اليكم مع التحيه
[poem=font="Simplified Arabic,5,black,normal,normal" bkcolor="transparent" bkimage="" border="none,5,gray" type=2 line=0 align=center use=ex num="0,black"]
طرق الهلالي يوم قفت مخايله = عن البياد اللي تدور مسايله
بياد فيها الشعر شاهت ملامحه = من الضما والضيم يافلان هايله
كمٍ معسعس في حراوي مواقعه = وحاول وقفا عنه سبة عمايله
لكن عندي سالت سيول مزنته = بين المحاديب الحنايا دلايله
ربع حشاي بزاهي الشعر وإزدهى = وصارت وصوفه مثل شيخ وجمايله
شيخٍ كريم وطيب صيت ومكارمه = يضرب بها الامثال حسنا خصايله
رغم اللي قلته عضني ناب دنيتي = والقلب هم الوقت والدهر طايله
ياوجد روحي وجد من عاش غربته = في دار كفرٍ بايناتٍ رذايله
سكانه اللي بالرطانه هروجهم = وجمر الحسد والحقد تشعل شعايله
صلو عليه الظلم والخبث والقهر = وهو يطلب الارزاق يشعب رحايله
حده زمان الجور يبحث للقمته = في وقت فقرٍ ناقصاتٍ مكايله
يذكر بلاده وإجتماع بحبايبه = ذكرى الحبايب والاهالي تشايله
يفرد جناح الفكر ماذاق هجعته = وبين الهواجس دمعة العين سايله
وش حيلته لاصار حظه ورى الشقا = وكف الغنا يمه مع الوقت مايله
محدٍ يبيه ولا يثمن بضاعته = وعدواة الكفار بالوقت صايله
والوجد مثل الصرح تثبت مكانته = صعب يتغير بالحشا دوم شايله
وين الرخا وين الغنا وين راحته = هذي أماله بالزمان وثقايله
أما أنا البراق وجدي تكبره = حراب المقادر والزمان ومحايله
والعزم عود الطيب والجمر ضيمها = دنيا الزوابع للمخاليق كايله
وفي وسط نفسي بان رادع خصومها = زاد الصبر والعزم ولع فتايله
رغم الهموم اللي علت فوق بسمتي = وجروح تنزف ماهي بالوقت زايله
ألا اني امشي والخطاوي على النقا = ماني من اللي ضاع في عز قايله
الله معي ثم هيلة المجد لابتي = اللي لراس المجد والعز نايله
عتيبه الهيلا تسطر حروفها = بحبر الذهب يوم إن الاجوار قايله
ذباحة الحايل هل الجود والكرم = للضيف مثل المزن حزت همايله
ولطامة العايل بسيفٍ بسطوته = يقص روسٍ بالمداهير عايله
المجد يفخر يوم لامس كفوفها = بعد الوغا اللي محنياتٍ صقايله
وبدون قاصر بالقبايل نقولها = الوقت يفخر في فعايل قبايله
[/poem]
((( عبدالرحمن البراق )))