ماهو عيب ان الواحد يتقن شغله ماهي شغلته
بس هو حب هالشغله ومارسها واتقنها
ومن فتره لفتره يحب يمارس هالشغله بدل صاحبها الاصلي
او صاحبتها اقصد
وبعضنا الله يهدي صار يحسبها عيب ويستحي أنه يعرف يسوي
شي من هالشغله الي خاصه بحواء
انا اتكلم عن الطبخ وأتكلم في هالموضوع بصفتي شاطر في
الطبخ واقولها ما استحي وليش اصلن استحي بالعكس أنا
استطيع أن اطبخ أي شي من البيض المقلي الى الكبسه الى
السلطات والحلويات ... والله مو عيب
احيان ينفتح هالموظوع فالمكتب ونسأل شباب تعرف تطبخ قال
أنا اطبخ والله ما بقى الا هي .. قال اطبخ قال ..
وغيره يقول لا والله ما اعرف اسوي فنجان شاي
وغيره يكتفي بالسكوت والانبهار والاستماع والخجل
حقيقة فيه شباب مدلع معليش على هالكلمة
بس هل نتوقع أن الطبخ حكر على المرأه بس وأن هذا
دورها هي وبس وأن الدخول في هالمجال يعتبر نقيصه هذا
طبعاً من الفكر المغلوط الى اغلب الشباب والرجال يعيشه
ولا يتوقع أن المطاعم والكافيتريات راح تدوم وأنو ما
راح يصادف يوم وينجبر انو يطبخ وبعدين ينحاس في فنجان
شاي والا ساندوش جبنه مو عارف يسويها
حقيقه انا بانسبة لي اجد متعه غير طبيعيه يوم اكون في
المطبخ وبين الصواني والقدور ورائحت الطبخ
واكيد فيه من يخالفني
وفيه من يأيدني
فهل فكرة ان الشاب يطبخ مقبوله لدى الشباب وايضاً
هل الاخوات يسمحن لنا بأقتحام هالمجال معاهن والا..؟
انتظر مشاركاتكم ..