السلام عليكم
صباح الخير
هذي مقدمة
لما
يليها
صباح الحب يالأحباب =بحبي جيت اصبحكم
واحب احيي الطلاب = جميع الله ينجحكم
اللهم
امين
الله ينجح الطلاب
والطالبات كلهم
وهذي كم بيت كانت في بداية
الامر مشروع توقيع موقت وتطورت الفكره
الى ما هي عليه الان ولامانع من تطويرها اكثر
حيث يوجد الأمكانيات وتمام الاستعداد
واتمنى ان تلقي شي من رضاكم واستحسانكم
ولكم التحيه والتقدير
[poem=font="Arial,6,blue,bold,italic" bkcolor="transparent" bkimage="" border="groove,8,limegreen" type=2 line=0 align=center use=ex num="0,black"]
تكفون ياصحاب السمو والسماحه =فكوني من اهل النفوس الشحيحه
حضي مع أحبابي كسير(ن) جناحه =ومع غيرهم ياقو والله جميحه
شوفت حبيبي عندي اكبر فراحه =ولاطيع فالغالي ولاسمع نصيحه
مطواع لمره دايم(ن) واقتراحه=والياتذكرته تفيض القريحه
امشي مع حبيبتي بالصراحه =وحبيبتي ماهي معايه صريحه
والقلب منها حيل يشكي جراحه =كل المشاعر من جفاها جريحه
والصبرفيني مابقاله مساحه=والزين مني يالله انك تبيحه
الزين صبري كالبوه استباحه =وان كان مت انشهد اني ذبيحه
والحض دايم منسدح في مطاحه =ازرى يقوم ابداركم من مطيحه
ان راح جعل الحض والله مراحه=من دون حض احي عساي أستريحه
ودام الهوى دايم شديده رياحه = لحد(ن)يلوم العاشق اللي يصيحه
ياجاهلين الحب مافيه راحه= ياشين سهمه يقطع الله ريحه
يلي تحسبون المحبه سياحه =الدلو من دون الرشى من يميحه
البدو ماهي ضاريه بالفلاحه =والحضر ماضريو بدك الصفيحه
والاش ضاري بالردي والقماحه =دايم وجيه اهل الردي اصل(ن) قبيحه
وانا الوفاء والطيب لابس وشاحه =وابيات شعري واضحه وفصيحه
[/poem]
وسلامتكم