المميزين أصحاب الذوق الرفيع من
أعضاء المنتدى
صباح / مساء الخير
هذه القصيده المتواضعه ثمرة إتصال من شخص
يريد أن يصبح شاعرا ً ويصعد لهرم الشعر على
متن غيره 000
فما رأيك لو عرض عليك ذلك هل تبيعه مشاعرك ؟؟؟
{ القصيدة }
[poem=font="Simplified Arabic,6,black,normal,normal" bkcolor="transparent" bkimage="" border="double,6,orange" type=0 line=0 align=center use=ex num="0,black"]
ماهي بسوق البيع ياباغِ الاشعار = ياللي جزيل الشعر مني تسومه
الشعر عندي در من عمق الابحار = صعب ٍ على مثلك وتجهل علومه
وإن كان تعرف ناس للشعر تجار = تلقى عميلك كان شعره ترومه
يعرض لك الموجود عنده وتختار = مايبلش الغسال كثرة إهدومه
ناسٍ خبول وصارت اليوم شعار = من كثر دفع المال بس إمخدومه
ذولي لهم حلقه وكبره ومضمار = وحراج فرد وبيع جمله وكومه
صك اتصالك جاتني جملة افكار = راس الهرم صعب ٍ لمثلك يهومه
الشعر تاريخ العرب سيرة احرار = ميراث وقت ٍ راح واقفت إرسومه
والشعر سيرة متعب ٍ قحص الامهار = مؤسس لنا دولة كيان وحكومه
الدوله اللي خيرها عم الاقطار = مهبط وحي وامن ٍ عسى الله يدومه
من دونها شعري براكين وإعصار = وفي حقها شعري يضفي إكمومه
والشعر هو تفريج فكري اليا احتار = ليا دار هاجوسي وكثرة إهمومه
إما وصايا والد ٍ عاطف ٍ بار = يوصيك في دينك وبام ٍ رحومه
واللا وصية ركعتين ٍ بالاسحار = قبل شعاع الشمس يخفي إنجومه
والا بوصف ادلال تجذى على النار = في مجلس ٍ مدهال جلسه وقومه
رمز الكرم معنى الوفا طيب الاذكار = عز الرجال اللي بنوله إرجومه
وفي عشرة الطيب وفي جيرة الجار = هذا مجال الشعر واجزل إعلومه
واللا غزل في شمعة الحي والدار = فيها خشون الشعر يصبح نعومه
الجادل اللي مبعده عن هل العار = مأخذ شيوخ عن الرذال إمحشومه
جيل ٍ توارث جيل غايب وحضار = الحر حر وغاذي البوم بومه
لاتتصل ياتيه الفكر تكرار= نيتك شانت والبيوت إمهدمه
شعري واله عندي معزه ومقدار = هو عقب هذا كيف شعري تسومه؟؟ [/poem]
رد مع اقتباس
المشاركة الأصلية كتبت بواسطة نشمي مقعد العتيبي
