مدينه العشاق

[][ سما الدوحه ][]

للشاعر :عادل مطلق الخالدي


[poem=font="simplified Arabic,4,black,normal,normal" Bkcolor="transparent" Bkimage="" Border="none,4,gray" Type=0 Line=0 Align=center Use=ex Num="0,black"]
مع السلامـه هلـت العيـن ماهـا=
دمع السفر يامالك الـروح يبكيـك
الفجر اذن وجهشـت فـي بكاهـا=
وذاب الكلام ولابقـى كـود لبيـك
قالـت بمـان الله ترجـف شفاهـا=
ونفاسها في داخل الـروح تفتيـك
الـروح عنـدك بالعـلا يامنـاهـا=
لا اقبل سواد الليل عندك تواسيـك
بسمة حياتي دنيتـي مـع هناهـا=
مع السفر مابين طيفـك وطاريـك
الليـل وانتـي ونجـوم بسمـاهـا=
كل المشاعر فى دروبـي تناديـك
يارب ان لي غايت(ن) في رجاهـا=
ودعوة مسافـر ياإلاهـي تناديـك
تجمع ولايف تشتكي لـك ضماهـا=
الحب عذري طاهر(ن) بالمساليـك
غاية شرف متحشمـه فـي نقاهـا=
شامت عن دروب الزلل والشرابيك
عفت ودمع الشـوق يبكـي لقاهـا=
ترجي حلال الوصل يارب ترجيـك
يـارب ماغيـرك يحقـق منـاهـا=
وعجل لها يـوم الفـرح وتباريـك
وصلت حائل والجسد فـي حماهـا=
والفكر عندك راسي(ن) في موانيك
يادار حاتم ساطي(ن) بـي هواهـا=
عابر سبيل وصوت الاحزان ينبيك
أجـا وسلمـى ذكرونـي بوفاهـا=
عسى الولي من غر الامزان يسقيك
وجيت القصيم ورحلتي في شقاهـا=
وقال انت عاشق والمسافات تطويك
أصبر مدام ان العهـد فـي خفاهـا=
معشوقتك معشوقتك حيـل تغليـك
والعاصمه ضاقـت علـي بفضاهـا=
وفي زحمة العالم اهوجس وناجيـك
يسعد صباح اديارنـا مـع مساهـا=
الي بها قصر(ن) يضمك ويحويـك
مدينـة العشـاق عمـري فداهـا=
ربيع عمري مولده فوق اراضيـك [/poem]

[مفرح بن مناحي]

صح لسان الشاعر

وشكراً لك على النقل الجميل

[][ سما الدوحه ][]

شكرا على تواجدك