][ هوشة وأخرتها 5 هللات..!! ][

[][ عبدالعزيز ][]

5 هللات تقود لاشتباك بالأيدي


فهد المريخي (حفر الباطن)
خمس هللات اشعلت مشادة كلامية بين مواطنين بأحد اشهر المراكز التجارية في محافظة حفر الباطن الى تشابك بالايدي. وكان احد المواطنين قد اصر على استرجاع مبلغ الخمس هللات بعد شرائه سلعة بمبلغ «17.95» ريالا ...!!!
وتطور الامر الى تشابك وضرب حين لم يفلح الكلام. وذكر الناطق الاعلامي لشرطة المنطقة الشرقية العقيد يوسف القحطاني ان الدوريات الامنية احضرت الطرفين الى مقر شرطة المحافظة واصلحت بينهما بعد ان تنازلا عن بعضهما.




المصدر هنا

[سعود]

يؤ


مسكت غلط على هالخمس هللات


طيب الظاهر فئة 5 هللات انقرضت من المحلاات التجاريه


صاحب المتجر كان عطاه علك وقال روح الله يستر عليك



والله هالمواطن شكله راااايق المواد كل يوم تزيد بالعشرات وهو يطالب بـ 5 هللات



تسلم عزوز على هيك خبريه في غايه الغرابه



تحية عطرة

[][ عبدالعزيز ][]

والله هالمواطن شكله راااايق المواد كل يوم تزيد بالعشرات وهو يطالب بـ 5 هللات

مستحقر الخمس هللات ياسعود ..؟




تدري أن الراجحي جمع ثروته من الهلل



>> بيصير مثله أن شاء الله



شف سعود صراحه لو أنا صاحب المحل كان عطيته السلعه بلاش بس أهم شي يفارقني




الف شكر على هيك مرور سريع خطافي

[اللـــــيث]

اخوي عبدالعزيز

لو بغيت الجد يستاهل ما جاه بعض المحلات .. يحطون لك اسعااار واذا بغيت الحق

ما تلاقية ... يمكن المبلغ بسيط بالنسبة للجميع

بس والله ..لو تشتري من محلات وتجمع فيها هذي الهللات ... بيصيرون ريال

وريال فوق ريال ... على الاقل اجمعها واتبرع فيها .. للفقراء والمساكين ولا اخلي

المحلات تستفيد منها

شاكر لك نقل الموضوع

[ريف العين]

خبر غريب

بس يستاهل اللي صار له

لان اصحاب السوبر ماركت هي اللي تستفيد من الهللات واحنا اللي ناكلها

يعطيك العافيه اخوي على نقل الخبر

تقبل اعذب تحيه

[ناصر الراشد]

عبدالعزيز

هلا فيك ويا هلا في الخبر اللي جايبه لنا



عبدالعزيز والله اهل حفر الباطن ناس لهم قصص ما تدخل المخ تدرين انهم داخلين على الشرطه ومتهاوشين معااهم لا وبعد لهم قصص كثيره
واذكر لهم موقف مع صرافاات الراجحي تدري انهم قاموا على اكثر الصرافات اللي عندهم وكسروووها

ياخي والله لو اتكلم من هنا الين بكره بس خلها على الله

[أول خطوة]

اشوف سالفة الخمس هللات صايرة موضة !!!!


فيه خبر عن قضية بين مواطن و احد العاملين في مجمع تجاري حينما طالبه بارجاع

الباقي فعرض عليه ان يقوم باعطاءه ريال بس يروح

لكنه رفض

و ذهب للشرطة و تم القبض على العامل و احالته الى المحكمة للنظر في القضية

و هذا الخبر منشور في جريدة الرياض الاسبوع الماضي

ما ادري هل هو نفس المواطن او هذا ثاني ؟؟؟



يا كثر ما اخذو منا و لا سالنا


لكن هذا حق مشروع له و من حقه ياخذه

يعني لو المحل له شي عندك لو هللة ما راح يسمح لك تطلع بدون ما تدفع

اذا ليه العكس غير مقبول


او لان هذا مواطن و هذاك تاجر !!!!!!!!!!!!!!


تحية للخمس هللات و يسلمو على الموضوع


أول خطوة

[][ عبدالعزيز ][]

اخوي عبدالعزيز

لو بغيت الجد يستاهل ما جاه بعض المحلات .. يحطون لك اسعااار واذا بغيت الحق

ما تلاقية ... يمكن المبلغ بسيط بالنسبة للجميع

بس والله ..لو تشتري من محلات وتجمع فيها هذي الهللات ... بيصيرون ريال

وريال فوق ريال ... على الاقل اجمعها واتبرع فيها .. للفقراء والمساكين ولا اخلي

المحلات تستفيد منها

شاكر لك نقل الموضوع

الله يعطيك العافيه يالليث



صدقت أخوي الليث بكلامك , ريال على ريال يكّون ثروه وكان بالاجدر على هذا الريال التبرع فيه لمن يستحقه.



