كل الجروح تهون أيام وتروح
إلا الجروح اللي تمس الكرامه
الجروح تبقى مع الوقت وتفوح
وتزيد في النفس العزيزة ندامه
أما نزيد الجرح بمضاعف جروح
ولا تهون ونعترف بالرخامه
يقولها أللي بهامة العز مشفوح
متوشح سيف النقى والشهامه
يا عزة دونها أرخص الروح
وله هامه ماهيب ولا أي هامه
لا ماتغرني هرجة العاذل اللوح
اللي تبجح بالردى والنمامه
يا عاذلي أتريث لا تبعد الشوح
بدري عليك تطول مني ملامه
بدري عليه القاع يرقالنا سفوح
الردي لا يحلم ينوش الزعامه
حنا مع الطيب حيين ومزوح
وحنا مع الخيب عذاب القيامه
لا خاطبنا الطيب نقول مسموح
ولا خاطبنا الخيب نكسر عظامه
يقولها اللي بنى له في المراقيب صروح
ويالعنبو من لا يتمم كلامه