[align=center]بسم الله الرحمن الرحيم
أسعد الله أوقاتكم بكل خير
عودة بعد انقطاع طويل جدا ً عن غرابيل .. آمل أن اجد من لدنكم العذر !!
الموقف يجبرني ان ابتر كل المقدمات ..
كان لابد للشعِر ان يتواجد في هكذا موقف ..
قصيدة وداعية .. كتبتها بمناسبة اعتزال الكابتن : سامي الجـابر ..
اتمنى ان ترتقي لذائقتكم ..
[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
لا لا أبد لا تنبهر وش علامي = الراس من هول الخبر صابه الشيب ..!
وقْع الخبر كنه رؤوس السهامي = والا كما روس السيوف المحاديب
دفْع القصيدة يارفيقي أمامي = وانت ادرى مني يالغلا بقافية ( إيب )
العين جافت مرقدي والمنامي = والصوت بحّ وبيّح اغلى المكاتيب
والعِرق ينبض بس دون انتظامي = والرمش مايرمش يبي زود تدريب
مخ العظم صابه كساح العظامي = والجرح غائر ، الحقوا رشوا الطيب
انا اشهد اني بإعتزالك ياسامي = مثل الضرير اللي سكن بالكراديب
ياجابر العثرات اسمع كلامي = هاك الحروف اللي بلا شك أو ريب
كل الملاعب تنتفض يالعصامي = لامن حضرت وجاك مليون ترحيب
ياليتني يالذيب عنك محامي = لأقطع لسان اللي نسب يمّك العيب
عشرين عام وعدهّا بالتمامي = تهديف وانجازات وابداع وتسحيب !
عشرين عام تشيل حد الحسامي = والذيب مايهرول عبث لازم يصيب
متخيل ان البعد وشلون دامي = تيبس حناجرنا اذا شمسك تغيب
اقولها بالصوت والصوت حامي = مشكور ياللي ماتشيل العذاريب
قل للرياضه مع شديد احترامي = لابوها كورة من بعد روحة الذيب[/poem]
.
.
.
صالح المرزوق[/align]
رد مع اقتباس
المشاركة الأصلية كتبت بواسطة صالح المرزوق
-new.gif)
