سلااااامو عليكو كوليااااتكو..بتوع القامعه..مالهووومش سلام..
أخباركوو كويسين؟؟
الحمد لله..بتاع الزاويه هنااااك..اللي رافع رقله..انت سامعني قتك نيله؟
المهم..
اللي بيقول وش تبي ذي نطت مره ثانيه يوفر لأني عارفه..
نخش بالموضوع على طول ولانصبر لماتتقهووون؟<<هاهاها أقول ابلعي العافيه..
مره من المرارير تدرعم شعبنا المصون إلى جيان وكنا قحشة من الجماعه ماشاء الله
وصلنا إلى هونيك وبدأت الفرفره(بالأسواق قبل ندخل جيان)
الزبده معنا جدتي يالباها الله يطول بعمرها..
قالت خالاتك مطولين تعالي معي لجيان أبي شراب<<وقت شتاء كان
قلت سمعا ومعصيا ياجدتي المصون
قالت:وشاااااو؟تعدلي لاألسبك وأمحطك بشبشبي
أنا والخوف يتطاير من عيوني والحقد يطقطق بقلبي:الله يهديك أقول تامرين ياجدتي الحنوووون
ونطربق لجيان وهي تجرني كالصخلة العرجاء(منكم لله ياحقوق الإنسان..إنتو فين؟)
ونخش وتطربق وتأشر الواحد:ياوليدي وين الشراب وأنا امك تعرف أنا عجيز مدري وش السالفه..(والصخله اللي هي أنا وش فايدتها تسحبيها وراك..من جد حقوقنا مهضومه)
وصلتها الشراب وغبت عنها لثانية فقط وإذا بحسها يلعلع وطيراااان لعندها..
وش تسوين يمه..!!!!
الجده:شوفي الحمار ذا(الهندي)يقولي الشراب بتسعه وعند ابوبريالين..عيا يخفض يامال الماحي....الخ
أنا:!!!!!!!!!!!!ياويح تسبدتس ياسوسو رحتي ملح..تكاسر بجيان..
أنا بإبتسامتي الصفراء:يمه الله يهديتس منتي بعماير مكه؟
جدتي:بس مكه يخافون الله وراووه ذا يتسذب
وباليالله وشيل وحط..وتشحي وتدعي عليهم..طلعتها..
أنا تووووبه أروح مع عجز..
حطيتها بالمسجد مع عفشنا وقلت ياسلااااام براد وحركات(إياك أعني واسمعي ياجده)سويت لها إغراءات يمه أجيب عشاك وادور لك ألعاب لبنات ولدك وووو إلى ان إقتنعت..والفرررررركه
¤ ¤ ¤ ¤ ¤ ¤ ¤ ¤
مسكتني امي قالت شوي وبنطلع جمعيهم ياويلكم تتأخرون
قلت جدتي تنتظرك بالمسجد هع
رحت لاختي وبنت خالتي علمتهم وطيرااااان لجيان قبل مانمشي تذكرت فشيلتي الشنعاء..
قمت أحوس لحالي عند الكتب والروايات<<يعنني مثقفه
ورجعت بنص درزن روايات(مامعي الا)
أنا وأنا عيني على سلتهم المليانه:أهلين شبشبات..أوووخص وشذا..خذو هاذولي بعد حاسبوها معكم وأشوووت الروايات وطيران ع الشيقليطات..بعدو بعدو بقحش مثلكم..وإذا بشي يسحبني من رأس عبايتي وأنا غارقه بالحلم الشوقلاطي..
لفيت قدامي عيون بنت خالتي تقدح شررا مثل ولاعة ام نص حقت العيد اللي به زرع تحت يقال انه حركه..
ام ولاعه:خير خير خير وش عندها ام الشباب تمون؟إذا بتقشين طسي بلحالك ومن حلالك..كل اللي معناريال..