لكن الا توافقني الرأي أنه ماكان للمواطن أن يصل به الامر الى التشابك بالايدي لمجرد خمس هللات ..؟

[][ عبدالعزيز ][]

خبر غريب

بس يستاهل اللي صار له

لان اصحاب السوبر ماركت هي اللي تستفيد من الهللات واحنا اللي ناكلها

يعطيك العافيه اخوي على نقل الخبر

تقبل اعذب تحيه

الله يعطيك العافيه أنتي على المرور



نفس السؤال أختي ريف الذي طرحته على أخوي الليث سوف أطرحه عليك << عسى مايتعور بس :نأ:



الا ترين أن المواطن بالغ في مطالبته في حقه المشروع له ..؟

[][ عبدالعزيز ][]

عبدالعزيز

هلا فيك ويا هلا في الخبر اللي جايبه لنا



عبدالعزيز والله اهل حفر الباطن ناس لهم قصص ما تدخل المخ تدرين انهم داخلين على الشرطه ومتهاوشين معااهم لا وبعد لهم قصص كثيره
واذكر لهم موقف مع صرافاات الراجحي تدري انهم قاموا على اكثر الصرافات اللي عندهم وكسروووها

ياخي والله لو اتكلم من هنا الين بكره بس خلها على الله

ناصر خل الخبر على جنب



ياخي أنت وش سالفتك معي بالضبط .. مره تقولي يالغاليه والحين تقول تدرين



ورب البيت أني رجال



>> شككته بعمره



ومن على هذا المنبر



أطالب الاداره بأخذ حقي منك قصاصاً وأمام الجميع



ولا ترا الدعوه بيصير فيها تشابك بالأيدي



>> يمزح لحد يصدق

[][ عبدالعزيز ][]

لكن هذا حق مشروع له و من حقه ياخذه

يعني لو المحل له شي عندك لو هللة ما راح يسمح لك تطلع بدون ما تدفع

اذا ليه العكس غير مقبول

أنا معك قلبآ وقالبآ في جميع ماخطته يمناك




لكن أختي الكريمه




هل من المفروض أن يصل الأمر الى التشابك بالايدي والخناق .؟ لماذا لم يذهب الى الشرطه .؟




الشرطه في خدمه الشعب :مزون:




الف شكر لك أختي أول خطوه على هيك مرور رائع

[ناصر الراشد]

عبدالعزيز


والله متفشل منك


مدري وش اقووووووووووووووووول


لكن العذر والسموحه اخطاء مطبعيه


تخبر اكثر مايرد على مواضيعي البنات الله لا يحرم؟!!!

[ريف العين]

عبدالعزيز

نفس السؤال أختي ريف الذي طرحته على أخوي الليث سوف أطرحه عليك << عسى مايتعور بس

شوي شوي عليه ههههههههه

الا ترين أن المواطن بالغ في مطالبته في حقه المشروع له ..؟

بالنسبه لي مابالغ هذا حقه ولازم يرجع له يمكن فيه بعض المبالغه انها وصلت للضرب بس السعر محدد يعني اذا فيه باقي يرجع له

والحق حق ..

وعلى قوله اخوي الليث اذا جمعنا الهللات تصير ريال .. وريال فوق ريال نتصدق فيها ولا يجي يوم نكون محتاجين لها فعلا

[][ عبدالعزيز ][]

نويصر



أنت تعرف أني أداعبك



فلماذا هذه العبارات الحيويه التي تدل على طيب معدنك << خربها في الاخير



معذور وأتقبل منك أي شي كما يتقبل الاخ الصغير غلط أخوه الكبير



>> هههههههههه

[][ عبدالعزيز ][]

بالنسبه لي مابالغ هذا حقه ولازم يرجع له يمكن فيه بعض المبالغه انها وصلت للضرب بس السعر محدد يعني اذا فيه باقي يرجع له

والحق حق ..

بالغ ولا مابالغ .؟



ارسي على بحر ياأخت ريف



طيب الا ترين أنه كان بالأمكان أفضل مما كان ..؟



بمعنى آخر أليس من المفترض أخذ حقه بطرق سلميه بدون أن يصل الامر الى الطق والمطاقق ..؟




>> تحسين أنه مصخها صح .؟ خخخخخ