أول شئ لا يروعكم العنوان زي روعة سهم يوم صدم
سلااام مربع للكل
بعلمكم بسالفة من أمس وهي تقرقع بصدري ودي أقولها لكم 000 واضحكم زي ما ضحكت عليه
بقول لكم السالفة من أولها 00
جاني إتصال من سهم المنايا .. وأنا كنت انتظره باستراحتي يوم الجمعة ,,
واليكم المحادثة االهاتفية اللي دارت بيني وبينه ( وعلى فكرة كل اللي اقوله صدق ) :)
عشق :
الوو
سهم :
سعد الحقني ,,,, الحقني,,, الحقني ,,
عشق :
وش علمني روعتني ؟
سهم :
أبن الكلب نقز لي في الخط ودعسته
عشق :
منهوووووووووو ؟ وش هببت ؟ وش صار ؟
سهم :
الكلب ,,, الحيوان ,,,, ***************** كلام مشفر
عشق :
طيب وش صار في الرجال ؟ وينك أنت الحين ؟ ( طبعاً أنا وقفت على حيلي )
سهم :
الكلب راح نصين في وسط الشارع ,,,, بس هو اللي نقز لي
عشق :
من اللي صدمته ؟ وين صدمته ؟ وليه ما وديته مستشفى ؟
سهم :
أنت وشفيك ؟ أقولك صدمت كلب
عشق :
************************* كلام مشفر بقووووووة
سهم : أنا ناقصك بعد والله اني انتفض
عشق :
يأخي والله جتني أم الركب
سهم :
طيب علمني وش اسوي الحين ؟
عشق:
تعال للإستراحة الله ***************** مشفر
سهم :
والكلب ؟
عشق :
وش رايك تجيبه معك هنا للإستراحة :)
سهم :
هاااااه
عشق :
هواااااااااه إن شاء الله
سهم :
أنت وشفيك أنا متوتر وواقف عند الكلب وانت رايق
عشق :
اسمع ,, سم بسم الله وأقرأ المعوذات لا يدخلك جني ,, وتعال بسرعة تراني طالب عشاء
سهم :
طيب الكلب ؟!!
عشق :
تتكلم جد أنت ؟ أنت فيه في راسك فتق؟ خله وتعال بسرعة
سهم :
طيب هو في نص الطريق ,, يمكن يجي أحد يقطعه زياده
عشق :
يقربلك هو ؟ وش رايك تغطيه بشماغك !!
سهم ترى والله قفلت معي منك
سهم :
واتركه زي الكلب وسط الشارع ؟
عشق :
والله أني بغيت أموت ضحك يوم قالها ههههههههههههههههههه
ههههههههههههههههههههههههه هههههههههههههههههههههه
ههههههههههههههههههههههههه هههههههههه
سهم :
وش يضحك ؟ بدل ما تجي وتساعدني ؟
عشق :
ليه اللكزس جاها شئ ( مات لين شراها )
سهم :
لا انا دعسته ما صدمته
عشق :
طيب تعال
سهم :
والله ما اقدر اسوق ,,, خلاااص
عشق :
طيب بجيك أنا الحين
سهم :
لالالالالالا انا بريح شوي واجيك ,, ويمكن أروح البيت أنام
إنتهت المحادثة _____________________
المهم سكرت التلفون
وبعد نص ساعة وصل سهم عندي
وسلمت واخذني بالحضن ,,, مهي عوايده ,, أول يدخل ولا يسلم أبد
انا مت من الضحك ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه هههههههههههههههههه
ويوم شافني أضحك زعل علي
والله كان زعله قوي وشييييييييييييين
وحاولت أكتم الضحكة
بس والله ما قدرت
ورجعت وانفجرت ضحك قدامه
المهم قلت له تعال نزل إعلان في المنتدى يالمتحدث الرسمي
قال سعد إسأل اي شيخ فيها دية ولا صدقة ولا أى شي إذا الواحد دعس كلب
طبعاً أنا كاتم الضحكة ,,
قلت لا يارجال أنا سيارتي يسمونها بسيسة من كثر ما صدمت القطاوة
اليوم اللي ما اصدم فيه قطوة أحس إن فيه شئ ناقصني
قال : بس ذي روح ,,, وانا كنت السبب
قلت : ياشيخ روووووووووح بس
قال والله لا تلومني ما حسيت باللي حسيت فيه أنا
( طبعاً أنا عرفت إن الولد منهار من جد )
قلت لازم اجرب اسلوبي النفسي معه ,,
وقلت ياحبيبي ياسهم شوف
الحين الكلب هذا كم فيه قط بينبسط إذا مات
توقعوا وش قال ؟
قال :
يمكن عنده عيال بعد :(
هههههههههههه فاصل من الضحك هههههههههه تقريباً خمس دقايق
ما قدرت اسكت هههههههههههههههههههههه
قلت حرام عليك كذا ,,, لا تهبل بعمرك ,,,
يأخي فيه مقولة في علم النفس تقول ( إرفع من قدر نفسك بالحديث إليها إيجابيا) ( وأنت ارفع من معنوياتك بالتفكير الإيجابي )
حتى لو عندها عيال ( هذولا عيال كلب هههههههههههه وضحكت خمس دقايق )
هو زعل ووقف وقال بمشي للبيت وحاولت فيه وحاولت ولا نفع معه
قلت طيب العشاء على السفرة
قال:
يأخي انت رايق ,, والله ما شوف بين عيوني إلا صورته وهو مقطع على السكه
قلت : طيب فيه ردود لازم ترد , ولازم تنزل إعلان ,, رح شغل الجهاز من بيتكم .
طنشني ولا رد هههههههههههه
وقال : أنت رايق
وطلع من عندي للسيارة ,, ولحقته أمشي معه
المهم يوم وصلنا سيارته شاف دم على الصدام ههههههههههههههههههه
ههههههههههههههههههههههههه هههههههههههههههه
بغى يغمى عليه بين يديني ,,, وقال لا وتبيني اتعشى بعد
ونادديت حارس الإستراحة ينظف سيارته ,,, وهو يناظر في السيارة بكل حنية
ههههههههههههههههههههههههه ههههههه
وراح لبيتهم ,,, وأنا اكلمه بالتلفون لين وصل لبيته
( والله ما لقاها إلا شركة الإتصالات )
****************************
إلى هنا نقول عادي
بس المصيبة إنه ما داوم في المدرسة يوم السبت ,,
ولا دخل النت يوم السبت نهائياً ,,
لين رحت له في بيته أخر الليل وراضيته وكأني رايح أعزيه في صديق ههههههههههههههههههههههههه ههههههههههه
والحمد لله رجع وصار يكتب وتحسنت نفسيته
بس الأكل إلى الحين ماله نفس عليه هههههههه
صاير عــ ** ياكل خبز بس ههههههههههههههههههههههههه هههههههههههههههههههههههه
أنا عارف إنه بيولع من موضوعي بس وش أسوي من كثر ما ضحكت قلت لازم اضحكم معي شوي00
:)