,
,
,
السلام عليكم ورحمة الله وبركاته ...
الأحبة شعراء غرابيل .. مساء الورد والطيبة والإحساس ..
مساءٍ مايليق إلا بغرابيل ومن فيها ..
.
لازالت الحبيبة الشاعرة العذبة جواهر العبدالله .. تحرِّك قلمي .. ونبضات قلبي مابين الفينَة والفينة .. وهاهي البارحة تستفيض عطْراً وشذى وتطالب أمل بتبرير عن الإنشغال المستديم ...
فما كان منها إلا أن طرحت هذه الرائعة في مدرستنا الشعرية :
,
,
,
[poem= font="Simplified Arabic,4,black,bold,normal" bkcolor="transparent" bkimage="backgrounds/30.gif" border="inset,4,gray" type=2 line=0 align=center use=ex num="0,black"]
يا أمل جيتك على متن الحروف = جيتك أستلهم من أفكارك مزيد
للزمان اللي حداني والظروف = من تجارب خبرتك قلت استفيد
وسط بحر الحزن والمركب يطوف = واتجاه الريح في وجهي شديد
بين هم وبين حزن وبين خوف = والبحر والموج والحظ العنيد
كاد عمري يا أمل يلقى حتوف = وقوة التيار في مده بعيد
يا أمل تعجز حروفي والوصوف = لأن حزني صار في دم الوريد
والجروح اللي على الخافق تلوف = فجَّرت بركان في عمق الجليد
يا أمل لولاك ما صغت الحروف = ولا بعثت المسج ( صندوق البريد )
لا يطول الرد وتضيع الحروف = جاوبيني يا أمل عبر القصيد[/poem]
.
.
فكان لزاماً على قلمي أن يرد نبضات الوفاء لقلمها ولقلبها ...
بهذه المجاراة...
.
.
[poem=font="Simplified Arabic,6,sandybrown,bold,normal" bkcolor="black" bkimage="" border="ridge,9,orange" type=2 line=0 align=center use=ex num="0,black"]
مرحبا وأهلين يالقلب العطوف=ياهلا بالحب والشعر الفريد
المشاعر من دفا حرفك وقوف=بالفرح تستقبل الطلع النضيد
هالقصيده وصفها مثل الهنوف=تستحي منها هزيلات القصيد
وكثر ماقلبي على شعرك شغوف=كثر مااشقى حزنك القلب السعيد
الهموم أنواع وأشكال وصنوف=والقدر يضرب ويدّه من حديد
وابن آدم تحت رحمة هالصروف=ان تخطّا همّ يبلش بالجديد
لايجي للحزن في قلبك صفوف=من يفكر بالحزن حزنه يزيد
ولو يزيد الهمّ عن حمل الكتوف=وكّلي في همك الفرد المجيد
وارسمي الضحكه على وجهك طيوف=واظهري الفرحه عسى عمرك مديد
واسمعي منّي تفاصيل وقطوف=مايجيكم من أمل غير المفيد
أنشغلنا عنكم ببعض الضيوف=من بعد شوّال حنّا في عصيد
عيدنا في الفطر دقّينا الدفوف=ومن بعد عيد الفطر عشرين عيد
ومن خروف الى خروف الى خروف=أشغلتنا بالمطارد والطريد
ياجواهر ياقمر ماله كسوف=لو بيدّي كان رقّيتك عميد
والله انّك قدّها واحلف حلوف=ولايهونون العساكر والعقيد
ياجواهر روّقيها يالهنوف=واشعلي روح المحبّه بالقصيد[/poem]
أمل بنت عبدالعزيز..