مساء الخير ابيات قلتها عند ما قريت قصيده الشاعر نشمي مقعد العتيبي واسمه وضعته عنوان للقصيده تشريف لقصيدتي
لانه بدون مجاملات شاعر يشرف الجميع بدون قصور في احد ولاكتبت الأبيات هذي وعنونته في اولها الا لحبي الصادق له من القلب ولا اريد منه ان يرد على طبعاً عاذره وشاكره ولااحد يفكر انه ان لم يرد انني ابشره عليه هذي يشيلها من عقله كل من تخطر بباله
وان رغب الشاعر نشمي ان يرد من كيفه فهو شاعر اكبر مني واشعر مني وحرررر على كيفه
وادمتم
جميع
بخيرر
وعاقيه
[poem=font="Arial,6,blue,bold,normal" bkcolor="transparent" bkimage="backgrounds/39.gif" border="outset,8,green" type=2 line=0 align=center use=ex num="0,black"]
يانشمي انشهد انك شاعر أمثالي =جزالتك واضحه يالشعر بصمتها
ذكرتني ياالعتيبي ماضي احوالي=يوم البداوه على قولك بنكهتها
واطربتني بالقصيده وانشرح بالي=يامروع ايامنا ذيك وبداوتها
ياما تجرعت فيها المر والحالي =والله وربي ولاحلى من مرارتها
ياليت ذيك الليال اتعود تصفالي=واعيش غربالها الطاهر وادوشتها
قمة اكتب ابيات من صنع التخيالي =كني من الصخر ذا الأبيات ناحتها
والهم والغم قدامي ويبرالي= والظاهر ابيات شعري مثل قلتها
يوم ان طبع النفوس الليوم متعالي=طبع الوجيه الضعيفه من ضعافتها
الكبر مايزود الرجال مثقالي =يجي ضعوف النفوس ووزود يمقتها
يارب ترفع مقامي لي ومنزالي=وانزلني اب منزله قد المكانتها
يوم البطل مايخاوي غير الابطالي=الطايله لي وان اارقى راس قمتها
وانت الكريم العظيم الواحد العالي=وطاعتك هي ثمرة الدنيا وحلاوتها
مابه ولاشي سواء طاعتك يحلالي = طاعتك هي اطعم الاشياء وزبدتها
اكب سوم الرخيصه واشري الغالي =واخيل برق ورعوده في مخيلتها
عارف خراجي ومخراجي ومدخالي =واعرف مكه ووجهتها وقبلتها
وسمي مبين وتلقونه اعلى جمالي=وسليم مافيه احد يجهل هويتها
في سابق الوقت ولا وقتنا الحالي=سليم مافيه احد يجهل بحضرتها
ياليتني في صحاري ربع انا الخالي=واسرح ابلي وعرف الوين وجهتها
مبين صيعر ومنصوري وامنهالي=والمره واللي تنومس صدق جيرتها
احط لكبر قضات الحق معدالى=أن كان مالمره اهل اللبل ودولتها
قدقالها ابن فطيس وبيرقه عالي =اللي مافازة تعود بظهر دنتها
وانا عن الطايله ماتقصر احبالي=ماني محمد كان ايديني ماطالتها
والي ماهو معجبه قولي او افعالي =على شحم يترك الهرجه وسيرتها
بعض السوالف ترى ماهي بتعنالي=ولاتعامل مع اهلها وعملتها
الشجره الطيبه تطلع ثمر غالي=والثمره الطيبه من طيب بذرتها
مايشرف أل راسي الا نصبت اعقالي=واهل الشهامه تبين من شهامتها
واهل المكارم تراهم حسبت اعيالي=هم راس مالي ومكسبنا بشوفتها
والجود مايجهله فالرجل عقالي =ايبين معدن لصيل ان جات حزتها
والياوقف يحمي الاول مع التالي=واليانخوه النشامى فك نشبتها
واليوم كم حمل عن ظهر الجمل مالي=ياصعب بعض الحمول وشين ميلتها
من ثقلها مايقوم أبها ظهر بالي=وان قام من ثقلها والله ليفلتها
وانا الضعيفه ماهي حضى ولا فالي=دايم حضوضي على العليا منصتها
واختامها يالله تحقق لي أمالي=وارزقني الجنه الخضراء واشوفتها [/poem]
وسلامتكم
رد مع اقتباس
المشاركة الأصلية كتبت بواسطة احمد مناحي الشمري