أنا وعيوني تغورق:حرااااام عليكم مامعي شي
ام ولاعه:رأفه بحالك بنأخذ روايهبسسس وطسي مناك..
وأقفو وخلوني..أكسر الخاطر..
إبتسمت بخبث:هين تشوفون مامعهم الاوقاشين الدنيا مالتزرز وام اند امز وفيروروشيه
وأوقف لهم بعييييد بشوف كيف بيحاسبون..
أشكالهم تموووووت ضحك..
تخيلو قالهم الحساب ولفو على بعض يتهامسون ووحده فاتحه يدها كنها تجمع مطر والثانيه تحط الفلوس تفتح بوك تطلع عشره وتحطها وتفتح السحاب تدور وتحطها وتفتش عن ريال بالمخباة وذي بيدها تجمع وحطوها على طاولة المحاسب
ناديت اختي الصغيره وعطيتهاحقتي توديها لهم كفزعه عن روايتي
المحاسب فاقع ضحك
أختي:خذ اللي تبي ورجع الباقي..<تمووون
وياخذ حسابه ويرجع لهم ريال
هههاااي
وأمسكها عليهم ضحك..وإذا بامي تتصل بي..
الام:وينكم لنا ساعه راكبين
أنا:اااا هذا.....ايه ايه حنا عندكم وينكم ندوركم مالقيناكم <آبوووك يالشلخ
الام:.........(هي تسب بس حفاظا على مشاعري لاتسألون خخخخ)
حنا على طول عند بوابه
أنا بقلبي لااااااع وش بيودينا هناك بسرعه؟
ومابنقول حنا عند جيان بوابه عشان ماننذبح الساعهونص الليل وممنوع نروح هونيك هالوقت
أنا:دقااايق ونكون عندكم..
وألف على ال اللي معي..
السوق فاضي ومظلم ومافيه ابن ابوه..الفكره اللي نطحت جبهتي وصلتكم؟
قالو اي بالله مالنا الا هي بين بوابه وبوابه حياة أوموت<<وش دخلها؟
تلفتنا..وشووت الشحاطات قدام وآخذها بيدي وأرفع العبايه وجلعدووووو
وامي تدق وتطنييييش ونحن في سباق للهجن حفاظا على أرواحنا المعذبه البريئه
وبعد برهة من الركض إذا بوه واحد يضحك ورانا..(حق الأمن شافنا اهئ اهئ)
يالهووووووي من وين طلع!!
رحتي بلوتوث!!ياويل حاااالي
موقف لانحسد عليه!!
وفي الأخير وصلنا للسياره واخذنا هوشه محترمه كل واحد عيا يركبنا سيارته وامي تقول من اللي لاحقكم!!!!!!!!<هالدرزن فوق دميجة امي يوم شافتنا نلهث
وتقول وينكم؟
أنا فاتحه الخشه:هذانا
امي وينكم لنا ساعه نحتريكم
أنا:بسم الله عليك ياماماتي والله
كان آخر علمي بالسياره طبعت فاين بخشتي
وصحصحت على ترانيم جدتي:ايه لاقينا يلعبون علينا..حتى ابو يتسذب نص عفشوه غالي وهو مكتوب كل شي بريالين
توته توته خلصت الحدوته
مايستفاد..
/لاتكتب سالوفه طويله وانت منت رايق لأنها ستفتقد للهبال والبثاره<<ماأقصد نفسي أبد
/لاتأخذ عجز لأنهم يفجرون الراس(دخلنا محل ذاك حق الأطفال مدري شسموه ديكوره أزرق وأبيض قالت شفتي انهم يلعبون على الناس..عشان الهلالين يشترون منه)هههه يالبى تفكيرها
/خذ معك بطاقه لجيان ولاتأخذ خمسين ارسل تحياتي لك أثير ههههه
/لاتطلع الا كاتب سالوفه عن هيك مواقف بالسوق
وشوووقرن
رد مع اقتباس
