ابيات متواضعه وابسيطه اوجهها اللى صديقي
واخوي الغالي صادق الاحساس
الشاعر /عمر العتيبي الذي مازالا متواصل معي رغم بعده وعدم تواصله مع منتديات غرابيل وهي اقل من حقه
وعساه يعذرني وانتم اعذروني واتمنى ان تلقي اليسير من رضاكم
والجمس شريته لعيون صادق
من الدمام وخبط ماوصل بقيق من رجلي
ههههههههههههههه
الله الله
[poem=font="Arial,6,blue,bold,normal" bkcolor="transparent" bkimage="" border="inset,8,limegreen" type=2 line=0 align=center use=ex num="0,black"]
ياراكب اللي لاكفخ يسبق النور =من سرعته نوره بضيع من امامه
اربع مية وربع وخمسين محذور =اسمه ثلاث حروف وسط العلامه
G M C اليا عكمته غدا يدوور=من قو عزمه مايجي بالعكامه
فالقاع تبقى اثاره ايام وشهور =وصوته يدلك فوق قو الشكامه
كن القنابل من شكامينه اتثور = يسمع هديره ساكنين المنامه
دعست له زهقان طفشان مقهور =وعصبت راسي في هذيك العمامه
ومن دعستي هذيك هديت لي سور =في حارة(ن) قشراء بحي العدامه
وتصدعة من دعستي عدة اجدور = وانا احسب اني في طعوس الثمامه
ورغم اني الغلطان معذور معذور=معذور والله ماعليه ملامه
ياموتري ربي يعينك على الجور =وانا على سرعتك اشيل الغرامه
وصلني اللي منه انا حيل مسرور =الصاحب اللي مابخل في سلامه
قبلي تغنا فيك بندر بن سرور =وياماتغزل في هواك وغرامه
ماجور يابندر من الذنب ماجور =عساك في جناة خلد وسلامه
ياشاعراً بالطيب والخير مشهور = من ساحل المشرق ليقصى تهامه
تنشر عليك البيض لو كنت مقبور = يابن الرجال اللي كفو لزعامه
عتيبه الهيلا سنا كل ديجور=زبن الدخيل اللي تراخا حزامه
تبقى الحرار اتعقب احرار وصقور =وتبقى الكرام اكرام واهل شهامه
واشهد شهادة حق مشهد على زور =لني صريح ومشيتي بستقامه
ولاني على بعض المسايل بمجبور = الا لمدح اللي رفيع(ن) مقامه
شرواء عمر ولا على احداً هنا قصور = فرض علي محبته واحترامه
الصاحب اللي صحبته جالها دور = أنشهد ان الصدق دايم نظامه
الحر ماتشبه حلاياه عصفور = والضفر ماتدخل عروقه رخامه
ياصادق الاحساس مشكور مشكور = مني من البارح ليوم القيامه
عهداً على رقبتي بخوتك مابور =خوتك عند اخوك أهم اهتمامه
راع الوفاء والطيب بالخير مذكور =وبهامته عالي على كل هامه
بيت الكرم يبقي رفيع(ن) ومعمور = ومدح الكرام ايزيدني بالكرامه
سلم على حبيب وملفي ومستور =اللي رقو بالشعر لاعلى وسامه
كم شاعراً من شعرهم ذاق خابور =لاعاش من يرفع عليهم حسامه
وياموتري ربي يعينك على الجور =وانا على سرعتك اشيل الغرامه
وصلني اللي منه انا حيل مسرور =الصاحب اللي مابخل في سلامه [/poem]
وسلامتكم
رد مع اقتباس
المشاركة الأصلية كتبت بواسطة محمد الجبريني
