فواز الغسلان
[poem=font="Simplified Arabic,6,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
تـضـايـقــت وارسـلــت الـقـوافـي عـلــى عـواد=عـضـيـدي ويـفـهــم مـن حروفـي وش الـمـقـصـود
سـلـيـل الـرجـال الـلــي لـدرب الـصخـى تـنـقـاد=مـوارث شـيــوخــن عـادتـه تــذري الـمــضـهـود
الاويـل مـن يـشــكـي هــمــومـه لـغــيــر اجــواد=الانــذال مـاتـقــوى عـظــامــه تـشــيــل الـكـود
فلا انـتـه مـن الـشـكوى عـلـى الـنـذل نـلـت ازواد=ولاانـتـه سـتـرت امـرك وتـسـلــم مـن المـنـقـود
ابـي تـكــتـم هــمــوم الـلـيــالـي عـن الـحــســاد=وقـدامـهــم تـشـكـر عـطــاء الـلـه وتـرجــي زود
اذا ضـقـت رح لـلـي بـوقــت الـقـســى مــيــراد =بـدرب الـصـخـى تـبــذل وجـوده مـن الـمــوجــود
زمــولــن الـيــامــنــك نـخـيــتــه تـشــد شـــداد=هــم الـنـور لاشـفـت الـقــوايـل بـعـيــنــك سـود
لـهـم فـي دروب الـطـيــب والــمـرجـلـه مـيــعـاد=هـل الـسـيـف والـمـنـسـف والاقـفــاش والـبـارود
مـثـل ربـعـنـا نـسـل الـضـيـاغــم هــل الامـجــاد=هـم الـعـلـي غـيــثــن سـاقـه الـواحــد الـمـعـبـود
شـيــوخـن بـتــاريـخ الـجــزيــره تـطــق اوتـاد =او بـيــوتـنــا بـيــت الـعـبــيـكـه وابـن جـلــعـود
بـهــم راحـــتــن لـلــي مــنــامــه بــدون وســاد=تـقـول الـصـخـى والـطـيـب بـبـيــوتـهــم مــولـود
ابـي اشـكـي لـهـم جـمـرن بـقـلــب الـعـنـى وقــاد=سـبـب مــن خـذت عـقـلـي بـمـجـدولـهـا الـمـرجود
عـنــودن رعــت روضـن سـحــابـه غــدى رعــاد=وقــف دونـهـا الـحـاســد سـبـب حـظـي الـمـقـرود
اذا صـار شــوق الــزيــن فــي ضـامــري جــلاد=وجـيــت ارتـجـي شــوفــه غــدى دربـهـا مـســدود
وسـيــف الـهــوى شـره يـجــي لـلــعــرب هــداد=ومـن يـجـلـده يـرمــي عـظــامــه تـقــل عــرجــود
وش الـــراي دام انــه غــدى لـلــعــرب صــيــاد=وبـلــغ ســلامــي لـلـجــمــاعــه رجـــال الــجــود[/poem]
عواد العلي
[poem=font="Simplified Arabic,6,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
هلا يامرحبا بالرواي العاشق القصاد=اللي حروفه تشرفني وتعجبني واغيض حمود
ليا مني قريت اسمي بصفحاته بلاميعاد=اعرف اني من الدنيا على قسمي كسبت الفود
الاياسعد حظي لياوردن على الميراد=اشوش وينتخي دلوي واجهز حوضي المورود
الا يا نوق ابن غسلان مااصعبكن على النقاد=لزوم ارضيكن الليله مدامني بكن محسود
انا لي ناظرآ ثاقب يسمونه ثلاث ابعاد= كذلك وضعي الراهن يساعدني على المنشود
انا والله ماالومك بعد ماجاني القداد= حرمني لذة الدله وقاطعته يالين يعود
طريق الحب يالراوي يضيع هقوة الكداد= وانا ابسعى لاجل غالي و اجيب الغالي المفقود
مثل فواز ناقف له سوات العسكر استعداد= نبي منه يوجهنا ونمشي في ذرى المعبود
حرام نأخره ساعه لزوم نوقف العداد= ندق اطبولها فورآ وناتي للحبيب وفود
ولكن رايي الشخصي أئجل باقي الاعداد=مادام الله ميسرها من اقريب على عنوود
عنود الصيد له عاده جفول ويعتريها عناد=وانا قناص متمرس اسايسها واجي بركود
انا مااظنها ترفض ولاتشرط على عواد=واذا انه وافقت يعني على ذلك ظمنا العود[/poem]
رد مع اقتباس
المشاركة الأصلية كتبت بواسطة حبيت حرماني
