][ رفع الإيقاف عن كيتا وحسن خليفة ][

[خــــالـــــد]

[align=center]
السلام عليكم
ـــــــــــــــــــــــــ ــــــ
أصدر قرار الأمير سلطان برفع الايقاف عن المحترف الغيني كيتا لقضاء نصف المدة

وسوف يشارك أمام الاتفاق في إياب دوري الأبطال

والتي ستقام في جدة يوم الأحد القادم

وكذلك الكابتن حسن خليفة تم رفع الإيقاف عنه


آخر المهازل
ـــــــــــــــــــــــــ ــــــ
أخوكـ/خالد
[/align]

[مغترب في عذاب]

كيتا .. حسن خليفه

وقبلهم حسين عبدالغني

وقبلهم خالد عزيز

وقبلهم فريق الجبلين باكمله

وقبلهم وقبلهم وقبلهم

والله مصخره .. كيف بيرتدع اللاعبين اجل

وش فايدة العقوبة اذا كان البعض بياخذها استراحه ؟!!!


فعلا مهزلة جديدة

[هلالي كايدكم]

خالد

مهزلة وأكبر مهزلة

لو كان الإيقاف عن لاعب هلالي كان قوموا الدنيا ولا جلسوها

وسهروا أمس كله علشان الهلال ..

وعاشانه اتحادي عادي يالله تشوف الخبر أو تسمع عنه


الغريب في الأمر أن المطبلين للاندية الاخرى لم نراهم
يتهمون الاتحاد الهلالي اقصد السعودي كما يقولون

بمحاباة فريق على حساب الاخر

شكرا عـ النقل

.
.
.
هلالي كايدكم

[أبوعبدالرحمن]

يبون الاتحاد يحقق بطولة باي شكل


مساكين مايدرون انها ثلاثية هلالية




*ثلاثية = ثلاث بطولات ومهو ثلاث اهداف من الحزم

[نياف العتيبي]

الحزم لعب يابوعبدالرحمن


ياليت قلت ثلاثيته في من ؟


خلهم يرفعون الايقاف الاتحاد يالربع نادي سعودي


ومن حقه يبحث عن صالحه وتعرفون جماهيريته خارج الوطن


كبيره ويواجه الاتحاد السعودي ضغوط كبيره منهم


وهذا يسمى في العرف الكروي تبادل منافع ههههههههه

حتى اذا لعبنا في جنوب افريقيا

جاليتنا هناك تشجع المنتخب

فهمتوا المقصد من رفع الايقاف

[مبـــارك]

والله اني كنت متوقع


لكن الله يعين على الاتحاد السعودي


خالد


الله يعطيك العافية


تحيـاتي لك

[عاشق العميد]

اخوي خالد
شكرا على هذي المعلومه الطيبة
ومافيه شي غريب من الاتحاد السعودي فهوى دايم سباق بـ العمال الخيريه مثل ماقدم للهلال مع لاعبهم المحترف الذي كان موقف (6)مباريات وخلاها الاتحادالسعودي مباريتين(2)ولعب ضد الاتحادوكماقدم للهلال يقدم للفرق الثانية
بلاش من كلمة (مهازل)
خليها الله يعطيهم العافية
عاشق العميد

[الكايد أحلى]

عُمتم مساء أيها ( الربع ) .!

من وجهة نظري
الإتحاد السعودي دائما ماينظر لمصلحة الهلال
حتى في قضية الحسن كيتا ..
فالحسن كيتا يعتبر الان نقطة ضعف واضحه في صفوف
الإتي وعندما رأو أن مستوى البديل أفضل
صدر قرار العفو حتى يهزم الإتحاد أمام الإتفاق

والدليل على صحة وجهة نظري
أنظروا كيف هزم الكيتا فريق الإتحاد ( إمبارح )
.
.
.

للمرة المليون يثبت الإتحاد السعودي أنه يعمل لمصلحة الفريق الأزرق ..

[دفء البوح]

لاعب يتوقف مباراتين ويصدر بحقه إعفاء

بحق مهزله

ولاعب يضرب لاعبا امام الملأ

ويصدر عنه اعفاء

بحق أم المهازل


بهذه المهازل لن يكون هناك اي اعتبار لأي مهزلة تحدث



,


شكرا خالد

[乂 ســلـمـان 乂]

[align=center]خــالــد


فعلا مهزله جديده وسقطه من سقطات الرئاسه
الا ان هناك بعض السُذج لايرى الواقع بعين محايده

عموما بالنسبه لي كنت متوقع ذلك

شكرا لك خيو[/align]

[اللـــــيث]

خالد

لا تعليق ... والف علامة استفهام على الاتحاد السعودي

[إحساس الشرقية]

والله من جد أزعجتونا أنتم

مهزلة ومهزلة
يعني كل تأجيل المباريات اللي عندكم ماهي مهزلة
كل الإيقافات اللي تصير لنادي الهلال ورجوع لاعبيه ماهي مهزلة
كل المباريات اللي سلبتموها من الأندية الثانية ماهي مهزلة
كل الحكام ومحاباتهم لكم ماهي مهزلة

والله ماعرفنا لكم وش تبون

[خــــالـــــد]

[align=center]
مغترب في عذاب
ـــــــــــــــــــــــــ ــــــ
يعطيك العافية

صار المخالف كأنه ماخذ إجازة وضامن العودة


شكراً لك على الحضور
ـــــــــــــــــــــــــ ــــــ
أخوكـ/خالد
[/align]

[خــــالـــــد]

[align=center]
هلالي كايدكم
ـــــــــــــــــــــــــ ــــــ
تسلم يالغالي

والله يعطيك العافية على المرور

الكثير صار عنده حساسية من الهلال

ولكن .. سنرى في الأيام القادمة الأدلة
ـــــــــــــــــــــــــ ــــــ
أخوكـ/خالد
[/align]

[خــــالـــــد]

[align=center]
أبو عبدالرحمن
ـــــــــــــــــــــــــ ــــــ
والله هذا الواضح ياخي !!

ممكن لأنه موقف من مباراة قدام الهلال

طيب موقف طبيب النادي حق الهلال

ليش ما خففوا عنه الغرامة ؟؟ ههههههه
ـــــــــــــــــــــــــ ــــــ
أخوكـ/خالد
[/align]