شف نهاية صمودك في زمانك ويش سوابك
بعد (هذي) وداعيه وداعيه وانا (معذور) = سبب خوفي على نفسي من جنونك ومن دابك[/poem]

تقييم اللجنه
مفرح بن مناحي:10
أحمدالشمري:7
نياف العتيبي:9.5
المجموع:88.3%
تصويت الاعضاء:11.11%
النتيجه النهائيه:49.705

الشاعر(4)محمد بن ضاوي[poem=font="simplified Arabic,4,black,normal,normal" Bkcolor="transparent" Bkimage="" Border="none,4,gray" Type=0 Line=0 Align=center Use=ex Num="0,black"]
ياقصر قلي ليه وش بك تهاوى=ومنولن شامخ وصيتك مدوّي
عزاه لك بيبان سورك تجاوى=من عقب ماكانت مزارن يضوّي
هل المبادي والتقى والمخاوى=اللي مخاواهم عليه التخوّي
عزاه لك لاجيت كنك تشاوى=جاتك معاول هدم من فكر سوّي
من نفث علماني الى بوس واوى=تبا تهاوى فالزمان المهوّي[/poem]
تقييم اللجنه
مفرح بن مناحي:10
أحمدالشمري:6
نياف العتيبي:8.75
المجموع:82.5%
تصويت الاعضاء:28.89%
النتيجه النهائيه:55.695



الشاعر(5)سعود المجلاد[poem=font="simplified Arabic,4,black,normal,normal" Bkcolor="transparent" Bkimage="" Border="none,4,gray" Type=0 Line=0 Align=center Use=ex Num="0,black"]
سقالله يازمن من وين ذاك المنزل المهجور=بعد ماكان منزل عامراً بأهله واحبابه
تهدم مابقى منّه سوى باب وبقايا سور=ولكن مع مرور الوقت باقي شامخٍ بابه
يسولف للزمن عن ماضي الذكرى وموت النور =وكنّ الشمس من خلفه تزول وتعلن غيابه
بقى خالي بعد ماكان بأهله شامخ ومعمور=ومن جرد السنين أصبح رفات وغادر أصحابه[/poem]

تقييم اللجنه
مفرح بن مناحي:10
أحمدالشمري:8
نياف العتيبي:9.75
المجموع:92.5%
تصويت الأعضاء:11.11%
النتيجه النهائيه:51.805

الشاعر(6)تركي العطاوي
[poem=font="simplified Arabic,4,black,normal,normal" Bkcolor="transparent" Bkimage="" Border="none,4,gray" Type=0 Line=0 Align=center Use=ex Num="0,black"]
ان روٌحت وان جات عز وسلامات..=مايفرح الوقت الردي بأنكساري..
ضاقت بي البارح وضجت ملامات..=ثم قلت اعنزها على اطلال داري..
لو مات حس البيت راعيه مامات..=يبقى لفعله فوق طينه مواري..
ورَثني العز-الكرم والمروات...يصبح علي الصبح ماطفيت ناري
أطلال بيته تمتليني بالآهات..ويجيبني طاريه واجيه ساري...[/poem]

تقييم اللجنه
مفرح بن مناحي:9
أحمدالشمري:7
نياف العتيبي:8.25
المجموع:80.8%
تصويت الأعضاء:11.11%
النتيجه النهائيه:45.955

الشاعر(7)نايف عفاس الغويري

[poem=font="simplified Arabic,4,black,normal,normal" Bkcolor="transparent" Bkimage="" Border="none,4,gray" Type=0 Line=0 Align=center Use=ex Num="0,black"]

يا بـاب / أنا أذكر من قبل عدة سنين=خلفك / جلس عمي و جدّي و خالي
دارن(ن) على العزه ولوّ ساسه الطين=أسنين مرت في زماني ليالي
يا بـاب / قلّي ليش باقي لهاالحين=وراك ما ترحل وأببقى لحالي
كل ما نظرتك / سال دمعي من العين=ذكرت دار(ن) ما بقى منه غالي[/poem]

تقييم اللجنه
مفرح بن مناحي:9
أحمدالشمري:6
نياف العتيبي:8.5
المجموع:78.3%
تصويت الأعضاء:13.33%
النتيجه النهائيه:45.815



الشاعر(8)سلمان الثوري
[poem=font="simplified Arabic,4,black,normal,normal" Bkcolor="transparent" Bkimage="" Border="none,4,gray" Type=0 Line=0 Align=center Use=ex Num="0,black"]
صورة قديمه مثير حيل ياخوان..=فيها بقايا بيت نجهل مكانه...

تشرح لنا ماضي مع الناس قد كان..=فيها الشموخ وعز ناسن تكانه..

واليوم ماباقي لهم غير الاحسان..=والدعوه اللي من صميم وامانه..

والعاقل اللي يفتهم كان من كان..=يعرف مصير الحي يفقد زمانه..[/poem]

تقييم اللجنه
مفرح بن مناحي:7
أحمدالشمري:5
نياف العتيبي:7
المجموع:63.3%
تصويت الأعضاء:6.67%
النتيجه النهائيه:34.985


ترتيب الشعراء حسب النقاط:
1-محمد بن ضاوي 55.695
2-فيصل فرج العتيبي 52.205
3-سعود المجلاد 51.805
4-محمد أبن براك العطاوي 49.705
5-تركي العطاوي 45.955
6-نايف بن عفاس الغويري 45.815
7-حامدالروقي 39.985
8-سلمان الثوري 34.985

الشعراء المستبعدون من المرحله
1-حامد الروقي
2-سلمان الثوري



للشعراء المتاهلين للمرحله الثانيه
أن شاء الله قريب توصلكم الصوره..


