السلام عليكم ورحمة الله وبركاته
اول مصافحه لي بهذا المنتدى الرائع واتمنى ان تحوز على اعجابكم
((القلب المتيم))
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا راكب اللي مثل كوكب زحل زينه = بمواصفاته بصم للذوق ببهامه
عليه سرعة فرس ومن المها عينه = وهيبة سلاطين نجد وثقل علامه
وفي صبر سفن الصحاري في ميادينه = كل البها في زمانه حطم أرقامه
جيبٍ تصاميم شكله مع تلاوينه = كنه من الزين يفرش ورد قدامه
علامة الصح بالتمثال تبيينه = صح الطراز المميزعالي الهامه
هذاك لكزز رجح كفة موازينه = ماكنه الا ملك والغيرخدامه
تشوف جو السما وتشوف تكوينه = يعكس على البدي صوره كنها الجامه
اليا وقف بالفخامه زان تدوينه = شيخٍ على شداد عزه جر مرزامه
شيخ المكارم وهذي من عناوينه = ينومس الضيف بالتقدير واكرامه
وليا مشا قلت سيفٍ مع سلاطينه = سيفٍ على عاتق اللي خر لأعدامه
يذلل الارض قدمه من قوانينه =ويفرض مقامه بظهره لين صدامه
ما باقي الا يقول لكل شارينه = حقي عليكم يساوى الارض برخامه
كبر وتغطرس ولا تدحر شياطينه = والي يشوفه بكبره صدق مالامه
أنا أشهد ان المصمم وفت يدينه = لكن عقله ما فاده وأعلن اسلامه
يا راكبه مقعدك تراي بيمينه = وخله على الشرق وجهه وقت مجهامه
على ديارٍ بقلبي مع شرايينه = تجري بدمي مدار الوقت وأعوامه
خذني معك راهنٍ عمري مع سنينه = مع الديار وثراه وهبة أنسامه
ديار لو ما تجيها الشمس وتبينه = يمكن يشع العوض في شمس بلثامه
شمس العفاف ومعاه الليل في حينه = هذاك ليل الشعر والرمش والشامه
الوافي اللي لعن خير معادينه = بالحب والصدق ترسي قمة أهرامه
والزين والذوق ينثر في رياحينه = نجوى كرم مع حليمه غبرة أكمامه
لاوالله الا حلاته مازجه دينه = يكرم ويحشم عن الابوام وأفلامه
حط الفؤاد المتيم بين كفينه = والعقل بالفكر عنده داخل أحلامه
بعده نزف دم جرحي من سكاكينه = حتى كسر رمح عزمي وأثلم حسامه
يالعنبو جد ضيم البعد وياشينه = أقطف من أشجار همه وأجني ألآمه
والا اللقا روضٍ اخضر في بساتينه = وفوقه طيور السعد بالشوق حوامه
وان كان طير الحسد قصت جناحينه = ماقصه الا الوفا لا نفذ أحكامه[/poem]
((( الشاعر عبدالرحمن مجاهد البراق )))