تشرفت بإلقائها في أمسيتي بمخيم أمير وأهالي منطقة حائل بمهرجان رالي حائل 2008
[align=right]لكم[/align]
[poem=font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الكلام ان طال شرحه ماأحس انه يفيد = والبشر اجناس .. منهم شخص لازم تحذره
والعذر لو قلت بأحذر لكن الشي الأكيد = اني ماأحقر كبير ومْا أتهاون بأصـغـــره
والنعم أصل المحاسن عِدّهاا ثوب(ن) جديد = يِظهرك احلى ولو ادمت عيوبك يستره
لاتجي الا لكريم ولا تطيح الا لعضيد = واحذر احذر من تكلم في غيابك وأنكره
والحليم ان كان حالم لاتظن انه يكيد = قلبه ابيض من بياض ودمه أحمر بأحمره
واحذر احذر يارفيقي والحذر لك يالضديد =بعض من جالك ترا يهوى كلام المصخره
الفاتن اللي تستذير وتستبيد بكل حيد = وين مالديت طاحت فيك عيني بأبصره
ياصاحب المبسم هنا قلبي معك ماهو بعيد = ماأظن اني فيك تايه لكن القلب قهره
يالغلا يأم الحلا بأرددك صوت ونشيد = يالملا قلبي سلى فيها وهي ماتسحره
في خيال الشاعر اللي يهتويبك أستعيد = حلم في عهد الطفولة والملا تستنطره
جيت باب(ن) في منامي له سلاسل من حديد = والعرب مترامية وحتى السما مستمطره
الفرزدق شامخ(ن) يتلي حكايه في قصيد = وكنت انا واقف وأهتف ( ياجمال المقدره )
كيف يلهمني وانا منه اكيد ومستكيد = كيف يجعل من حروف القاف روح مبلوّره
السيادة بالسياده والحرس مع هالعبيد = والقصص فيها شعر واغلب قصصنا مُبهره
كنت اظن اني هنا واشوف غيري لي يعيد= إنت انا او انت انا او انت روح بمحبره
وش انا الا بشر اتعب وأحزن واستبيد = والعزيز اليا كرمني غصب عني بأشكره
التساؤل ماأحبه بس احس انه وديد = والأمر يصبح مضارع والحروف مكْسره
في خضم هذا الكلام اللي اظنه لي فريد = فاقت عيوني وعرفت ان المجامل مقبره
لاتجامل شخص يطلب منك رايك يالسنيد = اعطه التفصيل من وجهة نظرك مسطّره
لاترافق لك جبان ولا تعاند لك عنيد = ولاتشاكل مع سنيدك لأجل ترضي لك مره
وإسال التوفيق من ربك مسيّر هالعبيد = اسأله يارب عفوك والعذر والمغفــــره
قبل مأانهيها أمانه ودي اعيدك واعيد= لاتحدى شخص ماعنده ابد شي يخسره[/poem]
[align=left]كونوا بخير ,,[/align]
رد مع اقتباس
المشاركة الأصلية كتبت بواسطة فهد المهوس