ملاحظه:اللي عنده أي اعتراض الرجاء التقدم به قبل انتصاف الليل..يعني بعد نص الليل أي حد يعترض عالنتيجه..ماراح نقبل اعتراضه(وان شاء الله محد يعترض) ^_^

تمنياتي بالتوفيق للجميع

[يوسف عبدالله الغنامي]

كلهم شعراء مميزين ورائعين وأن شاء الله مافيه أي تشكيك في التصويت

ونشكر من قام على هذا العمل الرائع والشكر الجزيل لك سما الدوحه

[تركي العطاوي]

مشكووره سمااا


وابارك لشعارء المتأهلين معي مبرروووووووووك


وفرصه سعيده وحظ اووفر لاخواني الشعراء المستبعدين


تحيتي

[مفرح بن مناحي]

مبروك للمتأهلين

وحظاً موفقاً للمستبعدين في مسابقات أخرى

أتمنى التوفيق للجميع

ومشكورة يا سما الدوحة

[][ سما الدوحه ][]

يوسف الغنامي

الشكر موصول لكل من تفاعل معنا..سواء بالمشاركه او بالتواجد

شكرا لك

تركي..

مبروك..^^


مفرح بن مناحي

شكرا لتواجدك








تم أرسال صوره المرحله الثانيه للشعراء المتأهلين

بالتوفيق

[محمد نايف العتيبي]

.


مبروك للجميع


سوا ً المتأهلين او الـ غير متأهلين

جميعكم مبدعين ومتميزين



/


سماء مشكوره وتوضيح ممتاز ومسابقه بأذن الله ناجحه



دمتم بخير

[فيصل فرج العتيبي]

هين يابن ضاوي

وراك وراك والزمن طويل ههههههههههههههههههههه

الف مبروك لجميع المتاهلين بما فيهم انا

وحظ اوفر لحامد وسلمان

وهذا لايعني ان ابياتهم دون المستوى لاوالله لكن هذي احدى مساوئ التصويت كما هو الحال حتى في برامج المسابقات


ومشكورين اعضاء اللجنه والاخت سما على مجهودكم

بس سما ترى الصورة ماوصلتني للحين اشوفك فوق تقولين ارسلت الصور عسى المانع خير

[فخر أهلها]

:برافو برافو::برافو برافو::برافو برافو::برافو برافو:

والله وتصدرت يابن ضاوي هههههههههههههه

بس انتبه فيصل يتوعد الله يعينك :مزون:

مبروك لجميع اللي تأهلو ولو اني زعلت على اللي طلعو لاني حسيت اليوم فيه شبه من شاعر المليون ههههههههههههههههههه

يعني معليش هذي سلبيات تصويت الجمهور

تحياتي لكم :)

ولك خاصه سما :و:

[حامد الروقي]

هههههههههههههههههههههه

ياصباحي صباحاه


يالله صباح خير

ههههههههههههههههههههههههه هههههه




< <<< ومتعب نفسه بالصخري هههههههههههههههههههههههه


العوض في شاعر المليون .
والف الف مبروك للشباب المااهلين واللي ماتاهلوا والشكر الجزيل الجزيل للجنه الله يعطيهم الف عافيه سراحه ماقصروا .
كذلك الشكر للأخت / سماء الدوحه على مجهودها الجميل
واقول لخوي / سلمان ولنفسي الامر بسيط بكره يجي مسابقه مثلها ونفوز باذن واحد احد .
_________واقول لاخواني الشعراء
1-محمد بن ضاوي
2-فيصل فرج العتيبي
3-سعود المجلاد
4-محمد أبن براك العطاوي
5-تركي العطاوي
6-نايف بن عفاس الغويري

تستاهلون وابياتكم كانت جميله جدا .

ولا نسيت القصيده الغزليه اللي وعدتكم .ابشروبها


مع تمنياتي للجميع بدوام الصحه والعافيه .

[الربـيـدي]

لكم مني احلى التحايا والله يقويكم

والشعار مبدعين وننتظر منهم اكثر

اقتراح :
اظهار الصورة التي ارسلت الى الشعار للمرحلة الاولى

[][ سما الدوحه ][]

محمد بن نايف..

شكرا لتواجدك..


فيصل..

أول شي مبروك التأهل..

ثاني شي..اسفه..من كثر الشغل نسيت ^^

أعذرني مره ثانيه..وتم أرسال الصوره لك ولأبن براك


فخر أهلها..

شاكره لج تواجدج

حامد..

هارد لك..

وابشر ان شاء الله..بعد رمضان فيه مسابقه جديده..^^


الربيدي..

الصوره موجوده في موضوع الابيات المشاركه في المرحله الاولى..



شاكره لك تواجدك..

[][ سما الدوحه ][]

تم إنسحاب الشاعر..


تركي العطاوي..





موفق ان شاء الله

[علي عبدالرحمن الأسمري]

بالتوفيق للجميع

[محمد بن ضاوي]

أحمدالشمري:6

اوريك يا احمدووه هههههههههههههه

لكن بفضل ربي ثم بوقفة جمهوري معي مايصح الا الصحيح هههههههههه

هين يابن ضاوي

وراك وراك والزمن طويل ههههههههههههههههههههه

على القوة يافيصل هههههههههههه وراك وراك وراك مطرح ماتروح وراك ههههه

تدري انا توقعت انه بس مره وحده وننتهي مادريت ان فيه مراحل ههههه بس يالله التوفيق

والله وتصدرت يابن ضاوي هههههههههههههه

بس انتبه فيصل يتوعد الله يعينك

ازهلي الموضوع فخر ههههههههههههه

اوريك فيه اوريك فيه ههههههههههههههه

[غلا أبوها]

جيت أبارك للشعراء المتأهلين

مبروووووووووووووك


وحبيت أقول لتركي شد حيلك ومبروووك التأهل