السلام عليكم ورحمة الله وبركاته
غاضبه من القلب
اقبلوها كما هي وللجميع أصدق العزاء في الشعر والنزاهه
[poem=font="Simplified Arabic,6,white,normal,normal" bkcolor="black" bkimage="" border="ridge,5,gray" type=2 line=0 align=center use=ex num="0,black"]
ماهيب محتاجه زيادة نباهه=هي واضحه من أوّل الجال للجال
الله من زود الطمع والشراهه=ياشاعر المليون كم فيك محتال
لعبت باسم الشعر دور الوجاهه=وجتك الجموع مصدّقه وانت دجّال
دخّلت شعّار الجزيره متاهه=وجابوا لك المطلوب عذبات وجزال
ومن فوقها الجمهور شدّ انتباهه=وريال يتبع بالمسج ساقة ريال
توسّموا فيك الصدق والنزاهه=وأثره مثل من يرتجي أشهب اللال
كيف السراب يبلّ يبسة شفاهه=ماتت ضما في كذبك حلوم وآمال
عشنا فصول المهزله والتفاهه=ونقول باكر تعتدل بعض الأحوال
والتاليه بانت وجيه الفراهه=لاعلمكم طيّب ولافالكم فال
واقولها من داخل القلب آهه=لا واحسافه بيعة الشعر بالمال
واللي يشارك بعد هذي السفاهه=في ذمّتي ماهوب شاعر ورجّال
وماهيب محتاجه زيادة نباهه=بيموت من يطرد ورا كاذب اللال[/poem]
تحيتي للكل